ကျောင်းသားဆိုတာ သီးသန့်ဖြစ်တည်သော အလွှာလား?

ကျောင်းသားဆိုတာ သီးသန့်ဖြစ်တည်သော အလွှာလား?


ယနေ့ခေတ် ကျောင်းသားသမဂ္ဂများ တရားဝင်လုနီးပါး ဖွဲ့စည်းကြ၊ အလုပ်လုပ်ကြတဲ့အချိန်မှာ အရင်တုန်းက မေ့လျော့နေတဲ့ အသံဟောင်းတွေ ပြန်ဆူလာတယ်။ အဲ့ဒီအထဲမှာ အဆူဆုံးအသံ ကတော့
“ကျောင်းသားဟာ ကျောင်းသား အလုပ်သက်သက်ကိုပဲ လုပ်ဖို့၊ ကျောင်းသားဟာ နိုင်ငံရေးမှာမပါဖို့ ၊အရင်အဟောင်းကို အတိတ်မှာထားခဲ့(၀ါ)သမိုင်းမှာ ထားခဲ့”
ဆိုတဲ့ အသံပါပဲ။
                    ဒီနေရာမှာ ကျွန်တော့်ရဲ့ တစ်သီးပုဂ္ဂလ ခံယူချက်/သဘောထားအမြင်ကို ကျွန်တော် အနည်းငယ်ပြောလိုတာက  ဒါဟာ ကျောင်းသားများကို ဆရာလုပ်ခြင်းလည်း မဟုတ်သလို စွတ်ဖက်လိုခြင်းလည်း မဟုတ်ဘူးဆိုတာ နဲ့  ကျောင်းသားသမဂ္ဂ၀င်တစ်ယောက် မဖြစ်ခဲ့ရတဲ့ ကျောင်းသားသမဂ္ဂ၀င်တစ်ယောက် ဖြစ်ချင်လွန်းခဲ့တဲ့ လူငယ်တစ်ယောက် ဟာ ရွှေရောင်တောက်ပနေတဲ့ လက်ရှိမျိုးဆက်အပေါ် အားကျခြင်းနဲ့ အားကိုးလိုခြင်း သက်သက်သာဖြစ်ကြောင်း .............


၁။ကျောင်းသားဟာ သီးခြားအလွှာ ဖြစ်မဖြစ်

               ကျောင်းသားဟာ သီးခြားအလွှာဖြစ်လား မဖြစ်ဖူးလား ဆိုတာ ကျောင်းသားသမဂ္ဂ ရဲ့
ဖြစ်တည်မှု သမိုင်းမှာ အထင်အရှား ဖေါ်ပြပြီးဖြစ်တယ်။ (သမိုင်းအကြောင်းပြောလွန်းတဲ့သူတွေ  သမိုင်းထဲမှာနေခဲ့ဆိုတဲ့ ကပ်သီးကပ်ဖဲ့သမားအချို့ကိုပြောလိုတာက သမိုင်းဆိုသည်မှာ အရှိတရား ဖြစ်ကြောင်း၊ အရာဝတ္ထုတိုင်းရဲ့ မှန်ကန်သောတည်ရှိမှုကို ဖျက်ဆီးလိုသူတွေဟာ သမိုင်းတုသင်ခြင်း၊ သမိုင်းမှားပြုခြင်းတို့ကို အစဉ်တစိုက် ကြိုးပမ်းခဲ့တယ်။ ဒါဟာလည်း ဦးနေ၀င်းခေတ်ကနေ ယနေ့ခေတ်ထိ ကျွန်တော်တို့ သင်ခဲ့ရတဲ့/သိခဲ့ရတဲ့ အရာတွေဟာ ဘာတွေလည်း ဆိုတာ ပြန်စဉ်းစားကြည့်ရင် ပေါ်လာမှာပါ။) ကျွန်တော်မူရင်းပြောလိုတဲ့ အချက်ကို ပြန်သွားပါမယ်။ ကျောင်းသားဟာ ကျောင်းသားအရေးပဲ လုပ်ရမယ်ဆိုတဲ့ ဒီခေတ် နိုင်ငံရေးအကျော်ဒေးယျ ဆရာသမားများရဲ့ သွပ်သွင်းချက်တွေဟာ ဟုတ်သယောင်တော့ ရှိပါတယ်။ ကျောင်းသားဟာ နိုင်ငံရေးလုပ်ရင် ငါတို့လို ခံရမယ်ဆိုတဲ့ စေတနာလိုလို စကားတွေနဲ့ သူတို့ဟာ ဒီစကားကို ပြောလာကြတာပါ။ သူတို့ပြောတဲ့ ကျောင်းသားရဲ့ ကျောင်းသားအရေး ဆိုတာ ဘာလဲ? ဒီမေးခွန်းရဲ့ နောက်ကွယ်က အချက်တွေက ဘာတွေလဲ? ကျွန်တော်တို့ စဉ်းစား သင့်ပါပြီ။
            သူတို့ပြောတဲ့  ကျောင်းသားရဲ့ ကျောင်းသားအရေးဆိုတာမှာ  ကျောင်းဖယ်ရီခလောက်၊
ကျောင်းမဂ္ဂဇင်း ထုတ်ရုံလောက်၊ အသင်းအပင်းဖွဲ့စည်းခွင့်လောက်သာ အမြင်ဆုံး ဖြစ်ပြီး ဒီမိုကရေစီပညာရေး (၀ါ) လူတိုင်းတန်းတူ ညီမျှစွာ ပညာသင်ကြားနိုင်ခွင့်+မိမိနှစ်သက်ရာကို အပူအပင်ကင်း စွာ လေ့လာနိုင်ခွင့် တွေကို နောက်ကို ပို့ထားခဲ့ပါတယ်။ လက်ရှိ ကျောင်းသားသမဂ္ဂရဲ့ဦးစီးဦးဆောင် တွေနဲ့ နောင်မှာ ခေါင်းဆောင်ဖြစ်လာမယ့်
ကျောင်းသား မျိုးဆက်တွေကို ဒီမိုကရေစီ ပညာရေးဆိုတာကို မသိအောင် တစ်ဖက်လှည့်နဲ့ ကျောသပ်ရင်သပ် လုပ်ထားတဲ့ သဘောပါပဲ။ လူတိုင်းတန်းတူညီမျှစွာပညာသင်ကြားခွင့်မရှိတဲ့ နိုင်ငံမှာ ဒီမိုကရေစီပညာရေး ဖြစ်ပေါ်လာဖို့ဆိုတာ ဖြစ်နိုင်ခြေ သုညပါပဲ။ သုညကနေ တစ်ဖြစ်အောင် ဖြည်းဖြည်းခြင်းလုပ်ယူမယ်ဆိုတဲ့ စကားကိုပြောလို့ရပါတယ်။  နိုင်ငံရေးအလာဂျစ်အမြင်နဲ့သာ ဒီစကားကို ပြောမယ်ဆိုရင်တော့ အသွင်သဏ္ဍန်သာရြှိ့ပီး အနှစ်သာရကင်းမဲ့တဲ့ အခြေအနေတစ်ခုကိုသာ ရရှိပါလိမ့်မယ်။  ကျောင်းသားရဲ့ ကျောင်းသားအရေးဆိုတာ ဒီမိုကရေစီ(၀ါ)လူသားတန်ဖိုးစံ တွေကို လူတိုင်းရရှိမှ ဖြစ်လာပါလိမ့်မယ်။ တိုင်းပြည်ရဲ့ စီးပွားရေးခြွှတ်ခြုံကြမှုတွေ၊ မှားယွင်းတဲ့ စနစ်ရှင်သန်မှုတွေ နဲ့ လူသားတန်ဖိုးစံကို ငြင်းပယ်မှုများ ရှိနေသရွေ့ ဒီမိုကရေစီပညာရေးဆိုတဲ့ အသံဟာ အသံသက်သက်သက်၊ ပုံသဏ္ဍန်ဟာ သဏ္ဍန်သက်သက်သာ ရှိနေမှာ ဖြစ်ပါတယ်။

         ကျောင်းသားနဲ့နိုင်ငံရေးဟာ ခွဲလို့မရဆိုတာကို အထက်ပါ အချက်အလက်တွေလောက်နဲ့ သိပြီး ဖြစ်ပါလိမ့်မယ်။ ဒါဟာ အကျိုးဆက်တစ်ခုမှာ ဖြစ်ပေါ်လာမယ့် အကြောင်းအချက် အနည်းငယ်ပဲ ရှိပါသေးတယ်။ ကျောင်းသားဟာ နိုင်ငံရေးလုပ်ဆိုတဲ့ အတင်းတွန်းသွင်းတဲ့ အယူအဆပိုင်းတော့ မဟုတ်ပါ။ ကျောင်းသားနဲ့နိုင်ငံရေးဟာ ခွဲလို့မရဘူးဆိုတာ ကျောင်းသား ဘက်က အမြင်မျိုးနဲ့ မြင်ပြရုံသက်သက်ပါ။ နိုင်ငံရေးစနစ်တစ်ခုဟာ ပျက်စီးနေသရွေ့ အားလုံးနဲ့ တိုက်ရိုက်ပါတ်သက်ပါတယ်။ ငါနဲ့တော့ မဆိုင်လောက်ဘူးလို့ ထင်လို့မရပါဘူး။ အားလုံးဟာ တစ်ခုနဲ့ တစ်ခု အသွင်မတူညီဟု ထင်ရသော်ငြား အမှီသဟဲပြု ဆက်စပ်ခြင်းကတော့ မပြတ်တည်ရှိပါတယ်။ ပြီးတော့ ကျောင်းသားသမဂ္ဂရဲ့ သမိုင်းဆိုတာလည်း ကိုယ်နဲ့မတူတိုင်း ထားခဲ့လို့ ပြောလို့ရလောက်အောင် ပေါက်လွတ်ပဲစားမဆန်ခဲ့ပါဘူး အသက်တွေ သွေးတွေ ဘ၀တွေ ရင်းခဲ့ရတဲ့ အရာတစ်ခုပါ။
                
               လက်ရှိမှာ ကျွန်တော့် စိတ်ထဲမှာ ညီအကိုသဖွယ်သဘောထားတဲ့ ကျောင်းသားသမဂ္ဂ ၀င်တိုင်းကို တိုက်တွန်းလိုတာ က ကျောင်းသားသမဂ္ဂများ အင်အားတောင့်တင်းဖို့အဓိကကို ဦးတည်ကာ ကျောင်းသားဆရာ တစ်သားတည်း ဖြစ်ရေး၊ ကျောင်းသားထု သွေးစည်း ညီညွတ်
ရေးကိုရှေ့တန်းတင်ပြီး ဒီမိုကရေစီရေး ကိုလည်း မေ့လျော့မထားဖို့ပါပဲ။ ဒါဟာ ဆန္ဒပြခိုင်းခြင်း၊ လမ်းပေါ်ထွက် အသက်စွန့်ခိုင်းခြင်း မဟုတ်ပါ။ အမှန်တရားဆိုတာကို မြင်စေလိုခြင်းပါ။
              
                 ကျောင်းသားသမဂ္ဂဟာ လူထုကို အမြဲဦးဆေင်ခဲ့တဲ့ တော်လှန်ရေးတပ်ဦးပါပဲ။ ဒီသမိုင်းကို ပေါ့သေးသေးဟု မယူဆပဲ မိမိတို့ရဲ့ အခြေအနေအစစ်ကို လက်ခံဖို့နဲ့ စောင့်ထိန်းစေချင်ကြောင်း စေတနာပြုလျက်....။



မြတ်သူ

မင်းခိုင်မြဲ ၏ ‘စိတ်ဓာတ်ကို ကြက်ခြေခတ်ခြင်း’ ကဗျာအား ချဉ်းကပ်ခြင်း(ရဲရင့်လမင်း)

  ကဗျာဆိုတာအာဏာရှင်မဆန်ပါဘူးတဲ့ သူငယ်ချင်းကဗျာဆရာတစ်ယောက်ကပြောဖူးတယ်။ဒါပေမယ့် ဒီကဗျာမှာတော့ လူငယ်တွေရဲ့စိတ်ဓာတ်ကို အာဏာရှင်ဆန်ဆန် ကြက်ခြေခတ်ခံခဲ့ရတာတွေကို ခံပြင်းတဲ့စိတ်နဲ့ ကဗျာဆရာကပုံဖော်ပေးထားခဲ့ပါတယ်။ကဗျာဆိုတဲ့ဘောင်လေးထဲကနေ အခုလို လွတ်
လပ်စွာ တုံ့ပြန်ခွင့်ရှိတယ်၊ပြောဆိုခွင့်ရှိတယ်ဆိုတာ ကဗျာဆရာပေးချင်တဲ့ မက်ဆေ့ရှ်(message)လို့မြင်မိပါတယ်။ဒါဟာ ကဗျာကို ချဉ်းကပ်ခြင်းသာလျှင်ဖြစ်ပါတယ်။ကောင်းသည်၊ဆိုးသည် ဝေဖန်ခြင်းမဟုတ်ကြောင်းကိုတော့ သိစေချင်ပါတယ် ခင်ဗျာ။

   ကဗျာကိုချဉ်းကပ်ခြင်းဖြစ်သည့်အလျောက် ကဗျာဆရာရဲ့စိတ်ခံစားချက် များကိုလည်းချဉ်းကပ်မိလျက်
သား ဖြစ်ကောင်းဖြစ်နေမှာပါ။ကျွန်တော့အနေနဲ့ ကဗျာကို အသေးစိတ်ခွဲခြမ်းစိတ်ဖြာ အဓိပ္ပာယ်လိုက်
ကောက်နေခြင်းမဟုတ်သည့်အတွက် ကဗျာဖတ်သူရဲ့ကိုယ်ခံအားကလည်းအထိုက်အလျောက်
တော့အရေးပါနေမှာပါ။
    ဒီကဗျာမှာ ကဗျာဆရာဟာ ကဗျာကို လိုင်းအမာတွေနဲ့တည်ဆောက်ထားတယ်လို့ မြင်ပါတယ်။
ခေတ်အပေါ် သူပြောချင်နေတဲ့အချက်တွေကို အမေးဝါကျတွေနဲ့ ပြောထားတာတွေ့ရပါတယ်။ကဗျာကို
လိုင်းအမာတွေနဲ့တည်ဆောက်ထားတယ်ဆိုပေမယ့် Hypotheses(အနုမာနအယူအဆ/အဆိုကြမ်း)လို့ပြောလို့ရမယ့်
ခုန်လို့မရတဲ့ လိုင်းအသေတွေနဲ့တည်ဆောက်ထားသည်ကိုလည်းတွေ့ရပါတယ်။ဒီနေရာမှာ တစ်ခုပြောချင်တာက(ကျွန်တော့်အမြင်ပါ)လိုင်းအသေအားပြုရေးတဲ့ကဗျာတွေနဲ့ လိုင်းအရှင်အားပြုရေးတဲ့ကဗျာတွေရဲ့ ကွာဟမှုကိုပါ။လိုင်းအရှင်
အားပြုထားတဲ့ကဗျာတွေမှာ ဘာသာစကားအလုပ်လုပ်ပုံ ဘယ်လိုမျိုးအလုပ်လုပ်နေသလဲ အဲဒီဘာသာစကားကနေ အဓိပ္ပာယ်တွေဖွာထွက်လာမှု စတဲ့ ဘာသာစကားကိုအရမ်းအားပြုနေရတဲ့အတွက် ကဗျာရဲ့ဆိုလိုရင်းတွေဝေဝါးလာပါတယ်။တနည်းအားဖြင့် ဗဟိုချက်
တွေပါမဲ့လာခဲ့ပါတယ်။လိုင်းအသေနဲ့ကဗျာတွေမှာတော့ ဆိုလိုရင်းကို ထိထိမိမိလေး ပြသွားနိုင်တာတွေ့ရပါ့
မယ်။ကဲ ကဗျာလေးကိုစပြီး ခံစားကြည့်ရအောင်ဗျာ…….

(နေထွက်ပြီး နေ၀င်သွားတဲ့ မြစ်ကမ်းဘေးမှာ ငါ့ကိုယ်ငါချရပ်လိုက်တယ်။)

ကဗျာဆရာဟာ မြစ်ကမ်းဘေးတစ်ခုမှာ ရပ်နေတယ်ဆိုတဲ့အကြောင်းကို နိမိတ်ပုံပါးပါးလေးနဲ့ ကဗျာကို လှလှလေးအင်ထရိုဝင်လိုက်ပါတယ်။ကဗျာဆရာဟာ မြစ်ကမ်းဘေးမှာ ရပ်နေပါပြီ။ ဒါဟာ သူပြောချင်တာတွေကိုဆက်ပြောဖို့ မြစ်ကမ်းနံဘေးနောက်ခံနဲ့ ကဗျာဆန်ဆန် ဆက်တင်ချလိုက်တာလို့ ဆိုနိုင်ပါလိမ့်မယ်။ကဗျာဆရာဟာသူပြောချင်နေတာတွေ၊
ခေတ်အပေါ်မကျေနပ်ချက်တွေ၊ခံပြင်းနေတာတွေကို အမေးဝါကျတွေနဲ့စပြောပါတော့တယ်။

 (ဒီနေ့နဲ့မနက်ဖြန်မှာ ကိုယ်တိုင်စာတတ်ပြီး ဘာလို့စာမတတ်မှုဖြစ်နေတာလဲ။

 ကိုယ်တိုင်သိမ်မွေ့သလိုလိုနဲ့ဘာလို့ရိုင်းစိုင်းသွားတာလဲ။)
အဲဒီလိုင်းနှစ်လိုင်းဟာရိုးရိုးရှင်းရှင်းလေးတွေပါ။ကဗျာဖတ်သူအနေနဲ့လည်း
အများကြီးကိုဖြန့်တွေးပြစ်လိုက်လို့ရပါတယ်။အမေးဝါကျဆန်ဆန်နဲ့ ခေတ်ရဲ့အနေအထားကိုတွေးခိုင်းလိုက်တာလို့ထင်ပါတယ်။တဖက်ကကြည့်
မယ်ဆိုရင်လည်း ဒါဟာကဗျာဆရာရဲ့ ခေတ်အပေါ်မကျေနပ်တဲ့ လေသံတွေပါပဲ။

  ( ဟော.....
      တတိယနိုင်ငံရေးသမားတဲ့ ခပ်ရိုင်းရိုင်းနှုတ်ဆက်လိုက်တယ်။

မင်္ဂလာပါလူကြီးမင်းခင်ဗျာ...)
‘ဟော….’ဆိုတဲ့အောက်က ပထမလိုင်းမှာ ခပ်ရိုင်းရိုင်းနှုတ်ဆက်လိုက်တယ်လို့ဆိုထားပေမယ့်
ဒုတိယ လိုင်းမှာတော့ ‘မင်္ဂလာပါ လူကြီးမင်းခင်ဗျာ’ ဆိုတဲ့ ယဉ်ကျေးတဲ့စကားကိုဆန့်ကျင်ဘက် လိုင်းနဲ့ တွဲသုံးသွားပါတယ်။ဒါဟာကဗျာသမားတွေမှာရှိနေတက်တဲ့ ရွဲ့တက်တဲ့ စိတ်အခြေအနေကို ပြသွားတာပါ။နိုင်ငံရေးသမားတွေကို တကယ်ရောနိုင်ငံရေးသမားစစ်ကြရဲ့လားလို့ခပ်ထေ့ထေ့မေးခွန်းတွေထုတ်ပြီး ကဗျာဖတ်သူတွေကိုပါ ဒါတွေဟာ တကယ်လိုအပ်ပါသလားလို့ရိုးရှင်းထိမိတဲ့ ဝါကျလိုင်းတွေနဲ့အသိပေးသွားခဲ့ပါတယ်။ 

 (ကိုယ်ထူကိုယ်ထအိပ်မက်တွေကို အာခေါင်ခြစ်အော်ဖူးပါသလား။      

  ပညာတတ်ဆန်ဆန်လာဘ်စားမှုကို ခွဲခြားတတ်ပြီလားး။

 အမြင်မတူတာနဲ့တွေ့ရင် အတ္ထုပ္ပတ္တိစ/ဆုံး လုံးစေ့ပတ်စေ့လေ့လာဖူးပြီလား။

 မာတင်လူသာကင်း ရဲ့ စာတိုပေစတွေ ဖတ်ဖူးပြီလားးး။

 ကိုယ်သေတဲ့အခါ ကိုယ့်သမိုင်းကောင်းဖို့ဆိုးဖို့ မျှော်ကြည့်ဖူးပါသလား။

နိုင်ငံရေးမေးခွန်းအချို့ကို ဆိုလိုရင်းခွဲခြားတတ်ပြီလား။

စစ်ပွဲကြားက အားငယ်မှုတွေရဲ့ ရည်ရွယ်ချက်ကို လေ့လာဖူးပြီလား.....။)

 (ဖော်ညွှန်းပြီး ဆက်မပြောတော့ဘူး။)

       နိုင်ငံရေးသမားလို့ဆိုသူတွေနဲ့ကျွန်တော်တို့ ခင်ဗျားတို့တွေအတွက်ရော ဒီလိုအသိတွေ၊အမြင်တွေ တကယ်လိုအပ်ပါသလား၊မလိုအပ်ဖူးလား
ဆိုတာကိုတော့ ကဗျာဆရာက (ဖော်ညွှန်းပြီး ဆက်မပြောတော့ဘူး။)တဲ့။ကဗျာဖတ်သူကိုလည်း အခုလိုအဖွင့်လိုင်းလေးနဲ့ ထွက်ပေါက်ပြန်ပေးထားပါတယ်။
   ကဗျာတစ်ပုဒ်မှာ ထွက်ပေါက်လေးပေးပြီဆိုရင် အဲဒီရဲ့နောက်မှာ အဲဒီကဗျာရဲ့ အသက်ဓာတ်ဖြစ်တဲ့ အချင်းအရာတွေဟာ ကပ်ပါလာတက်ပါတယ်။

 (မျုိးဆက်တစ်ခုကို ယုံကြည်ရင် မျိုးဆက်တစ်ခုလိုယဉ်ကျေးဖို့လိုလိမ့်မယ်။

    အချိန်ကာလကို ခြုံငုံပြီး ခိုင်မာမှုကို မွေးထုတ်မပေးနိုင်တဲ့အထဲမှာ

ငါ့ကိုလူအဖြစ်ထုဆစ်ထားတဲ့ နိုင်ငံလည်းပါတယ်လို့ ငါပြောတယ်။)
      ဒါဟာ ကဗျာဆရာက ကဗျာဆိုတဲ့ဘောင်ထဲကနေ ကျွန်တော်တို့တွေ ဆုံးရှုံးခဲ့ရ၊ခံစားခဲ့ရ၊နာကျည်းခံပြင်းခဲ့ရတဲ့အခွင့်အရေးတွေကို ကဗျာရဲ့လွတ်လပ်တဲ့စည်းထဲကနေ သတိပေး တောင်းဆိုလိုက်တာပါ။ဒီကဗျာရဲ့ အသက်အဝင်ဆုံးလိုင်းတွေပါပဲ။ဒီနေရာလေးကို သုံးခေါက်လောက်တော့ ဖတ်ကြည့်စေချင်ပါတယ်။
    အဲဒီနောက်မှာတော့ ကဗျာဆရာဟာ သူအပါအဝင် ခေတ်ကြီးရဲ့ကျဆင်းနေတဲ့ ခုခံအားတွေကို အကျလိုင်းတွေနဲ့ ဆက်ပြီးပုံဖော်ပါတယ်။ဒါကလည်း Ending ကိုသွားဖို့၊ကဗျာကို အဆုံးသတ်ဖို့ ဖြည်ချလိုက်ဖျော့ချပေးလိုက်တာလို့မြင်ပါတယ်။
(ခေတ်ဆိုတာကြီးကိုကြည့်ပြီး မေတ္တာတရားတွေလဲ မှေးမှိန်ကုန်ပြီ။
အရောင်တွေထဲက မေးခွန်းအချို့ကို အနုပညာအဖြစ် မဖန်တီးနိုင်သေးဘူး။
21ရာစုနာရီသံဟာ နိုက်ကလပ်ကတေးသံကိုစည်းချက်လိုက်နေတယ်။
ကျော်ကြားမှုကို မ၀တ်ဆင်ဖို့ ကမ္ဘာကြီးက ငါ့ကိုအမဲလိုက်နေပြီ။)
ကဗျာဆရာဟာ နောက်ဆုံးမှာ အမေးဝါကျတွေကို မသုံးတော့ပါဘူး။သူအလိုမကျတဲ့ခေတ်ဆိုတာကြီးကို မှော်သားကပ်နေတဲ့ အထက်ကလိုင်းလေးခုနဲ့ ကဗျာဓာတ်မိမိရရကိုပြသွားခဲ့ပါတယ်။ကိုယ့်စိတ်ဓာတ်ကိုယ် ပြုပြင်ဖို့ကိုတောင်အခွင့်အရေး မပေးချင်တဲ့ လူတွေ ကို တနည်းအားဖြင့် အာဏာရှင်ဆန်မှုတွေကို
(ဒီလိုနဲ့ ကိုယ့်စိတ်ဓါတ်ကိုယ် ငုံ့အသွေးမှာ အားလုံးကငါ့ကိုကြက်ခြေခတ်ပြစ်လိုက်တယ်။)
ဆိုပြီး မချိတင်ကဲလေသံ မျိုးနဲ့ ကဗျာကို အဆုံးသတ်သွားခဲ့ပါတယ်။

    ကျွန်တော်ကတော့ ကျွန်တော့်ရဲ့စိတ်
/နှလုံးသားမှာလာထိရှတဲ့ကဗျာတစ်ပုဒ်ကိုဖတ်ပြီးတဲ့အခါတိုင်းမှာ
ကျွန်တော့်မျက်စိကို မှိတ်လိုက်ပါတယ်။ပြီးရင်တော့ အဲဒီကဗျာဆရာရဲ့စိတ်/နှလုံးသားဆီ ရောက်အောင်အတွေးတွေနဲ့ကူးခတ်တော့တာပါပဲ။အဲဒီအတွက်လည်း ကဗျာဆရာဟာ နေထွက်ပြီး နေဝင်သွားတဲ့ မြစ်ကမ်းဘေးမှာ ကျွန်တော့်ကို ရပ်စောင့်နေဦးမှာပါလို့ ယုံကြည်နေမိတယ်။       ။

မှတ်ချက်။         ။ကျွန်တော့်၏ ခံစားမှုသက်သက်သာဖြစ်ပါကြောင်း။ကောင်းကောင်းဆိုးဆိုး
                      ကျွန်တော်၏တာဝန်သာဖြစ်ပါသည်။
                                                                                                       လေးစားစွာဖြင့်…..
                                                                                                                           ရဲရင့်လမင်း

လူမျိုးကြီး ၊ ဘာသာကြီး စိတ်ဓါတ်များ ၀င်နေသော လူမျိုးငယ် ဘာသာငယ် နိုင်ငံလေး

ဒီကိစ္စကို မရေးဖူးလို့ စဉ်းစားထားတာပါ .။ ဒါပေမယ့် ရေးချင်စိတ်ကို ဘယ်လိုမျှ ထိန်းမရတဲ့ အတွက် ရေးလိုက်ပါပြီ။ ကျွန်တော့် အနေနဲ့ ဘယ်ဘာသာတရား ကိုမှ ဖင်းပြီး ရေးမှာ မဟုတ်သလို ။ ဘယ်ဘာသာဝင်ကိုမှ မုန်းတီး စိတ်နဲ့ရေးမှာ မဟုတ်ပါဘူး ။ လူမျိုးရေးဘာသာရေး အလွဲသုံးစားပြုသူတွေရဲ့ အသုံးမ၀င်လှမှုတွေကို ထောက်ပြချင်ယုံသက်သက်သာ ဖြစ်ပါတယ်။

အခု မိတ္ထီလာမှာ သာမာန် ပဋိပက္ခ တစ်ခုကို အရင်းပြုပြီးတော့ သွေးဆာသူတွေ ၊ ရုန့်ရင်းကြမ်းတမ်းသူတွေ ၊ အမြတ်ထုတ်လိုသူတွေက စတင်ပြီး ဘာသာရေးအဓိကရုဏ်း ၊ လူမျိုးရေးအဓိကရုဏ်းအသွင် ရောက်လာအောင် ပြုလုပ်နေတာကို မြင်တွေ့ရပါတယ်။
သာမာန် ပဋိပက္ခပြဿနာကို ဥပဒေဘောင်အတွင်းကနေ ဖြေရှင်းဖို့ မကြိုးစားပဲနဲ့ ။ အကြမ်းဖက်ခြင်း မီးရှို့ခြင်း လူသတ်ခြင်း စတဲ့ ကိစ္စတွေကို ပြုလုပ်တာဟာ အလွန် ရင်လေးဖို့ ကောင်းတဲ့ ကိစ္စရပ်တစ်ခုပါ ။
လက်ရှိ ကျွန်တော်တို့ နိုင်ငံဟာ ဒီမိုကရေစီ ကို ပြောင်းလဲယူဖို့ ကြိုးစားဆဲ အနေအထားတစ်ခုမှာသာ ရှိပါတယ် ။ ဒီလို အခြေအနေမှာ မလိုလားအပ်တဲ့ နိုင်ငံတကာရဲ့ အထင်အမြင် လွဲမှားမှုကို ရယူဖို့ ကြိုးစားနေတဲ့ လုပ်ရပ်တွေဟာလည်း အံ့အားသင့်စရာ ဖြစ်နေပါတယ်။

ဒီမိုကရေစီ ဆိုတာဘာလဲ ?

ဒီမေးခွန်းတွေကို လက်ရှိ အဓိကရုဏ်းတွေကို ပြုလုပ်နေသူတွေ ။ သွေးဆာနေသူတွေကို ကျွန်တော် မေးချင်နေတယ်။

ဒီမိုကရေစီ ဆိုတာ အခုလို လက်လွတ်စပယ် လူမျိုးရေးခွဲခြားပြီး ဘာသာရေးစော်ကားမှုတွေ လုပ်ပြီး လူသတ်ဖို့ မဟုတ်သလို
ဒီမိုကရေစီ လမ်းကြောင်းပေါ် ရောက်ပြီ ဆိုပီး ဒီလို လုပ်ချင်တာ လုပ်လို့ရတယ် ဆိုတဲ့ အမြင်မျိုးတွေ ကိန်းဝပ်နေသလားမသိ ။
လူကို လူလို မမြင်တော့တဲ့ မှတ်ချက်တွေ ၊ လုပ်ရပ်တွေ ကို ကျွန်တော်တို့ အခု ဆိုရှယ်နက်ဝေါခ့် တစ်ခု ဖြစ်တဲ့ Facebook မှာ ကောင်းကောင်းကြီး မြင်နေရတယ် ။ မီးတွေလောင်နေတဲ့ ဘာသာရေး အဆောက်အအုံတွေ ၊ ခိုကိုးရာမရ ဖြစ်နေတဲ့ အိုးအိမ်မဲ့ လူတွေ ၊ မိဘမဲ့ သွားမယ့် ကလေးတွေ ၊ စီးပွားပျက်သွားရင်းကနေ အိမ်ထောင်ပါ ပျက်သွားတော့မယ် မိသားစုတွေ ၊ ပညာရေး ဆုံးရှုံးရတော့မယ့် ကလေးငယ်တွေ ဒါတွေကို မမြင်နိုင်လောက်အောင် လူမျိုးရေး၊ ဘာသာရေး မှိုင်းတွေဟာ ကျွန်တော်တို့ကို မှိုင်းတိုက်နေပါတယ် ။ လူသားချင်းစာနာမှုတွေ ၊ လူ့အခွင့်အရေးတွေ ၊ တာဝန်ယူမှုတွေ မရှိပါပဲနဲ့ ဒီမိုကရေစီ အော်ပြီး လုပ်ချင်ရာ လုပ်နေတာဟာ မည်သူမျှ အာဏာမသိမ်းပါပဲနဲ့ ကျွန်တော်တို့ အပြောင်းအလဲကာလမှာတင် အလိုလို နောက်ကြောင်းပြန်လှည့်သွားပါလိမ့်မယ်။


လက်ရှိအချိန်မှာ အစ္စလာမ်ဘာသာကို ဆန့်ကျင်ဖို့ လှုံ့ဆော်မှုတွေက အားကောင်းလာတာကို မြင်ရပါတယ် ။ မေးခွန်းမေးစရာ ရှိတာက ဒီလို ဘာသာရေးခွဲခြားသူတွေဟာ  ဘာကြောင့် အစ္စလာမ်ဘာသာ ကို ဆန့်ကျင်ကြတာလဲ?ဆိုတဲ့ မေးခွန်းပါ

ဒီဟာကို ကျွန်တော် မြင်မိသလောက် ချရေးကြည့်ပါမယ်။

(1) 786 ဆိုတဲ့ ကိန်းဂဏန်းကို 21 ရာစုမှာ အစ္စလာမ်ဘာသာကသာ ကမ္ဘာကို စိုးမိုးရမယ် ဆိုတဲ့ စွပ်ဆွဲချက်။

(2) ဗုဒ္ဓဘာသာဝင် အမျိုးသမီးတွေကို မူဆလင်အမျိုးသားတွေက ထိန်းမြားရင် ပိုက်ဆံထောက်ပံ့ပါတယ် ဆိုတဲ့ စွပ်ဆွဲချက်။

(3) အယ်လ်ကေဒါ ကဲ့ သို့ သော အကြမ်းဖက်အဖွဲ့တွေ ။

(4) မူဆလင်ဘာသာဝင် အချို့ရဲ့ စီးပွားရေုးလုပ်ငန်းတွေ အောင်မြင်မှု ကြီးမားနေခြင်း

(5) ဗုဒ္ဓဘာသာဝင်တွေရဲ့ ဘာသာရေး ရေချိန်လျော့ကျမှု

ဒီအချက်တွေကို အဓိက ကျွန်တော် မြင်လာရတယ်။

(1) ကျွန်တော့် အနေနှင့်ကတော့ 786 ဆိုတဲ့ ဂဏန်းဟာ မြန်မာပြည်မှာပဲ သုံးတာကို သိရသလို မူရင်းဟာ အာရဗီ စကားဖြစ်ပီး ကိန်းဂဏန်းအနေနဲ့ စီလိုက်ရင် 786 ဆိုတဲ့ ဂဏန်းတွဲကို ရတယ် ။ (အလ္လာဟုအရှင် ၏ ဂုဏ်တော်ကို တသပြီး အစပြုပါသည်) လို့ သိထားတယ် ( အမျိုးပျောက်မှာ စိုးကြောက်စရာ လို ခိုးထုတ်တဲ့ ဘာသာရေးမှိုင်း စာအုပ်မျိုးတွေမှာတော့ 21 ရာစု မှာ ကမ္ဘာကို လွှမ်းမိုးဖို့ ဆိုပီး ရေးထားတယ်)။သေချာတာကတော့ အစ္စလာမ်ဘာသာရေးအကြီးအကဲတွေလည်း မညွှန်ကြားထားသလို၊ ကိုရမ်ကျမ်းမှာ 786 ဆိုတဲ့ ဂဏန်းနဲ့ ကမ္ဘာကို သိမ်းရမယ်လုိ့ ညွှန်းဆိုချက် ပါမထားပါဘူး။

(2)  ဗုဒ္ဓဘာသာဝင် အမျိုးသမီးတွေကို မူဆလင်တွေ လက်ထပ်ရင် ပိုက်ဆံထောက်ပံ့ပါတယ် ဆိုတဲ့ ဆွဲချက်ဟာလည်း ယနေ့အထိ သက်သေပြလို့ မရပါဘူး ။ ဘာသာပြောင်းတယ်ဆိုတဲ့ ကိစ္စဟာလည်း လူတစ်ဦးတစ်ယောက်နဲ့ပဲ ဆိုင်ပါတယ် ။ တစ်ဖက်ဘာသာကို ပြောင်းသွားတဲ့ အတွက် ကျွန်တော်တို့ အနေနဲ့ သွားပီး ပြဿနာရှာလို့မရသလို ။ ကိုယ့်ဘာသာကို တစ်ဖက်က ပြောင်းလဲရင်လည်း ပြဿနာလာရှာလို့ ရမှာ မဟုတ်တာကို သတိချပ်ရပါမယ် ။

(3) အကြမ်းဖက် အဖွဲ့ဆိုတာ မည်သည့် ဘာသာဝင်မဆို ဖြစ်နိုင်ပါတယ် ။
အယ်လ်ကေးဒါးဟာ အခု ရက်စက်ပါတယ်လို့ နာမည်ကြီးနေတယ် ။
ဒါပေမယ့် နောက်အနာဂါတ်မှာ လက်ရှိ 969 တံဆိပ်ကပ်နေတဲ့ အဖွဲ့တွေကကော ဒီလို ဖြစ်မလာနိုင်ဘူးလား ?
လက်ရှိ လူမျိုးတုန်းသတ်ဖြတ်ဖို့ ကြံနေပုံမျိုးဟာ နောက်အခါမှာ ဒီလိုမျိုး အစွန်းရောက်ဘာသာရေးအဖွဲ့အစည်း တစ်ခု ထပ်မထွက်လာနိုင်ဘူးလား ။ ကျွန်တော်တို့ဟာ အကြမ်းဖက်မှုနဲ့ ဘာသာတရားနဲ့ကို ခွဲမြင်ဖို့ လိုနေပါပြီ ။ လက်ရှိမှာ အစ္စလာမ်မုန်းတီးရေး လုပ်နေတဲ့ ပုဂ္ဂိုလ်တွေ အနေနဲ့ အစ္စလာမ်ဘာသာဝင်မူဆလင် လူတိုင်းကို ဘင်လာဒင်ကို ကြိုက်ပါသလား အယ်လ်ကေဒါးကို ထောက်ခံပါသလားဆိုတာ ကို မေးသင့်ပါတယ် ။
ဂျီဟဒ်ဆိုတာ တစ်ဖက်သားက စော်ကားလာမှ ပြန်လည်တုံ့ပြန်ရတယ် ဒါတောင်မှ ကလေးတွေ ၊ အမျိုးသမီးတွေ ၊ သက်ကြီးရွယ်အိုတွေ မပါဝင်စေရလို့ သိမှတ်ထားပါတယ် ။ အဲ့တော့ အဖြေက ရှင်းပါတယ် ။
ဘာသာရေးအစွန်းရောက် အယ်လ်ကေးဒါးတွေဟာ အစ္စလာမ်ဘာသာကိုလည်း စော်ကားသူတွေဆိုတဲ့ အချက်ကို သိရသလို ၊
ဘာသာရေးအစွန်းရောက်လာသည့် မည်သည့်အဖွဲ့မဆို မူရင်းဘာသာတရားကို သိသိသာသာ စော်ကားတယ်ဆိုတဲ့ အချက်ပါပဲ။

(4) မူဆလင်ဆိုင်တွေမှာ ဈေးမ၀ယ်ဖို့ ၊ မူဆလင်ဘာသာဝင်တွေကို ဘေးဖယ်ထုတ်ဖို့ ဆိုတဲ့ အချက်တွေနဲ့ ဗုဒ္ဓဘာသာမှာတစ်ခါမှ မရှိခဲ့တဲ့ ကိန်းဂဏန်းတွေနဲ့ သီးသန့် အမိန့်ထုတ်ပြန်ချက်ကဲ့သို့ ၊ ဘာသာရေးကနေ လူနေမှုကို သိသာစွာ ၀င်ရောက် စွတ်ဖက်လာတာ ကို တွေ့မြင်ရပါတယ် ။ဒါဟာ စီးပွားရေးဆိုင်ရာ ထိုးနှက်ချက် တစ်ခုသာ ဖြစ်ပြီးတော့ ဘာသာရေးနဲ့ လုံးဝ မသက်ဆိုင်တာကို ကျွန်တော်တို့ သတိထားကို ထားရမယ့် အခြေအနေပါ ။ ဘာသာ သာသနာ ဆိုတာ တစ်ဖက်သားကို တိုက်ခိုက် ထိခိုက် စီးပွားရေး ပိတ်ဆို့ပြီးမှ ကာကွယ်စောင့်ရှောက်ရတယ် လို့ ကျွန်တော်တို့ ဂေါတမဗုဒ္ဓက မဟောပြောခဲ့သလို ။ ဗုဒ္ဓဘာသာ ဆိုင်ရာ ကျမ်းဂန်တွေမှာလည်း တစ်ခါမှ ရေးသားထားခြင်း မရှိပါဘူး။
လက်ရှိအချိန်မှာ အရှေ့အလယ်ပိုင်းနိုင်ငံတွေ ၊ မလေးရှား ၊ အင်ဒိုနီးရှား စတဲ့ နိုင်ငံတွေမှာ အလုပ်သွားရောက် လုပ်ကိုင်နေကြတဲ့ လူတွေဟာလည်း အများအပြားရှိနေပါတယ် ။ ဒီလူတွေဟာ တကယ်တမ်း ဘာသာရေး အဓိကရုဏ်း ကြီးကျယ်လာလို့ အဆိုပါ နိုင်ငံက အစ္စလာမ်ဘာသာဝင်တွေ အနနဲ့ ဒုက္ခပေးမယ်ဆိုရင် ဦးစွာခံရမယ့် လူတွေပါ ။ ဘာသာ သာသနာကို ကာကွယ်ကြ အမျိုးကို ချစ်ကြဆိုတဲ့ ဘုန်းတော်ကြီးတွေအနေနဲ့ ဒါကို တွေးမိပုံမပေါ်ပါဘူး ။

(5) ဗုဒ္ဓဘာသာဝင်တွေရဲ့ ဘာသာရေး ရေချိန်လျော့ကျမှုဟာ ဘယ်လောက်အထိ အရေးပါသလဲ ဆိုရင် ဘာသာရေးနဲ့ အမျိုးသားရေးကို တွဲမြင်လာတဲ့ အထိကို တလွဲဆံပင်ကောင်းနေတာကို မြင်ရပါတယ် ။ ဗုဒ္ဓဘာသာရဲ့ မူရင်းလားရာဟာ လက်ရှိအချိန်မှာ ဟိန္ဒူတွေနဲ့ အစ္စလာမ်ဘာသာဝင် အများစု ရှိနေတဲ့ အိန္ဒိယက လာတာ ဖြစ်ပါတယ် ။ လူမျိုးရေးခွဲခြားမှု တစ်ခု အနေနှင့် လက်ရှိ အစ္စလာမ်ဘာသာဝင် မူဆလင်တွေကို ခွဲခြားလိုရာကနေပြီး ဗုဒ္ဓကပဲ မြန်မာပြည်မှာပဲ ပွင့်ခဲ့သလိုလို ။ လက်ရှိ အစ္စလာမ်ဘာသာဝင် ကုလားတွေ( မူဆလင်တွေပါ လူမျိုးရေးခွဲခြားတဲ့ လူတွေရဲ့ အသုံးကို မြင်သာအောင်ယူသုံးခြင်းဖြစ်ကြောင်း ၀န်ခံပါရစေ) ဟာ အမျိုး နိမ့်ကျသူတွေ စတဲ့ လူမျိုးရေးခွဲခြားမှု ဇာတ်နိမ့်ဇာတ်မြင့် ခွဲခြားမှုကို အစောဆုံး ဆန့်ကျင်ခဲ့တဲ့ ဗုဒ္ဓဘာသာရဲ့ အနှစ်သာရနဲ့ တန်ဖိုးမြင့်မားမှုကို ဗုဒ္ဓဘာသာဝင် အမျိုးကောင်းသားတွေက ဖျက်ဆီးကြတာဟာ အံ့သြစရာပါပဲ။
နောက်ပြီး ဗုဒ္ဓမြတ်စွာ ကိုယ်တော်တိုင် ကျင့်သုံးသလို အမြဲဆုံးမခဲ့တဲ့ အရာရာကို မေတ္တာတရားနဲ့ ရှု့မြင်ပါ ၊ နှလုံးသွင်းပါ ဆိုတဲ့ တရားကိုပါ မလေးမခန့်ပြုကာ အခြားဘာသာတရားကို ဆဲရေးခြင်း ၊ စော်ကားခြင်းတွေ ပြုလုပ်လာတာဟာ မူရင်းဘာသာတရားကို ကိုးကွယ်ယုံကြည်သူတွေက ဖျက်စီးနေတာကို ကိုယ်တိုင် မသိမြင်တာပါပဲ၊
ကျွန်တော် ဗုဒ္ဓဘာသာဝင်မြန်မာလူမျိုးတွေကို သတိပေးလိုတာကတော့ ဗုဒ္ဓဘာသာဆိုတာ ဗမာလူမျိုးတွေအတွက် သက်သက် ပေါ်ထွန်းလာတာ မဟုတ်ပါ ၊
ဗုဒ္ဓဘာသာဆိုတာ ဗုဒ္ဓကိုယ်တော်တိုင် ဟောပြောခဲ့တဲ့ သံသရာမှလွတ်မြောက်ကြောင်းတရားတွေ ဖြစ်ပြီး ဗုဒ္ဓရဲ့ဟောပြောချက်တွေကို လွန်ဆန်သူဟာ ဗုဒ္ဓဘာသာဝင် မဟုတ်ပါဘူး ဆိုတဲ့ အချက်ကိုပါပဲ။

ယခုလို အသွင်ကူးပြောင်းနေတဲ့ နိုင်ငံတစ်နိုင်ငံကို တစ်ကမ္ဘာလုံးက စောင့်ကြည့်နေပါတယ် ။
မိတ္ထီလာမှာ သာမာန် ပဋိပက္ခတစ်ခုကို လူမျိုးရေး ဘာသာရေး အဓိကရုဏ်းအဖြစ် ပြောင်းလဲလိုက်တဲ့
လူတွေရဲ့ အကျည်းတန်လှတဲ့ စိတ်ဓါတ်တွေဟာ အံ့သြစရာ ကောင်းလောက်အောင်ကို ယုတ်ညံ့လှပါတယ်။

အဓိကရုဏ်းတွေမှာ အသက်တွေဆုံးရှုံးရခြင်း ၊ စီးပွားရေးပျက်စီးရခြင်း ၊ စိတ်ပိုင်းဆိုင်ရာ ထိခိုက်မှုတွေကို ကာလရှည်ကြာ ခံစားရခြင်းနဲ့ လူမျိုးရေးမုန်းတီးမှု ဘာသာရေုးမုန်းတီးမှု အပြန်အလှန်ဖြစ်ပေါ်ခြင်းတို့သာ ရရှိမယ်လို့ ကျွန်တော် မြင်မိပါတယ်။

လွတ်လပ်စွာ ကိုးကွယ်ခွင့်ဆိုတာကို အသိအမှတ်ပြုတဲ့ ကျွန်တော်တို့ နိုင်ငံမှာ ဘာသာရေးအဆောက်အအုံတွေ ဆောက်တာကို ဟန့်တားချင်ရင် မည်သည့် ဘာသာမဆိုရဲ့ ဘာသာရေးအဆောက်အအုံဆောက်လုပ်ခွင့်တွေကို ပိတ်ပင်ခြင်းတွေကို ပြုလုပ်ပေးရပါမယ်။ သက်ဆိုင်ရာ အဏာပိုင်တွေက ဟန့်တားမှုကို ပြုလုပ်ရပါမယ် ။ တရားမျှတမှုဆိုတာကို ကျွန်တော်တို့ ကောင်းစွာအကောင်အထည်ဖေါ်သင့်ပါတယ် ။ ငါ့ကျဖြူစေ သူ့ကျ မဲစေ ဆိုသည့် အချက်ဟာ စဉ်းစားဆင်ခြင်ဥာဏ်နည်းသူများ နှင့် အတ္တကြီးသူများကသာ ပြုလုပ်ကြခြင်ြးုဖစ်တာကို မဖြစ်မနေ သတိပြုသင့်တယ်။

ဟစ်တလာဟာ လူမျိုးရေးခွဲခြားမှုတွေ လူမျိုးတုန်းသတ်ဖြတ်မှုတွေကို ကျူးလွန်ခြင်းကနေ အစ္စရေးနိုင်ငံပေါ်ထွန်းခဲ့ပါတယ်။
အားကြီးစွာ ဖိနှိပ်လေ ဖိနှိပ်ခံရသူတွေက ရုန်းကြွလေ ဆိုတဲ့ အချက်ကို လူတော်တော်များများ သတိမမေ့သင့်ပေ။
အစ္စလာမ်ဘာသာဝင်တွေဟာ မြန်မာပြည်မှာ ဟိုး လွတ်လပ်ရေးမရခင်ထဲက ရှိခဲ့သလို လွတ်လပ်ရေးတိုက်ပွဲတွေမှာလည်း အမြဲတမ်းထိပ်ဆုံးက တက်တက်ကြွကြွ ပါဝင်ခဲ့တာကို ကျွန်တော်တို့ သတိမမေ့သင့်။
လူမျိုးရေးမှိုင်း ဘာသာရေးမှိုင်းတွေ ယခုကဲ့သို့ ခေတ်မစားခင်က ကျွန်တော်တို့ဟာ ချစ်ခင်စွာနဲ့ အတူတူ နေထိုင်ခဲ့ကြတာဖြစ်ပါတယ်။

မြန်မာနိုင်ငံသားဆိုတဲ့ အလံတစ်ခုအောက်မှာ နိုင်ငံသားဖြစ်မှုအောက်မှာ ဘာသာတရားတွေဟာ အသုံးမ၀င်တော့သလို လူမျိုးရေးအမြင်ဟာလည်း အသုံးမတည့်တော့ပါဘူး။ အိမ်ရှင်ဆိုတာ မရှိတော့သလို ဧည့်သည်ဆိုတာလည်း မရှိတော့ပါဘူး။

မည်သူမျှ မပိုင်တဲ့ နိုင်ငံကို ငါ့ဟာဆိုပြီး လက်လွတ်စပယ်နဲ့ နိုင့်ထက်စီးနင်း ပြုမှု ဆက်ဆံမယ်ဆိုရင် ကမ္ဘာကလည်း သည်းခံမှာ မဟုတ်သလို ၊ လောကပါလတရားကလည်း သည်းခံမှာ မဟုတ်ပါ။
တကယ်တမ်း ဘသာရေးစစ်ပွဲသာ ဖြစ်လာခဲ့ရင် ကျွန်တော်တို့ နိုင်ငံဟာ လပိုင်းမကြာပဲ ချေမှုန်းခံလိုက်ရလို့ မြေပုံပေါ်ကပါ ပျောက်သွားနိုင်တယ်ဆိုတာကို လူမျိုးရေးမုန်းတီးမှုသမားတွေ ဘာသာရေးမုန်းတီးမှုသမားတွေ သတိချပ်နိုင်ပါစေ။





မောင်မြတ်သူ
( ဓါတ်ပုံတွေကို Eleven Media Group မှ ယူ၍ ဖေါ်ပြပါသည်)

"ပြည့်တန်ဆာတွေကို တရားဝင် အသိအမှတ်ပြုဖို့"

"ပြည့်တန်ဆာတွေကို တရားဝင် အသိအမှတ်ပြုဖို့"

ပြည့်တန်ဆာတွေ တရားဝင်ရပ်တည်ခွင့် ရဖို့ လွှတ်တော်အမတ် ဒေါ်စန္ဒာမင်းက လွှတ်တော်မှာ တရားဝင် တင်သွင်းမယ် ဆိုတဲ့ သတင်းကို
ကြားလိုက်ရတော့ ကျွန်တော် တော်တော် ၀မ်းသာသွားပါတယ်။ ဘေးဖယ်ထုတ် ခံ ဖြစ်နေတဲ့ ဒီ အမျိုးသမီးတွေ အတွက် အဆို တင်သွင်း
ပေးမယ်ဆိုတာမျိုးက ကျနော့်တို့ အဖို့ လုံးဝ မမျှော်လင့်ထားတဲ့ ကိစ္စ တစ်ခု အကောင်အထည် ပေါ်လာသလို ခံစားရပါတယ် ။ အဲဒီအချိန် အများသုံး
ဆိုရှယ်ဆိုဒ် တစ်ခု ဖြစ်တဲ့ facebook ကိုလည်း ကြည့်လိုက်ရော ကျနော် အရမ်းကြီး မထင်မှတ်ထားတဲ့ ရှု့ထောင့် ပေါင်းစုံကနေ ဒီ ပြည့်တန်ဆာ
အမျိုးသမီးတွေရဲ့  တရားဝင် ရပ်တည်ခွင့်ကို ဆန့်ကျင်ဖို့ lobby လုပ်နေတဲ့ စာတွေ ကွန်းမန့်တွေကို အများကြီး မြင်ခဲ့ရတယ်။တချို့စာတွေက ကျနော် လေးစားရတဲ့ နိုင်ငံရေးသမားတွေ ကရေးတာ ဖြစ်ပြီး တချို့တွေကတော့ မဟာဖိုဝါဒ လို့ ပြောရမလား ကွန်ဆာဗေးတစ် ပဲ ပြောရမလား
ဆဲလိုက်ရမှ နေသာထိုင်သာ ရှိတဲ့ ပုဂ္ဂိုလ်တွေပဲ ပြောရမလား သူတို့တွေကလည်း တစ်တပ်တစ်အား ရေးကြတာကို မြင်ရပါတယ်။ အများစုကတော့
ဗိုလ်ချုပ်အောင်ဆန်း ပြောဖူးတဲ့ စကားကို တလွဲလေး ကိုးကားရေးကြတာပါပဲ ဗိုလ်ချုပ်အောင်ဆန်း ပြောသွားတာက သူများ ကြိုးစားသလို မကြိုးစားရင်
ဟိုနိုင်ငံလာလည်း မျက်နှာချိုသွေးရ ဒီနိုင်ငံလာလည်း မျက်နှာချိုသွေးရတဲ့ ဖာသည်လို နိုင်ငံမျိုးကြီး ဖြစ်သွားမယ် ဆိုတဲ့ သဘောကို ပြောတာပါ ။ ဒါကို facebook user တော်တော်များများက ဗိုလ်ချုပ်ပြောတဲ့ ဖာနိုင်ငံကြီး ဖြစ်သွားမယ် ဒီလို မ်ိန်းကလေးတွေကို တရားဝင် ရပ်တည်ခွင့် မပေးသင့်ဘူး ဘာညာစသည်ဖြင့်တွေ အပြင်။ ဒေါ်စန္ဒာမင်းကိုပုဂ္ဂိုလ်ရေးတိုက်ခိုက်တဲ့ စကားလုံးတွေနဲ့ အများကြီးကိုပဲ ဖွယ်ဖွယ်ရာရာ မှတ်ချက်(comment)လေးတွေ ပေးနေတာကို ၀မ်းနည်းဖွယ်ရာ မြင်တွေ့နေရပါတယ် ။

ကိုမိုးသီးဇွန် ရဲ့ facebook မှာ သူက ပြည့်တန်ဆာဆိုတာ လိင်ပိုင်းဆိုင်ရာ ကျွန်ပြုခံရသူတွေ ဖြစ်တယ်လို့ ethic ပိုင်းအရ မြင်တယ်ဆိုတဲ့  မှတ်ချက်ကို
တင်ထားပါတယ် ။အဲဒီအမြင်ကို ကျွန်တော် လက်ခံပါတယ် ဒါပေမယ့် နောက်ဆုံးမှာ အပိတ်ပြောသွားတဲ့ ပြည်တန်ဆာလုပ်ငန်းကို တရား ၀င်ပြုလုပ်မယ်ဆိုတဲ့
မစန္ဒာမင်း အနေနဲ့ ဒီအဆိုကို လွတ်တော်မှာ မတင်စေချင်ဘူး။လူသားအချင်းအချင်း ကျွန်ပြုတဲ့လုပ်ငန်းကို လူအခွင့်အရေးတိုက်ပွဲဝင်သူတဦးက
တင်သွင်းမယ်ဆိုတာကို အလွန် တုန်လှုပ်မိပါတယ် ဆိုတဲ့ မှတ်ချက်ကိုတော့ လွတ်လပ်စွာ သဘောထား ကွဲလွဲပါတယ် ။ လက်ရှိ မြန်မာပြည်မှာ ကျွန်ပြုခံနေရတဲ့
အဲဒီ အမျိုးသမီးတွေဟာ လူသားတစ်ယောက်ပါ ဆိုတဲ့ အမြင်နဲ့ ကြည့်ရှုခံရခြင်း ကင်းဝေးနေပါတယ် ။ အမေရိကန် မှာ ပြည့်တန်ဆာ လုပ်ငန်းကို ပပျောက်အောင် လုပ်ကိုင်နေတာကို ကျွန်တော် လက်ခံပါတယ် ။ဒါပေမယ့် အမေရိကန်လို နိုင်ငံမှာက ပြည့်တန်ဆာတွေဟာ လူသားတွေလို့ကို အသိအမှတ်ပြုကြပါတယ်။ ပြည့်တန်ဆာတွေအတွက် ကျန်းမာရေးစောင့်ရှောက်မှု စင်တာတွေရှိနေတယ် ။ သူတို့တွေက ပြည့်တန်ဆာ အလုပ်
မလုပ်ချင်တော့ရင် သူတို့ကို ပြန်လည်ပြုပြင်ပေးတဲ့ စိတ်ပိုင်းဆိုင်ရာ ရုပ်ပိုင်းဆိုင်ရာ အကူအညီပေးနေတဲ့ နေရာတွေ အများကြီးရှိတယ် ။ မြန်မာနိုင်ငံမှာတော့ ပြည့်တန်ဆာအမျုိးသမီးတွေဟာ ယုတ်စွအဆုံး ထောင်နဲ့အေ့စ် ရောဂါသည်တွေကို စုပြုံထားတဲ့ နေရာတွေပဲ ရှိသလို လူလို့လည်း
အသိအမှတ်အပြု မခံကြရဘူး ။ကျန်းမာရေးစောင့်ရှောက်ပေးမှု မရှိသလို သူတို့တွေအတွက် ပြန်လည်ပျိုးထောင်ရေးစခန်းတွေ သူတို့ကို အလုပ်အကိုင်
ပေးမယ့် နေရာတွေ စသည်ဖြင့် မရှိသေးဘူး။ဘာလို့ မရှိသေးတာလဲ ??? ဖြေပါ့မယ် ဒီနိုင်ငံရဲ့ ဖိုဝါဒအားကောင်းမှုရယ် ရှေးရိုးစွဲ အမြင်တွေရယ်က
ဒီမိန်းကလေး တွေဟာ လူသားတွေပါလား ဆိုတဲ့ အရှိတရားကို ဖုံးလွှမ်းနေတဲ့ အတွက်ပါ ။ ပြည့်တန်ဆာ ဆိုတာ မရှိလေ ကောင်းလေပါပဲ ဒါပေမယ့်
ရှိနေတယ် ဘာကြောင့်ရှိလဲ လူသားတွေရဲ့ ရမ္မက်တွေ အလိုဆန္ဒတွေ ကြောင့်ရှိနေရတယ်။ သူတို့တွေ ဘာလို့ ပြည့်တန်ဆာ ဖြစ်နေရလဲ စီးပွားရေး၊အသိပညာမဖွံဖြိုးမှု၊ဖိနှိပ်ခံရမှု၊ခြိမ်းခြောက်ခံရမှုနဲ့ လူကုန်ကူး ခံရမှု တွေမှာ အများဆုံးဖြစ်နေကြပါတယ် ။

ပြည့်တန်ဆာတွေ လက်ရှိ မြန်မာနိုင်ငံမှာ ဘယ်လိုမျိုး ရပ်တည်နေကြလဲ???

မြန်မာနိုင်ငံမှာ ပြည့်တန်ဆာအဖြစ် အလုပ်လုပ်ကိုင်နေကြတဲ့ အမျိုးသမီးအရေအတွက်ဟာ သိန်းဂဏန်း အထက်မှာ ရှိပါတယ်။ အသက်အရွယ်
ကတော့ အငယ်ဆုံး ဆယ့်သုံးနှစ်လောက်နေပြီး ငါးဆယ် ပတ်လည် အထိ ရှိနေကြပါတယ်။ သူုတို့ အားလုံးဟာ မြန်မာနိုင်ငံရဲ့ ၁၉၄၉ခုနှစ်
ပြည့်တန်ဆာနှိပ်ကွပ်ရေးအက်ဥပဒေ ရဲ့ ပုဒ်မ၃ ကြောင့် တရားဝင် ရပ်တည်ခွင့်ကို မရကြပါ ။ သူတို့ အားလုံးဟာ ဇိမ်ခန်းပိုင်ရှင်တွေ ခေါင်းတွေရဲ့
အောက်မှာနေပြီး အုပ်ချုပ်ရေးပိုင်းတွေ ပြည်ထဲရေးလက်အောက်ခံ (ရဲ၊စရဖ၊SB၊စသုံးလုံး) စသူတွေကို ဆက်ကြေးပေးပြီး နေထိုင်နေကြရပါတယ် ။
တရားဝင် မဟုတ်ပေမယ့် ဆက်ကြေးရဲ့ ကာကွယ်မှုနဲ့လာဘ်စားမှုအောက်မှာ အိနြေ္ဒရရနဲ့ ရှိနေတယ်ဆိုတာကို ဘယ်သူမှ မငြင်းပယ်နိုင်ပါဘူး ။
ကျွန်တော်က ဧရာဝတီတိုင်း အတွင်းက နယ်မြို့လေး တစ်မြို့ကပါ ။ ကျွန်တော်တို့ မြို့ရဲ့ မြို့ပါတ်လမ်းမှာ ဆိုရင် ကေတီဗီ၊ဧည့်ရိပ်သာ၊ဗြူးတီးဆလွန်း
အစရှိတဲ့ ဆိုင်းဘုတ်တွေနဲ့ ဇိမ်ခန်းပေါင်း ဆယ့်တစ်ခု လောက်ဟာ ပုံမှန် ရှိနေပါတယ် ။ ဇိမ်ခန်းတွေရဲ့ ရှေ့တည့်တည့်မှာ ဆိုရင် မြို့ရဲ့
တစ်ခုတည်းသော ဂေါက်ဖ် ကွင်းရှိနေပါတယ် ။ အဲဒီ ဂေါက်ဖ် ကွင်းမှာ မြို့ရဲ့ စစ်တပ်က အရာရှိတွေ ၊ အုပ်ချုပ်ရေးမှူးတွေ ၊ မြို့ရဲ့
မျက်နှာဖုံး ပုဂ္ဂိုလ်တွေ နေ့တိုင်း ဂေါက်ဖ့် ကစားကြပါတယ်။ သူတို့ ရှေ့တည့်တည့်က ဇိမ်ခန်းတွေကို သူတို့ မသိဘူး မရှိပါဘူး ဒါပေမယ့်
အပိုဝင်ငွေ ဖြစ်နေတဲ့ အဲဒီ အခန်းတွေကို လုံးဝကို မမြင်ချင်ယောင် ဆောင်ပေးကြပါတယ် ။ ဒီတော့ တရားဝင် မလုပ်ပေးဖူးဆိုရင်လည်း
ဇိမ်ခန်းတိုင်းဟာ သူတို့ကို ဆက်ကြေးအဖြစ် တစ်လကို ငွေဆယ်သ်ိန်း ကျော် လာဘ်ပေးနေကြတာပါပဲ ။ ရဲတွေစရဖတွေSBတွေ ဆိုရင်
ဆက်ကြေးအပြင် မိန်းကလေးတွေနဲ့ သွားပီး ငွေကြေး တစုံတရာ မပေးဘဲနဲ့ လိင်ပိုင်းဆိုင်ရာ အမြတ်ထုတ်တာတွေ ။ ညှဉ်းပန်းနှိပ်စက်တာတွေ
အမြဲတမ်းလို ဖြစ်လျက်ရှိပါတယ်။ ဇိမ်ခန်းတွေက လဘ်ငွေပေးရတာ များတဲ့အတွက် မိန်းကလေးတွေကို ပေးရမယ့် လုပ်ခကို စရိတ်ငြိမ်း(တစ်နေ့ကိုထမင်းနှစ်နပ်ကို လျော့ပြီးပေးပါတယ်) လစာအဖြစ် တစ်လကို တစ်သောင်း ၊တစ်သောင်းခွဲ စသည်ဖြင့်ပေးပြီး ၊
ဆက်ရှင်ကြေးအဖြစ် တစ်နာရီကို ငါးရာ ကျပ်ပေးပါတယ် ။ အဖမ်းအဆီးခံရလို့ ရဲဆီက ပြန်ရွေးရရင် ရွေးရတဲ့ ငွေအတိုင်းကို မိန်းကလေး
တွေဆီက ပြန်ဖြတ်ပါတယ် ။ ဇိမ်ခန်းပိုင်ရှင်တွေကတော့ လူတစ်ယောက်က လာရောက်ပျော်ပါးပြီ ဆိုလျင် တစ်နာရီကို သုံးထောင့်ငါးရာကနေ
ငါးထောင်ကြား ရပြီးတော့ ပြန်ပေးရတဲ့ ငွေက တစ်နာရီ ငါးရာဆိုတဲ့ အတွက် သူတို့ ပေးရတဲ့ ဈေးကြီးလှတဲ့ဆက်ကြေးဒဏ်ကို ခံနိုင်နေတာပဲ ဖြစ်ပါတယ် ။
အမျိုးသမီးတွေကို ဇိမ်ခန်းပိုင်ရှင်တွေက ကျန်းမာရေးစစ်ဆေးပေးမှု တွေကို လုံးဝ လုပ်မပေးတဲ့ အပြင် ကွန်ဒုံးကဲ့သို့သော အခြေခံ စောင့်ရှောက်မှု
တွေက အစ အမျိုးသမီးတွေကပဲ သူတို့ ငွေနဲ့ ဖြည့်တင်းပေးနေရပါတယ် ။လာရောက်တဲ့ customer တွေရဲ့ ရုပ်ပိုင်းဆိုင်ရာ စိတ်ပိုင်းဆိုင်ရာ
စော်ကားမှုတွေကိုလည်း ဇိမ်ခန်းပိုင်ရှင်တွေက မသိကျိုးကြွံပြုပီး နေပါတယ်။ အများစုဟာ အိမ်ကို ပြန်လည် ထောက်ပံ့ရဖို့ အတွက်တောင်
အလျင်မှီအောင် အများကြီး ရုန်းကန်နေကြရပါတယ်။ ဒါကတော့ ဇိမ်ခန်းတွေမှာ လုပ်ကိုင်နေတဲ့ ပြည့်တန်ဆာတွေရဲ့ အခြေအနေတွေပါ ။
နောက်ထပ်ပြီးတော့ ကလပ်တွေ ဖုန်းနဲ့ဖြစ်စေ လူကိုယ်တိုင်အပြင်မှာထွက်ပြီးဖေါက်သယ်ခေါ်တာမျိုးဖြစ်စေ အင်တာနက်မှတဆင့်ဖြစ်စေ
လုပ်ကိုင်နေကြတဲ့ အမျိုးသမီးတွေ လည်း အများအပြားရှိပါတယ် ။သူတို့အားလုံးဟာလည်း တရားဥပဒေစိုးမိုးမှု အောက်မှာ ရောက်မနေပါဘူး
သက်ဆိုင်ရာ နယ်ထိန်းတွေကို ဆက်ကြေးပေးပြီး ရှင်သန်နေကြတာ များပါတယ် ။ မိသွားခဲ့ရင်လည်း ထောင်ကျပြီးရင် ပြန်လည်ပြုပြင်ရေးစခန်းတွေမရှိ
၊အလုပ်အကိုင်က ရှားပါး ၊ပါတ်ဝန်းကျင်ကလည်း ရွံစရာ သတ္တ၀ါတွေလိုမျိုးခွဲခြားပြီး ဆက်ဆံ ဒါမျိုးတွေနဲ့ ပဲ နှစ်ပါးသွားရပြီး နောက်ပိုင်း ပြည့်တန်ဆာ အလုပ်ကိုပဲ ပြန်လုပ်ရတာတွေ အများကြိးပါ။

ဘာကြောင့် ပြည့်တန်ဆာ ဖြစ်ကြရလဲ???

အဓိကကတော့ အလုပ်အကိုင်ရှားပါးမှု နှင့် အသိပညာချို့တဲ့ခြင်းတွေကြောင့်ပါ ။ မြန်မာနိုင်ငံမှာ ဆန်ရှင်နောက်ပိုင်း အထည်ချုပ် စက်ရုံတွေ ပိတ်လိုက်ရတဲ့ နောက်မှာ ပြည့်တန်ဆာလုပ်ငန်းကို လုပ်ကိုင်သူ အမျိုးသမီးတွေ ပိုပေါလာတာကို မြင်ရပါတယ်။ အလုပ်အကိုင်ရှားပါးမှု ရဲ့
ဒဏ်ကို ခံနေရတဲ့ ဘွဲ့ရပညာတတ် အမျိုးသမီး အနည်းငယ်တောင်မှ ရရာအလုပ်ဖြစ်တဲ့ ဒီလုပ်ငန်းကို လုပ်ကိုင်လာရပါတယ်။ မိသားစု
စားဝတ်နေရေးက၀န်ပိလာမှုတွေ လုပ်ခလစာ အဆမတန်နည်းပါးမှုတွေ ရဲ့ ဖိနှိပ်မှုတွေ အောက်မှာ အလွယ်ကူဆုံးနဲ့ ငွေရမယ်လို့ ထင်ရတဲ့
ဒီလုပ်ငန်းကို လုပ်ကိုင်လာရတာပဲ ဖြစ်ပါတယ်။ ပြည့်တန်ဆာ အလုပ်ကို ရွေးချယ်ခဲ့ကြရတဲ့ မိန်းကလေး အများစုဟာ သူတို့ရဲ့ လတ်တလော
အပူကို ဖြေရှင်းယုံ သက်သက် ရည်ရွယ်ခဲ့ကြပေမယ့် ဒီလုပ်ငန်းဟာ လုပ်ကိုင်တဲ့ လူအများစုကို သေမထူးနေမထူး ဖြစ်သွားစေတဲ့ အထိ
ဖိအားတွေ ရလာချိန် လူ့အဖွဲ့အစည်းရဲ့ စွန့်ပစ်မှုကို ခံလာရချိန်တွေမှာ ဆက်လက် လုပ်ကိုင်ကြရတဲ့ အခြေအနေတစ်ခုပါပဲ ။ ယဉ်ကျေးသော
လူ့အဖွဲ့အစည်းတွေက ပြည့်တန်ဆာ လုပ်ငန်းကို လူသားချင်း ကျွန်ပြုခြင်းလို့ မြင်နေကြပေမယ့် ။ မြန်မာနိုင်ငံမှာတော့ စက်ဆုပ်စရာ အလုပ်တစ်ခု
လို့ မြင်နေကြပါတယ် ဒါကလည်း ဖိုဝါဒကြီးစိုးတဲ့ ရှေးရိုးစွဲနိုင်ငံ တစ်ခု ဖြစ်နေလို့ အများကြီးတော့ ရှင်းပြနေစရာ မလိုတော့ပါဘူး ။ကျေးရွာ
တော်တော်များများမှာ ဆိုရင် သမီးမိန်းကလေး မွေးတဲ့ မိဘတွေက သမီးမိန်းကလေးတွေကို ပြည့်တန်ဆာလုပ်ငန်းတွေ ကို တစ်ဖက်လှည့် လုပ်ကိုင်နေကြတဲ့ ကေတီဗီတွေမာဆတ်တွေမှာ အိမ်အကူအဖြစ်ခေါ်တယ်ဆိုပီး မိခင်ဖခင်တွေကိုယ်တိုင် သွားရောက်ပို့ဆောင်နေကြတုန်းပါပဲ ။
ပြီးတော့မှ သမီးက ပြည့်တန်ဆာဖြစ်မှ သိရတော့လည်း မထူးဇာတ်ခင်းပြီး ဆက်နေနေကြပါတယ် ။ ဒါကလည်း အသိပညာ ချို့ယွင်းမှု တစ်ခုပါ ။
မြန်မာပြည်မှာ တွေးခေါ်နိုင်စွမ်း အားနည်းမှုကနေ လူကုန်ကူးခံရတာတွေ လိင်ပိုင်းဆိုင်ရာ စော်ကားခံရတာတွေဟာ နေ့စဉ်တိုင်းလိုလို ဖြစ်ပွားနေပါတယ် ။
ပြည့်တန်ဆာလုပ်ငန်းကို မရှိစေချင်ရင် ဖမ်းဆီးရုံသက်သက်က အဆင်မပြေတော့ပါဘူး ။ ဖမ်းဆီးပြီး နောက်ပိုင်းမှာလည်း ပြန်လည်ထူထောင်ရေးတွေ
အလုပ်အကိုင်တွေ မဖန်တီးနိုင်သ၍ ကျွန်တော်တို့ဟာ အမယ်ဘုတ်ရဲ့ သူ့ချည်ခင် ဆိုသလို ဘယ်တော့မှ အစဆွဲထုတ်နိုင်မှာ မဟုတ်တော့ပါဘူး။

ပြည့်တန်ဆာတွေကို လက်ရှိအတိုင်းပဲ တရားမ၀င်ထားရင် ??

ပြည့်တန်ဆာ ဆိုတာ မရှိဘူးလို့ ငြင်းပယ်နေတဲ့ အချိန်မှာလည်း သူတို့က တည်ရှိနေကြတယ် ။ဆက်လက်ပြီး ငြင်းပယ်နေရင်လည်း တည်ရှိနေအုံးမယ့်
သဘောမှာ ရှိပါတယ် ။ လူတို့ရဲ့ ရမ္မက်တွေနဲ့ အညီ ကြီးမားလှတဲ့ အလိုဆန္ဒတွေကြောင့် ပြည့်တန်ဆာ ဆိုတဲ့ အသက်မွေးဝမ်းကျောင်းက ပေါ်ပေါက်
လာရတာပဲ ဖြစ်ပါတယ်။ တစ်ကမ္ဘာလုံး အတိုင်းအတာနဲ့ကို ပပျောက်ခဲ့ခြင်း မရှိသေးပါဘူး။ လက်ရှိမှာ အသိအမှတ်မပြုလည်း ဥပဒေမဲ့ လာဘ်ပေးမှုတွေနဲ့
အကျင့်ပျက်ချစားမှုတွေနဲ့ အတူ တည်ရှိနေအုံးမှာပါ။ကျန်းမာရေးစောင့်ရှောက်မှု တွေ မရှိတဲ့ အတွက် ကူးစက်ရောဂါ ပြန့်ပွားနှုန်း(HIV/AIDS နှင့်
အသည်းရောင်အသားဝါ Bပိုး Cပိုး စသည်) တို့ကို ထိန်းချုပ်နိုင်မှာ လည်းမဟုတ်ပါဘူး ။ သူတို့ရဲ့ တရားဝင် ဖြစ်တည်မှုကို အသိအမှတ်မပြုတဲ့အတွက်
ဥပဒေချိုးဖေါက်မှုတွေ လာဘ်စားမှုတွေကိုလည်း တားဆီးနိုင်မှာ မဟုတ်သလို လက်ရှိမှာ အားလုံး ဖေါ်ဆောင်နေတဲ့ clean government ဆိုတာ
ဟာလည်း ပွင့်လင်းမြင်သာမှု မရှိခြင်းနဲ့ အတူ ပျောက်ဆုံးသွားမှာပါပဲ။ စိတ်ပိုင်းဆိုင်ရာ ရုပ်ပိုင်းဆိုင်ရာ ဖိနှိပ်ခြင်းတွေနဲ့ အတူ လူသားချင်းစာနာမှုကို
မပြသနိုင်တဲ့ နိုင်ငံ အဖြစ်ကို လည်း ရောက်ရှိနေမှာ ဖြစ်တယ်လို့ မြင်မိပါတယ်။

ပြည့်တန်ဆာတွေ တရားဝင်ဖြစ်လာခဲ့ရင် ????

(1) ကျန်းမာရေးစောင့်ရှောက်မှုတွေ လုပ်ပေးရင်းကနေ ကူးစက်ရောဂါတွေ ပြန့်ပွားနှုန်းကို ထိန်းချုပ်လာနိုင်မယ်

(2) တရားဝင်ရပ်တည်မှု ဖြစ်လာတဲ့အတွက် လာဘ်ပေးမှုတွေ လျော့ကျသွားမယ် ဥပဒေမဲ့ စီးပွားရှာခြင်းတွေ လျော့ကြလာမယ်
     ခေါင်းပုံဖြတ် အမြတ်ထုတ်ခြင်းတွေ ညှဉ်းပန်းနှိပ်စက်မှုတွေကနေ ပြည့်တန်ဆာအဖြစ်လုပ်ကိုင်နေရတဲ့ အမျိုးသမီးတွေ
     လွတ်မြောက်လာမယ် နိုင်ငံသားတစ်ယောက်ရဲ့ ရပိုင်ခွင့်အဖြစ် ဥပေဒေရဲ့ စောင့်ရှောက်မှု အောက်မှာ နေထိုင်ရမယ်

(3) တရားမ၀င်ငွေကြေးတွေ ကနေ တရားဝင်တဲ့ နိုင်ငံတော်ရဲ့ အခွန်ဘဏ္ဍာဖြစ်လာမယ် နိုင်ငံရဲ့ ၀င်ငွေခွန်တိုးလာမယ်

(4) ဥပဒေအရ တရားဝင်သာ ခွင့်ပြုလိုက်ရင် သူတို့တွေအနေနဲ့ ပြည့်တန်ဆာ အလုပ်ကို မလုပ်ကိုင်တော့ရင်လည်း တခြားဘက်မှာ အလုပ်အကိုင်
     အခွင့်အရေးတွေ ဖန်တီးပေးနိုင်တဲ့ အခြေအနေတစ်ခုကို ရောက်လာမယ်

(5) လူတစ်ယောက် ချင်းစီရဲ့ လွတ်လပ်စွာ ရွေးချယ်ပိုင်ခွင့်ကို လေးစားတဲ့ လူသားတွေရဲ့ ပကတိတန်ဖိုးကို အလေးထားတဲ့ နိုင်ငံ တစ်နိုင်ငံ အဖြစ်
       ရပ်တည်လာနိုင်မယ်။

ပြည့်တန်ဆာတစ်ယောက်က အခြားသော အမျိုးသမီးတွေကို ပြည့်တန်ဆာဖြစ်ရန် ဆွယ်သည်ဆိုသော အချက်

တစ်ခါက လူတစ်ယောက်က ပို့စ်တစ်ခု အောက်မှာ ကွန်းမန့် မန့်ဖူးတာ ကို သတိရမိတယ် ။ ပြည့်တန်ဆာတွေကိုသာ တရားဝင်အဖြစ် ရပ်တည်ခွင့် ပေးလိုက်ရင် ပြည့်တန်ဆာတွေ ပေါ်လာမယ်ဆိုတဲ့ မှတ်ချက်လေးပါ ။ ပြည့်တန်ဆာ တစ်ယောက်အဖြစ် တွန်းပို့ ခံရတယ်
ဆိုတဲ့ အခြေအနေဟာ ပြည့်တန်ဆာတွေအဖြစ် တရားဝင် အသိအမှတ်ပြုထားတဲ့ နိုင်ငံတွေမှာ တော်တော်လေးကို နည်းပါတယ်။ လူ
တစ်ဦးချင်းစီရဲ့ တွေးခေါ်နိုင်စွမ်းနဲ့ ရွေးချယ်မှုတွေ ရှိပါတယ် ။ ပြည့်တန်ဆာ ဆိုတာကလည်း မိမိ ဘာလုပ်မယ်ဆိုတဲ့ အရာကို မိမိ ဘာသာ
ရွေးချယ်တာပါပဲ ။ ဥပမာ - မနီက ပြည့်တန်ဆာ တစ်ယောက်ဖြစ်တယ် သူမ သူငယ်ချင်း မဖြူကို ပြည့်တန်ဆာ ဖြစ်အောင် ဆွယ်တယ် ဆိုပါစို့
မဖြူက သာ သူမရဲ့ ရပ်တည်မှုကို ပြည့်တန်ဆာ အဖြစ် မရပ်တည်ဖူး ဆိုရင် မနီ အနေနဲ့ ဘာမှ လုပ်လို့ မရပါဘူး ။ ကျွန်တော်တို့ဟာ မိမိ လုပ်တဲ့
အလုပ်ကို တခြားသူတွေ လုပ်လာအောင် အတင်းအဓမ္မလုပ်ယူလို့ မရပါဘူး။

ပြည့်တန်ဆာတွေသာ တရားဝင်ရပ်တည်ခွင့်ရရင် ဘာတွေ ကြုံတွေ့နိုင်မှာလဲ

ဟိုတလောက ဆရာဝန်တစ်ယောက်က သရော်စာ ဆန်ဆန်လေး ပို့စ်တစ်ခု တင်တာကို မြင်ရပါတယ် ။ ပြည့်တန်ဆာတွေသာ တရားဝင် ရပ်တည်ခွင့်
ရဖို့ ဆိုရင် လုပ်ထုံးလုပ်နည်းတွေ ဆွဲရမယ် ရပ်ကွက်လူကြီးဆီက ထောက်ခံစာ.. စသည်ဖြင့် ရေးထားတာ မြင်ရပါတယ် ။ နိုင်ငံတကာမှာတော့ ပြည့်တန်ဆာ
လုပ်ငန်း လုပ်ကိုင်ခွင့်ဆိုတာကို (ခေါင်း)ပြောရမလား တွေကို ချထားပေးပါတယ် ။ သူတို့က သူတို့ လက်အောက်မှာ ဘယ်နှစ်ယောက် အလုပ်လုပ်တယ်
ဆိုတာကိုစာရင်းတင်ပေးရပါတယ် ။ မှားယွင်းလာရင် ခေါင်းမှာ တာဝန်ရှိပါတယ် ။ သူက ဥပဒေ အရ အရေးယူခြင်းကို ခံရပါတယ် ။ လိုင်စင်မဲ့ လုပ်နေတဲ့
ပြည့်တန်ဆာတွေလည်း  ပပျောက်မသွားရင်တောင် လျော့နည်းသွားနိုင်ပါတယ် ။ ဥပမာ ၀က်သက်ခွင့်လိုင်စင်လိုပါပဲ လိုင်စင်မရှိပဲ ခိုးပေါ်ရင် လိုင်စင်ရှိတဲ့လူက
ခိုးပေါ်တဲ့ လူကို တိုင်သလိုပါပဲပြည့်တန်ဆာ အဖြစ် လိုင်စင်မရှိပဲ လုပ်ကိုင်နေသူတွေကိုလည်း လိုင်စင်နဲ့ လုပ်ကိုင်နေတဲ့ သူတွေက ကန့်သတ်လာမှာပါ တရားစွဲလာမှာပါ။

နိဂုံးချုပ်

ပြည့်တန်ဆာဆိုတာ လူတွေပါပဲ ။ သူတို့ဟာ ဖြစ်တည်မှု အရ ရွေးချယ်မှု တစ်ခုကို ရွေးချယ်ခဲ့သူတွေပါ ။ သူတပါးအပေါ် ခေါင်းပုံဖြတ်နေသူတွေ ၊ အာဏာရှင်တွေ၊
လူသတ်ကောင် မုဒိန်းကောင်အစရှိတဲ့ ရာဇ၀တ်သားတွေထက် ပိုပီးတော့ ဖြူစင်ပါတယ် သန့်ရှင်းပါတယ် ဖြစ်တည်မှု အပေါ်မှာ ရိုးသားသူတွေပါ။ နိုင်ငံသားတွေ
ဖြစ်တဲ့အတွက် နိုင်ငံသားအခွင့်အရေးနဲ့ အညီ ဥပဒေရဲ့ စောင့်ရှောက်မှုကို ခံရသင့်ပါတယ် ။ ပြစ်ပယ်ခံထားရတဲ့ လူသားတွေရဲ့ နာကျင်ခြင်းဟာ လူသားဖြစ်တဲ့
ကျွန်တော်တို့က သူတို့က ရွံစရာသတ္တ၀ါတွေလို ဆက်ဆံ ခံနေရခြင်းတွေက နေ ပေါ်ထွက်လာနေပါတယ် ။ နွံမှာနစ်နေတဲ့ အမျိုးသမီးတွေကို ဖေးမကူညီကြပါ။
ပြည့်တန်ဆာဆိုတဲ့ လုပ်ငန်းဟာ မရှိလေ ကောင်းလေ ဖြစ်ပါတယ် ။ လူတွေဟာ လိင်ပိုင်းဆိုင်ရာအရ ငှားရမ်းခြင်းခံရတာကလည်း မကောင်းတဲ့ အချက်တစ်ခုဆိုတာ
လက်ခံပါတယ် သို့ပေမယ့် လက်ရှိအချိန်မှာ တားဆီးမရမယ့် အတူတူ သူတို့ကို ဖေးမကူညီပေးခြင်းဟာ အားလုံးအတွက် အသင့်တော်ဆုံး မဟုတ်ဘူးလားခင်ဗျာ။


မောင်မြတ်သူ