အချစ်ဟာပူအိုက်လွန်းသောရာသီ(မောင်ဖီလာ)

သူငယ်ချင်းဆီက
`မာဖီးယားကမ္ဘာ´ရောက်မလာသေးဘူး
တစ်ခုခုကိုအရသာဖြစ်ချင်တယ်
ဂတ်စ်မီးဖိုပေါ်က
ပြာလဲ့လဲ့မီးတောက်ကလေးကိုလည်းချွတ်ယူထားချင်တယ်
လမ်းလျှောက်နေတဲ့ပျိုးပင်ပေါက်ကလေးကိုလည်း
နေရောင်ခြည်အောက်ရောက်စေ့ချင်တယ်
နောက်ကျနေပြီ...
၁နာရီနောက်ကျနေပြီ
၂နာရီနောက်ကျနေပြီ
၂၄နာရီနောက်ကျနေပြီ
တစ်ဘ၀စာနောက်ကျနေပြီ.....။
အပြင်မှာနှင်းကျသံဟာကျယ်ကျယ်လောင်လောင်
အိပ်မရတာနဲ့ မအိပ်ချင်တာ
ရေးမရတာနဲ့ မရေးချင်တာ
ကဗျာဟာခန္ဓာထဲကငေါက်တောက်ပန်းထွက်လို့ 
လေမတိုက်ဘဲလှုပ်နေတဲ့စိတ်ကို
လင်းနေတဲ့`ည´ကလေးထဲထည့်ထားတယ်
`ရှင်မရှိရင်ကျွန်မအသက်မရှင်ချင်ဘူး´ဆိုတဲ့အသံကို
စာကြည့်စားပွဲပေါ်ထောင်ထားတယ်....။


မောင်ဖီလာ
ပိတောက်ပွင့်သစ်မဂ္ဂဇင်း၂၀၀၃

ငါမပြောဘူးလား...မိယမုံ..ငါနင့်ကိုမချစ်ခဲ့ပါဘူးလို့ ( ၃ )

ဝင်နေတဲ့အသံတွေပြန်ထွက်လာရုံပဲလား မိယမုံ



နောက်ဆုံးတော့ကိုယ့်မျက်နှာကအမာရွတ်တွေပြန်စမ်းရင်း

နောက်ဆုံးတော့ခရီးစဉ်လက်မှတ်တွေအကုန်စုတ်ဖြဲပစ်ရင်း

နောက်ဆုံးတော့ကိုယ့်လိပ်စာကိုယ်ပြန်မှတ်မိသွားရင်း

ကံတရားကိုရယ်သံစုံစုံလင်လင်နဲ့ဧည့်ခံနိုင်ခဲ့ပြီမဟုတ်လား



ပုံစံမျိုးစုံနဲ့ ငါတို့ နီးခဲ့

ပုံစံမျိုးစုံနဲ့ ငါတို့ ဝေးခဲ့

တစ်ယောက်အတွက် တစ်ယောက်မဟုတ်ဘူးဆိုတဲ့နေရာရောက်ရင်

ငါတို့ နှစ်ယောက်လုံးစကားလမ်းကြောင်းလွှဲခဲ့ကြတယ်



ရယ်ကြရအောင်…….ယမုံ…….ရယ်ကြရအောင်



တစ်ခုခုကိုအကြောင်းပြပြီးငါတို့ တွေဝေကြရအောင်

ဒါမှမဟုတ်ရင်ငါတို့ ဟာသကိုတခြားသူတွေရသွားကြလိမ့်မယ်



နင့်လက္ခဏာကိုတောင်ကိုင်မကြည့်ဘူးပဲ

နင့်အနာဂတ်ကိုပြောတော့နင်အံ့သြတယ်

ငါ့ကိုနားမလည်ဘူးဆိုတဲ့နင့်ကို

နားမလည်တာငါအံ့သြတယ်



လိုအပ်ချက်ဆိုတာ

ပြတ်သွားတဲ့ဖိနပ်မှာ

အကူအညီပေးထားတဲ့အပ်ချိတ်ပဲမလား

တိမ်တွေဘယ်လောက်စိုရွှဲခဲ့စိုရွှဲခဲ့

မိုးမရွာတာကမိုးမရွာတာပါပဲ

လက်သီးထဲပန်းပွင့်ဆုပ်ပြီးအထိုးခံလိုက်ရတယ်။



နင်က…………………….

ဒဏ်ရာရထားတဲ့လူရွှင်တော်တစ်ယောက်ကိုမေ့သွားတယ်

စိတ်နဲ့ထိန်းချုပ်လို့ ရတဲ့စက်ရုပ်တစ်ရုပ်ကိုမေ့သွားတယ်

ရုတ်ရုတ်သဲသဲအလွဲတွေနဲ့ညနေခင်းကိုပဲသတိရတယ်



ငါက………………………

ဖိတ်စာမပါဘဲဝင်လာတဲ့အိမ်တိုင်ရာရောက်စော်ကားခြင်းကိုမေ့သွားတယ်

သီးနှံတွေအကုန်ပုတ်သိုးသွားစေတဲ့ရာသီကပ်ဆိုးတစ်ခုကိုမေ့သွားတယ်

ဒဏ္ဍာရီဆန်ဆန်အရူးလုပ်ခံရခြင်းကိုကြည်နူးမှု့တစ်ခုလိုသတိရတယ်



ဒီလိုနဲ့…………………….

ဆုတောင်းခဲ့ဖူးတဲ့

ပြန်ဆုံမှာပါဆိုတဲ့နေ့မှာ

ပြန်ဆုံကြ

ရယ်မောကြ

စကားလုံးတွေနဲ့ကစားကြ



စိတ်ကူးတွေအရွယ်ရောက်ပဲစောလွန်းသွားတာလား။

လူမှု့ရေးဆိုတာငါတို့ သင်ရိုးမှာအသစ်တိုးသွားတဲ့ဘာသာ

နင်ကနင်မဟုတ်တော့သလို ငါကငါမဟုတ်တော့ဘူး



တယောက်အကြည့်ကိုတစ်ယောက်ဆီမှာထားခဲ့

ဒါနောက်ဆုံးပဲ…………………………………….

တက်တူးတွေကိုယ်စီနဲ့

ငါတို့ ဟာအားပြန်သွင်းလို့ မရတော့တဲ့ဓါတ်ခဲ

ငါ့ဆေးကိုနင်မလိုတော့သလို

နင့်မီးကိုလည်းငါမလိုတော့ဘူး။









*တယ်ရီ

6.4.2013

VIRGO 2011

VIRGO 2011





အရွယ်တင်ပျိုမျစ်နုနယ်ခြင်း နှင့်တကွ ထူးခြားသော

ဥပဓိရုပ်

မည်သည့်နှစ်တွင်မဆို သြဂတ် ၂၄ မှ

စက်တင်ဘာ

၂၂ရက်ကြား ဆဋ္ဌမ မြောက် ရာသီခွင်

ပခုံး ၊ လည်တံ ၊ ရင်ညွန့် ၊ ဂုတ်ပိုး ၊ လေးနေရာ

ရှေးဟောင်းအီဂျစ်ဒဏ္ဍာရီ

အလိုအရ

ယာဉ်ကားမောင်းနှင်မှုနှင့်လမ်းကူးလမ်းဖြတ်ရာ

အထူး ဂရုစိုက်ပါ

ပေါ့ဆမှုကြောင့်

မဖြစ်သင့်သော

ရောဂါများဖြစ်တတ်

1st ,3rd ,5th ,8th

                  

                            10th ,14th ,15th ,16th



18th ,23rd ,24th ,27th

တွေး ခေါ်မှု၊တွက် ချက်မှု၊ဘာသာစကား

မှတ်ဥာဏ်စွမ်းအား၊ချက်ချင်းတုန့် ပြန်နိုင်စွမ်းရှိသော

ဆောင်ရွက်သော အလေ့အထ နည်းပါးသည်

အားနာ လွယ်ခြင်း ယုံ လွယ်ခြင်း

တည်ငြိမ်သောအနေအထားကြွယ်ဝသောအခြေအနေများ

ထက်

စွန့်စားလှုပ်ရှားရင် ခုန်ခြင်းနှင့် ဘ၀ စိန် ခေါ်မှု တိုက်ပွဲ

မာကျူရီ                                                ပထ၀ီ



Jan 1  4  7 9  13 16 17 20  30            24 28 27 28 30

10                 24          15    A           21 29

15                 M           17     P          20  M

17 18 21 22    A  4 7 9 10       R        17   A 19 20 23

             25    R            18       1      14    Y

             29    1             21        2    9      1

Feb 1 2 3 6    3             29          3 6        2 7 13 15



NIDABA,SHALA,ICARIUS,ATTICA

ERIGONE,MAERA

ZEUS,EARTH,MARCURY

Sို    က်    တ 

      H                                 လ                        ယ

           O်  ပ်  ။

              U         အာ

                  Tေ  











တယ်ရီ

၇.၉.၂၀၁၃

21

)    21    (
အရင်စိတ်နဲ့
ဒီအင်္ကျီကိုဝတ်လို့သင့်တော်ပါဦးမလား
သွန်လိုက်တဲ့ဆေးလိပ်ခွက်ဟာ
အလိုလိုပြန်ပြည့်သွားတယ်
ညာဘက်ပုခုံးပေါ်လာနားတဲ့နံနက်ခင်း
ဘယ်ဘက်ပုခုံးပေါ်ကထပျံသွားရတဲ့ညနေ
လူပြန်ဝင်စားတော့မိုးတောင်ချုပ်တော့မယ်
ကြားထဲကအသက်ရှုသံတစ်ခုလို
လျှောကျသွားတာပါပဲ
လျှော့ချထားတာပါပဲ
လျော့ကျသွားတာပါပဲ
စစ်နဲ့ငြိမ်းချမ်းရေး
နှစ်ခုလုံးကိုမမှီခဲ့ဘူး
ဝမ်းနည်းခြင်းဟာရုပ်သေနဲ့
လူမသိသူမသိ
သေဆုံးသွားကြတဲ့အနုပညာအတွက်ငိုမယ်
ပစ်မှတ်သေဖြစ်နေတဲ့
ခံတပ်လို
ပျံတက်ချင်တဲ့စွန်ကလည်း ငါပဲ
ပျက်ကျချင်တဲ့ငှက်ကလည်း ငါပဲ။


တယ်ရီ

မင်းခိုင်မြဲ ၏ ‘စိတ်ဓာတ်ကို ကြက်ခြေခတ်ခြင်း’ ကဗျာအား ချဉ်းကပ်ခြင်း(ရဲရင့်လမင်း)

  ကဗျာဆိုတာအာဏာရှင်မဆန်ပါဘူးတဲ့ သူငယ်ချင်းကဗျာဆရာတစ်ယောက်ကပြောဖူးတယ်။ဒါပေမယ့် ဒီကဗျာမှာတော့ လူငယ်တွေရဲ့စိတ်ဓာတ်ကို အာဏာရှင်ဆန်ဆန် ကြက်ခြေခတ်ခံခဲ့ရတာတွေကို ခံပြင်းတဲ့စိတ်နဲ့ ကဗျာဆရာကပုံဖော်ပေးထားခဲ့ပါတယ်။ကဗျာဆိုတဲ့ဘောင်လေးထဲကနေ အခုလို လွတ်
လပ်စွာ တုံ့ပြန်ခွင့်ရှိတယ်၊ပြောဆိုခွင့်ရှိတယ်ဆိုတာ ကဗျာဆရာပေးချင်တဲ့ မက်ဆေ့ရှ်(message)လို့မြင်မိပါတယ်။ဒါဟာ ကဗျာကို ချဉ်းကပ်ခြင်းသာလျှင်ဖြစ်ပါတယ်။ကောင်းသည်၊ဆိုးသည် ဝေဖန်ခြင်းမဟုတ်ကြောင်းကိုတော့ သိစေချင်ပါတယ် ခင်ဗျာ။

   ကဗျာကိုချဉ်းကပ်ခြင်းဖြစ်သည့်အလျောက် ကဗျာဆရာရဲ့စိတ်ခံစားချက် များကိုလည်းချဉ်းကပ်မိလျက်
သား ဖြစ်ကောင်းဖြစ်နေမှာပါ။ကျွန်တော့အနေနဲ့ ကဗျာကို အသေးစိတ်ခွဲခြမ်းစိတ်ဖြာ အဓိပ္ပာယ်လိုက်
ကောက်နေခြင်းမဟုတ်သည့်အတွက် ကဗျာဖတ်သူရဲ့ကိုယ်ခံအားကလည်းအထိုက်အလျောက်
တော့အရေးပါနေမှာပါ။
    ဒီကဗျာမှာ ကဗျာဆရာဟာ ကဗျာကို လိုင်းအမာတွေနဲ့တည်ဆောက်ထားတယ်လို့ မြင်ပါတယ်။
ခေတ်အပေါ် သူပြောချင်နေတဲ့အချက်တွေကို အမေးဝါကျတွေနဲ့ ပြောထားတာတွေ့ရပါတယ်။ကဗျာကို
လိုင်းအမာတွေနဲ့တည်ဆောက်ထားတယ်ဆိုပေမယ့် Hypotheses(အနုမာနအယူအဆ/အဆိုကြမ်း)လို့ပြောလို့ရမယ့်
ခုန်လို့မရတဲ့ လိုင်းအသေတွေနဲ့တည်ဆောက်ထားသည်ကိုလည်းတွေ့ရပါတယ်။ဒီနေရာမှာ တစ်ခုပြောချင်တာက(ကျွန်တော့်အမြင်ပါ)လိုင်းအသေအားပြုရေးတဲ့ကဗျာတွေနဲ့ လိုင်းအရှင်အားပြုရေးတဲ့ကဗျာတွေရဲ့ ကွာဟမှုကိုပါ။လိုင်းအရှင်
အားပြုထားတဲ့ကဗျာတွေမှာ ဘာသာစကားအလုပ်လုပ်ပုံ ဘယ်လိုမျိုးအလုပ်လုပ်နေသလဲ အဲဒီဘာသာစကားကနေ အဓိပ္ပာယ်တွေဖွာထွက်လာမှု စတဲ့ ဘာသာစကားကိုအရမ်းအားပြုနေရတဲ့အတွက် ကဗျာရဲ့ဆိုလိုရင်းတွေဝေဝါးလာပါတယ်။တနည်းအားဖြင့် ဗဟိုချက်
တွေပါမဲ့လာခဲ့ပါတယ်။လိုင်းအသေနဲ့ကဗျာတွေမှာတော့ ဆိုလိုရင်းကို ထိထိမိမိလေး ပြသွားနိုင်တာတွေ့ရပါ့
မယ်။ကဲ ကဗျာလေးကိုစပြီး ခံစားကြည့်ရအောင်ဗျာ…….

(နေထွက်ပြီး နေ၀င်သွားတဲ့ မြစ်ကမ်းဘေးမှာ ငါ့ကိုယ်ငါချရပ်လိုက်တယ်။)

ကဗျာဆရာဟာ မြစ်ကမ်းဘေးတစ်ခုမှာ ရပ်နေတယ်ဆိုတဲ့အကြောင်းကို နိမိတ်ပုံပါးပါးလေးနဲ့ ကဗျာကို လှလှလေးအင်ထရိုဝင်လိုက်ပါတယ်။ကဗျာဆရာဟာ မြစ်ကမ်းဘေးမှာ ရပ်နေပါပြီ။ ဒါဟာ သူပြောချင်တာတွေကိုဆက်ပြောဖို့ မြစ်ကမ်းနံဘေးနောက်ခံနဲ့ ကဗျာဆန်ဆန် ဆက်တင်ချလိုက်တာလို့ ဆိုနိုင်ပါလိမ့်မယ်။ကဗျာဆရာဟာသူပြောချင်နေတာတွေ၊
ခေတ်အပေါ်မကျေနပ်ချက်တွေ၊ခံပြင်းနေတာတွေကို အမေးဝါကျတွေနဲ့စပြောပါတော့တယ်။

 (ဒီနေ့နဲ့မနက်ဖြန်မှာ ကိုယ်တိုင်စာတတ်ပြီး ဘာလို့စာမတတ်မှုဖြစ်နေတာလဲ။

 ကိုယ်တိုင်သိမ်မွေ့သလိုလိုနဲ့ဘာလို့ရိုင်းစိုင်းသွားတာလဲ။)
အဲဒီလိုင်းနှစ်လိုင်းဟာရိုးရိုးရှင်းရှင်းလေးတွေပါ။ကဗျာဖတ်သူအနေနဲ့လည်း
အများကြီးကိုဖြန့်တွေးပြစ်လိုက်လို့ရပါတယ်။အမေးဝါကျဆန်ဆန်နဲ့ ခေတ်ရဲ့အနေအထားကိုတွေးခိုင်းလိုက်တာလို့ထင်ပါတယ်။တဖက်ကကြည့်
မယ်ဆိုရင်လည်း ဒါဟာကဗျာဆရာရဲ့ ခေတ်အပေါ်မကျေနပ်တဲ့ လေသံတွေပါပဲ။

  ( ဟော.....
      တတိယနိုင်ငံရေးသမားတဲ့ ခပ်ရိုင်းရိုင်းနှုတ်ဆက်လိုက်တယ်။

မင်္ဂလာပါလူကြီးမင်းခင်ဗျာ...)
‘ဟော….’ဆိုတဲ့အောက်က ပထမလိုင်းမှာ ခပ်ရိုင်းရိုင်းနှုတ်ဆက်လိုက်တယ်လို့ဆိုထားပေမယ့်
ဒုတိယ လိုင်းမှာတော့ ‘မင်္ဂလာပါ လူကြီးမင်းခင်ဗျာ’ ဆိုတဲ့ ယဉ်ကျေးတဲ့စကားကိုဆန့်ကျင်ဘက် လိုင်းနဲ့ တွဲသုံးသွားပါတယ်။ဒါဟာကဗျာသမားတွေမှာရှိနေတက်တဲ့ ရွဲ့တက်တဲ့ စိတ်အခြေအနေကို ပြသွားတာပါ။နိုင်ငံရေးသမားတွေကို တကယ်ရောနိုင်ငံရေးသမားစစ်ကြရဲ့လားလို့ခပ်ထေ့ထေ့မေးခွန်းတွေထုတ်ပြီး ကဗျာဖတ်သူတွေကိုပါ ဒါတွေဟာ တကယ်လိုအပ်ပါသလားလို့ရိုးရှင်းထိမိတဲ့ ဝါကျလိုင်းတွေနဲ့အသိပေးသွားခဲ့ပါတယ်။ 

 (ကိုယ်ထူကိုယ်ထအိပ်မက်တွေကို အာခေါင်ခြစ်အော်ဖူးပါသလား။      

  ပညာတတ်ဆန်ဆန်လာဘ်စားမှုကို ခွဲခြားတတ်ပြီလားး။

 အမြင်မတူတာနဲ့တွေ့ရင် အတ္ထုပ္ပတ္တိစ/ဆုံး လုံးစေ့ပတ်စေ့လေ့လာဖူးပြီလား။

 မာတင်လူသာကင်း ရဲ့ စာတိုပေစတွေ ဖတ်ဖူးပြီလားးး။

 ကိုယ်သေတဲ့အခါ ကိုယ့်သမိုင်းကောင်းဖို့ဆိုးဖို့ မျှော်ကြည့်ဖူးပါသလား။

နိုင်ငံရေးမေးခွန်းအချို့ကို ဆိုလိုရင်းခွဲခြားတတ်ပြီလား။

စစ်ပွဲကြားက အားငယ်မှုတွေရဲ့ ရည်ရွယ်ချက်ကို လေ့လာဖူးပြီလား.....။)

 (ဖော်ညွှန်းပြီး ဆက်မပြောတော့ဘူး။)

       နိုင်ငံရေးသမားလို့ဆိုသူတွေနဲ့ကျွန်တော်တို့ ခင်ဗျားတို့တွေအတွက်ရော ဒီလိုအသိတွေ၊အမြင်တွေ တကယ်လိုအပ်ပါသလား၊မလိုအပ်ဖူးလား
ဆိုတာကိုတော့ ကဗျာဆရာက (ဖော်ညွှန်းပြီး ဆက်မပြောတော့ဘူး။)တဲ့။ကဗျာဖတ်သူကိုလည်း အခုလိုအဖွင့်လိုင်းလေးနဲ့ ထွက်ပေါက်ပြန်ပေးထားပါတယ်။
   ကဗျာတစ်ပုဒ်မှာ ထွက်ပေါက်လေးပေးပြီဆိုရင် အဲဒီရဲ့နောက်မှာ အဲဒီကဗျာရဲ့ အသက်ဓာတ်ဖြစ်တဲ့ အချင်းအရာတွေဟာ ကပ်ပါလာတက်ပါတယ်။

 (မျုိးဆက်တစ်ခုကို ယုံကြည်ရင် မျိုးဆက်တစ်ခုလိုယဉ်ကျေးဖို့လိုလိမ့်မယ်။

    အချိန်ကာလကို ခြုံငုံပြီး ခိုင်မာမှုကို မွေးထုတ်မပေးနိုင်တဲ့အထဲမှာ

ငါ့ကိုလူအဖြစ်ထုဆစ်ထားတဲ့ နိုင်ငံလည်းပါတယ်လို့ ငါပြောတယ်။)
      ဒါဟာ ကဗျာဆရာက ကဗျာဆိုတဲ့ဘောင်ထဲကနေ ကျွန်တော်တို့တွေ ဆုံးရှုံးခဲ့ရ၊ခံစားခဲ့ရ၊နာကျည်းခံပြင်းခဲ့ရတဲ့အခွင့်အရေးတွေကို ကဗျာရဲ့လွတ်လပ်တဲ့စည်းထဲကနေ သတိပေး တောင်းဆိုလိုက်တာပါ။ဒီကဗျာရဲ့ အသက်အဝင်ဆုံးလိုင်းတွေပါပဲ။ဒီနေရာလေးကို သုံးခေါက်လောက်တော့ ဖတ်ကြည့်စေချင်ပါတယ်။
    အဲဒီနောက်မှာတော့ ကဗျာဆရာဟာ သူအပါအဝင် ခေတ်ကြီးရဲ့ကျဆင်းနေတဲ့ ခုခံအားတွေကို အကျလိုင်းတွေနဲ့ ဆက်ပြီးပုံဖော်ပါတယ်။ဒါကလည်း Ending ကိုသွားဖို့၊ကဗျာကို အဆုံးသတ်ဖို့ ဖြည်ချလိုက်ဖျော့ချပေးလိုက်တာလို့မြင်ပါတယ်။
(ခေတ်ဆိုတာကြီးကိုကြည့်ပြီး မေတ္တာတရားတွေလဲ မှေးမှိန်ကုန်ပြီ။
အရောင်တွေထဲက မေးခွန်းအချို့ကို အနုပညာအဖြစ် မဖန်တီးနိုင်သေးဘူး။
21ရာစုနာရီသံဟာ နိုက်ကလပ်ကတေးသံကိုစည်းချက်လိုက်နေတယ်။
ကျော်ကြားမှုကို မ၀တ်ဆင်ဖို့ ကမ္ဘာကြီးက ငါ့ကိုအမဲလိုက်နေပြီ။)
ကဗျာဆရာဟာ နောက်ဆုံးမှာ အမေးဝါကျတွေကို မသုံးတော့ပါဘူး။သူအလိုမကျတဲ့ခေတ်ဆိုတာကြီးကို မှော်သားကပ်နေတဲ့ အထက်ကလိုင်းလေးခုနဲ့ ကဗျာဓာတ်မိမိရရကိုပြသွားခဲ့ပါတယ်။ကိုယ့်စိတ်ဓာတ်ကိုယ် ပြုပြင်ဖို့ကိုတောင်အခွင့်အရေး မပေးချင်တဲ့ လူတွေ ကို တနည်းအားဖြင့် အာဏာရှင်ဆန်မှုတွေကို
(ဒီလိုနဲ့ ကိုယ့်စိတ်ဓါတ်ကိုယ် ငုံ့အသွေးမှာ အားလုံးကငါ့ကိုကြက်ခြေခတ်ပြစ်လိုက်တယ်။)
ဆိုပြီး မချိတင်ကဲလေသံ မျိုးနဲ့ ကဗျာကို အဆုံးသတ်သွားခဲ့ပါတယ်။

    ကျွန်တော်ကတော့ ကျွန်တော့်ရဲ့စိတ်
/နှလုံးသားမှာလာထိရှတဲ့ကဗျာတစ်ပုဒ်ကိုဖတ်ပြီးတဲ့အခါတိုင်းမှာ
ကျွန်တော့်မျက်စိကို မှိတ်လိုက်ပါတယ်။ပြီးရင်တော့ အဲဒီကဗျာဆရာရဲ့စိတ်/နှလုံးသားဆီ ရောက်အောင်အတွေးတွေနဲ့ကူးခတ်တော့တာပါပဲ။အဲဒီအတွက်လည်း ကဗျာဆရာဟာ နေထွက်ပြီး နေဝင်သွားတဲ့ မြစ်ကမ်းဘေးမှာ ကျွန်တော့်ကို ရပ်စောင့်နေဦးမှာပါလို့ ယုံကြည်နေမိတယ်။       ။

မှတ်ချက်။         ။ကျွန်တော့်၏ ခံစားမှုသက်သက်သာဖြစ်ပါကြောင်း။ကောင်းကောင်းဆိုးဆိုး
                      ကျွန်တော်၏တာဝန်သာဖြစ်ပါသည်။
                                                                                                       လေးစားစွာဖြင့်…..
                                                                                                                           ရဲရင့်လမင်း

"သဘောက်မသားလေး ကိုလူငယ် တွေ့ရှိချက်"

"သဘောက်မသားလေး ကိုလူငယ် တွေ့ရှိချက်"

တွေ့များတွေ့မလား

တွေ့လား..

ဘာမှန်းမသိတော့ ဘယ်သိမှာလဲ

ဘာဆိုဘာကိုမှ ကောက်ချက်မချရသေးဘူး

တည်တည်တံ့တံ့ ကောက်ခါငင်ခါ ခါးခါးသီးသီး

ပေပေတေတေ လိုလိုလားလား ထွေထွေထူးထူး

ထူးထူးချွန်ချွန် ခန့်ခန့်ထည်ထည် ထည်ထည်ဝါ၀ါ

ထွားထွားကြိုင်းကြိုင်း သန်သန်မာမာ ထူးထူးထွေထွေ

 တသြတအံ့ တအံ့တသြ ချောက်ချောက်ခြားခြား

ပြောရရင် 

လူလွန်မသားလေး လူငယ်တစ်ယောက်တွေ့ရှိခဲ့တဲ့

မိသားစုဟာ လိင်သရမ်းလွန်နေတဲ့မျိုးဆက်ပဲ

မျိုးဆက်ဆိုတဲ့ နောက်မှာ ကပ်ပါလာတဲ့ဗီဇဆိုတာလည်း

အုံးအကြီးကြီးလွှတ်စားပါတယ်ဗျာ.. စမုံအကြီးကြီးလွှတ်တုံးပါတယ်ဗျာ

ပလပ်အကြီးကြီးကျွတ်ရပါတယ်ဗျာ

ဒါကြီးက ဒီအရွယ်ထိ အရိပ်လို လိုက်လိုက်ကပ်နေ

ဖြည်းဖြည်းသွားလည်းမလွှတ်ဘူး

ပြေးပြေးသွားလည်း မလွှတ်ဘူး

ဘွတ်စမန်တော့ အကြီးကြီးသိပ်ခံရပြန်ပြီ ဘွားဒေါ်ရေ..

လူတစ်ယောက်ရဲ့ ပြုမူချက်တိုင်းဟာ

သူ့မျိုးဆက်ရဲ့ ပြုလုပ်ချက်/ရပ်တည်ချက် အ ထိ လိုက်လေသလား

(လိုက်၏ ၊ မလိုက်၏ ၊ မှန်၏ ၊မှား၏ ၊ဒါကတော့ ဒီလိုရှိပါတယ်။ )

လူ့သိက္ခာ လူ့ကျင့်ဝတ် လူလိုမြင် လူလိုသိ

ထိမိခြင်း ထားရှိခြင်း ထောက်ရှု့ခြင်း

လူညှာတာ လူချိန်ခွင် လူ့အခွင့်အရေး

လူ့ပါးစပ် လူပေါက်သော လူချိုးလူနှိမ် လူ့ပတ်ဝန်းကျင်

လူ့စေတနာ လူ့ဘောက်သောက် လူတိုင်းနီးပါး

စသဖြင့် (ဆို)လိုချင်တာနဲ့ ဆွေးနွေးချင်တာကို (ခဏ)ရပ်ပေးထား

တွေ့ရှိချက် မှ တွက်ရှိချက်အထိ သိမှု့နဲ့ အတတ်ပညာကိုဆွဲ့အဆန့်မှာ

အဖြူနဲ့အမဲဟာ  ဘွားခနဲ့စောင့်ပေါ်လာတာပဲ

လူရယ် လမ်းရယ် ခေတ်ရယ် ဘာသာရေးရယ် စစ်ပွဲရယ် အင်တနက်ရယ် ငြိမ်ချမ်းရေးရယ်

ဗိုလ်သိုးကြီးရဲ့ ဂျလုံး ပလုံးရယ် Marx ၀ါဒရယ်

၉၆၉ရယ် လိင်မှု့အထိအတွေ့ရယ် အသားအရောင်ရယ် ချစ်သူရယ် ရည်းစားရယ် ဘောလုံးပွဲရယ်

ဖောက်ခွဲမှု့ရယ် လက်ဖက်ရည်ဆိုင်ရယ် အငြင်းပွားမှု့ရယ် အယူအဆရယ် အလုပ်လက်မဲ့ရယ် ထမင်းစားပွဲရယ်

စသဖြင့်...

 Network မမိ တစ်ချက် မိ တစ်ချက်မှာ လူမမြင်အောင်/လူမသိသူမသိ ဖျောက်ပြစ်လိုက်မိတဲ့ click တစ်ချက်

လူငယ်တစ်ယောက်ရဲ့အသက်ဓါတ်/အရသာ ဟာ မိုးကောင်းနေရမယ့်အချိန် မိုးမရွာလိုက်ရရှာဘူး ။

သနားစရာပါလားနော်(ဟာသ)။



မင်းခိုင်မြဲ

"မျှော်လင့်ခြင်းကကြိုးပေါ်မှ ခေါ်ဝေါ်မိလိုက်တဲ့နာမ်စား"

"မျှော်လင့်ခြင်းကကြိုးပေါ်မှ ခေါ်ဝေါ်မိလိုက်တဲ့နာမ်စား"
တိုးတိုးလေးခေါ်မိလိုက်တဲ့ ရင်ဝှက်တမ်း
မှတ်ကျောက်တင်စရာမလိုတဲ့ မှတ်ကျောက်ဟာ
ရင်ဘတ်ထဲမှာ အလျား(ပြည့်) အနံပြည့်
ခုန်ပေါက်နေတဲ့ Lyric ကဗျာတစ်ပုဒ်
တောက်စားမိလိုက်တဲ့အချိန်ဟာ ပလုံဆိုပြီးတောင်
မမြည်တွန်မိလိုက်တာဟာ အချိအပြည့်ကြီး /အချိန်အပြည့်ကြီး
ခံတွင်းတွေ့သွားတာလား ဒဏ်ရာဟာပြင်းပြင်းရသွားတာလား
ဘာလား ညာလား ဘယ်လား ညာလား
အဲ့သည် "လား" ပေါင်းများစွာထဲမှာ ရှိတယ်
ခင်ဗျားအရသာတွေ့နေတဲ့ ပေါ်ပြူလာထဲမှာရှိတယ်
ညနေခင်းရဲ့ ပြတွင်း/ပြတင်းပေါက်ထဲက ရှု့မျှော်ခင်းထဲမှာရှိတယ်
မောင်မြတ်သူရဲ့ မြောင်းမြမြို့ကို ချစ်တဲ့စိတ်ထဲမှာလည်းရှိတယ်
ခင်ဗျား ကဗျာကို  သိတဲ့ သိမှုထဲမှာရှိတယ်..
ကိုနေမြဲ မိန်းမ ချိုပိန်းနောင်မေးသလို
(အဲ့သည်လိုပြောရင် အဆင်ပြေမလား) ဆိုသလို
လိုချင်လဲလိုမယ် ပိုချင်လဲပိုမယ်ထဲမှာလဲ ပါတယ်      ဟေ့လူ
ဒါဆို မောင်ချာလီရဲ့ စပ်ကူးမတ်ကူးကာလထဲမှာရှိအုံးမယ်
လှည်းတန်း-အင်းစိန်လမ်းမပေါ်မှာ တစ်ခါတစ်လေရှိတယ်
မောင်ယုပိုင်ရဲ့ ပထမဦးဆုံး အချစ်ကဗျာမှာရှိတယ်
ကုန်ကုန်ကို လုံလုံ ပြောရရင်
ကျွန်တော်ရဲ့ G mail ထဲမှာ မောင်မြတ်သူပြောတဲ့ ဖွဘုတ်ထဲမှာ
မောင်ပြည့်မင်းရဲ့ တကယ်ဆိုဖြစ်တဲ့သီချင်း ထဲမှာ
အခန်းထောင့်က အံဝှက်ထဲမှာ တက္ကသိုလ်ဝင်တန်းအောင်စာရင်း ကြည့်ချိန် ထဲမှာ
ပင့်တင်လိုက်တဲ့ ဟောဒီ့စကားလုံးတွေထဲမှာ နှလုံးသားကိုထုခွဲ
ဂိုဏ်းမကွဲသေးတဲ့ စစ်တပ်ထဲမယ်လို အမျိုးသားအရေးထဲ
အမျိုးသမီးရေးပါ (မပါ) တဲ့ပြောသင့်လား မသိ (တသိ) ပြောမိတဲ့
ရင်ဝှက်တမ်းရဲ့အရေးသားဟာ  ထင်ရှူးပင်တန်းထဲ ဖို နဲ့ မ ဟာ
စိတ်မငြိမ် လက်မငြိမ် လို့  နှိမ့်ပြီးပြောလိုက်မယ်..
ကျွန်တော့် ရင်ဘတ်ထဲက နာမ်စားဟာ "ငယ်"။              ။
                                                                            မင်းခိုင်မြဲ

"ချစ်လက်စ တို့ မီးဆွဲခြင်း"

ခပ်ပြင်းပြင်းပြစ်လွှတ်လိုက်တဲ့ မောင်းပြန်ဓါးတစ်ချောင်းလို

မြို့ပြရဲ့ လက်တံပေါ်မှာ ညက ခပ်တည်တည်မျက်နှာထားနဲ့

နီယွန်မီးရောင်စုံအောက်မှာ ကျွန်မကိုအပင်းထည့်သွားတယ်

ကွေ့ကောက်သွားတဲ့ လောကမြစ် ကို တိုင်းထွာပြီး

ကိုယ့်ကြမ္မာနဲ့ကိုယ့်ကို တောက်ခတ် ဆဲရေးခံလိုက်ရတာပဲ။


အိပ်ရေးပျက်နေတဲ့ခုနှစ်က အထက်စီးဆန်ဆန်ပေါ်လွင်ပြီး

အခန်းကျဉ်ထဲ စကားလုံးကိုသပ်ပင်းထားတယ်

တင်စားမိလိုက်တဲ့ အရာက မီးစကြီးတစ်ဖက် ရေမှုတ်ကြီးတစ်ဖက်နဲ့ လမ်းလျှောက်ပြီးစီးဝင်တယ်

သက်ရှိကို သက်မဲ့ပြသလိုမျိုး အဲဒီ့ Logo လေးထဲ ရှင်ကရှိတယ်

ကြားနားကြီးမှားပြီး နားကြားကြီးမမှားလိုက်နဲ့

လောင်းထည့်ခံလိုက်တဲ့ ကြက်သီး တစ်ဖြန်းဖြန်းဟာ

မှောက်ချင်ပင်မယ့် သွန်လို့မရ သွန်ချင်ပင်မယ့် မှောက်လို့မရနဲ့

ခန္ဓာကိုယ်ဟာ ရှင်ပြုသမျှနုရတုန်းကလို အာစေးခတ်ခံလိုက်ရတာပဲ

ဘာကိုမှဖြတ်မကွေ့သေးဘဲ တန်းတန်းကြီးလွှတ်ပြေးမိတဲ့အချိန်

ကိုယုန်ကတောင်ဘက်အပြေး ကိုခွေးကမြောက်ဘက်အလိုက်ပဲ။

ထောက်ခနဲပွင့်လာ တဲ့မောင်းပြန်ဓါးဟာ  အဲ့ဒီဝတ်လွှာကိုစားပြီး ပြန်အန်ထုတ်သွားတယ်

ခံတွင်းထဲငုံထားတဲ့ မြွေဟာ  အထီးဖြစ်လိုက် အမဖြစ်လိုက်နဲ့

ကိုယ့်ကိုကိုယ် မိတ်လိုက်မိရတာလဲ အခါခါပေါ့။



လောကအိုးကို ယမ်းအပြည့်ထည့်ပြီး မီးညှိပေးလိုက်တာပဲ

ကြည်ထိုးမောင်းတင်ထားတဲ့ သေနတ်ကို ပါးစပ်မှ တေ့ပြီးမောင်းဖြုတ်အချ


စိတ်ခုခုသွားတဲ့  ညကို ခက်ခက် ထုတ်ဖို့

ရှင့်ကို အပြီးတစ်ခါထဲမေးခဲ့လိုက်မယ်

အချစ်လွန်တိုင်း အမုန်းလွန်တာ သိပ်ကောင်းလွန်းတဲ့အရသာလား

သူ့မှာလည်းမောင်းပြန်လာတဲ့အားနဲ့ကျွန်မရဲ့ရေးလက်စမှာလည်း

လောင်မီးဆွဲလက်စနဲ့ ခြံထဲကပျိုးခင်းဟာ စိုက်လို့ကောင်းပြီး တူးဆွပေါင်းသင် လို့ကောင်းတုန်း။


                                                                    မင်းခိုင်မြဲ


PS; ပြီးခဲ့တဲ့ တစ်နှစ်ခွဲလောက်က ရေးဖြစ်ခဲ့တဲ့ ကဗျာတစ်ပုဒ်ပါ ။

လူမျိုးကြီး ၊ ဘာသာကြီး စိတ်ဓါတ်များ ၀င်နေသော လူမျိုးငယ် ဘာသာငယ် နိုင်ငံလေး

ဒီကိစ္စကို မရေးဖူးလို့ စဉ်းစားထားတာပါ .။ ဒါပေမယ့် ရေးချင်စိတ်ကို ဘယ်လိုမျှ ထိန်းမရတဲ့ အတွက် ရေးလိုက်ပါပြီ။ ကျွန်တော့် အနေနဲ့ ဘယ်ဘာသာတရား ကိုမှ ဖင်းပြီး ရေးမှာ မဟုတ်သလို ။ ဘယ်ဘာသာဝင်ကိုမှ မုန်းတီး စိတ်နဲ့ရေးမှာ မဟုတ်ပါဘူး ။ လူမျိုးရေးဘာသာရေး အလွဲသုံးစားပြုသူတွေရဲ့ အသုံးမ၀င်လှမှုတွေကို ထောက်ပြချင်ယုံသက်သက်သာ ဖြစ်ပါတယ်။

အခု မိတ္ထီလာမှာ သာမာန် ပဋိပက္ခ တစ်ခုကို အရင်းပြုပြီးတော့ သွေးဆာသူတွေ ၊ ရုန့်ရင်းကြမ်းတမ်းသူတွေ ၊ အမြတ်ထုတ်လိုသူတွေက စတင်ပြီး ဘာသာရေးအဓိကရုဏ်း ၊ လူမျိုးရေးအဓိကရုဏ်းအသွင် ရောက်လာအောင် ပြုလုပ်နေတာကို မြင်တွေ့ရပါတယ်။
သာမာန် ပဋိပက္ခပြဿနာကို ဥပဒေဘောင်အတွင်းကနေ ဖြေရှင်းဖို့ မကြိုးစားပဲနဲ့ ။ အကြမ်းဖက်ခြင်း မီးရှို့ခြင်း လူသတ်ခြင်း စတဲ့ ကိစ္စတွေကို ပြုလုပ်တာဟာ အလွန် ရင်လေးဖို့ ကောင်းတဲ့ ကိစ္စရပ်တစ်ခုပါ ။
လက်ရှိ ကျွန်တော်တို့ နိုင်ငံဟာ ဒီမိုကရေစီ ကို ပြောင်းလဲယူဖို့ ကြိုးစားဆဲ အနေအထားတစ်ခုမှာသာ ရှိပါတယ် ။ ဒီလို အခြေအနေမှာ မလိုလားအပ်တဲ့ နိုင်ငံတကာရဲ့ အထင်အမြင် လွဲမှားမှုကို ရယူဖို့ ကြိုးစားနေတဲ့ လုပ်ရပ်တွေဟာလည်း အံ့အားသင့်စရာ ဖြစ်နေပါတယ်။

ဒီမိုကရေစီ ဆိုတာဘာလဲ ?

ဒီမေးခွန်းတွေကို လက်ရှိ အဓိကရုဏ်းတွေကို ပြုလုပ်နေသူတွေ ။ သွေးဆာနေသူတွေကို ကျွန်တော် မေးချင်နေတယ်။

ဒီမိုကရေစီ ဆိုတာ အခုလို လက်လွတ်စပယ် လူမျိုးရေးခွဲခြားပြီး ဘာသာရေးစော်ကားမှုတွေ လုပ်ပြီး လူသတ်ဖို့ မဟုတ်သလို
ဒီမိုကရေစီ လမ်းကြောင်းပေါ် ရောက်ပြီ ဆိုပီး ဒီလို လုပ်ချင်တာ လုပ်လို့ရတယ် ဆိုတဲ့ အမြင်မျိုးတွေ ကိန်းဝပ်နေသလားမသိ ။
လူကို လူလို မမြင်တော့တဲ့ မှတ်ချက်တွေ ၊ လုပ်ရပ်တွေ ကို ကျွန်တော်တို့ အခု ဆိုရှယ်နက်ဝေါခ့် တစ်ခု ဖြစ်တဲ့ Facebook မှာ ကောင်းကောင်းကြီး မြင်နေရတယ် ။ မီးတွေလောင်နေတဲ့ ဘာသာရေး အဆောက်အအုံတွေ ၊ ခိုကိုးရာမရ ဖြစ်နေတဲ့ အိုးအိမ်မဲ့ လူတွေ ၊ မိဘမဲ့ သွားမယ့် ကလေးတွေ ၊ စီးပွားပျက်သွားရင်းကနေ အိမ်ထောင်ပါ ပျက်သွားတော့မယ် မိသားစုတွေ ၊ ပညာရေး ဆုံးရှုံးရတော့မယ့် ကလေးငယ်တွေ ဒါတွေကို မမြင်နိုင်လောက်အောင် လူမျိုးရေး၊ ဘာသာရေး မှိုင်းတွေဟာ ကျွန်တော်တို့ကို မှိုင်းတိုက်နေပါတယ် ။ လူသားချင်းစာနာမှုတွေ ၊ လူ့အခွင့်အရေးတွေ ၊ တာဝန်ယူမှုတွေ မရှိပါပဲနဲ့ ဒီမိုကရေစီ အော်ပြီး လုပ်ချင်ရာ လုပ်နေတာဟာ မည်သူမျှ အာဏာမသိမ်းပါပဲနဲ့ ကျွန်တော်တို့ အပြောင်းအလဲကာလမှာတင် အလိုလို နောက်ကြောင်းပြန်လှည့်သွားပါလိမ့်မယ်။


လက်ရှိအချိန်မှာ အစ္စလာမ်ဘာသာကို ဆန့်ကျင်ဖို့ လှုံ့ဆော်မှုတွေက အားကောင်းလာတာကို မြင်ရပါတယ် ။ မေးခွန်းမေးစရာ ရှိတာက ဒီလို ဘာသာရေးခွဲခြားသူတွေဟာ  ဘာကြောင့် အစ္စလာမ်ဘာသာ ကို ဆန့်ကျင်ကြတာလဲ?ဆိုတဲ့ မေးခွန်းပါ

ဒီဟာကို ကျွန်တော် မြင်မိသလောက် ချရေးကြည့်ပါမယ်။

(1) 786 ဆိုတဲ့ ကိန်းဂဏန်းကို 21 ရာစုမှာ အစ္စလာမ်ဘာသာကသာ ကမ္ဘာကို စိုးမိုးရမယ် ဆိုတဲ့ စွပ်ဆွဲချက်။

(2) ဗုဒ္ဓဘာသာဝင် အမျိုးသမီးတွေကို မူဆလင်အမျိုးသားတွေက ထိန်းမြားရင် ပိုက်ဆံထောက်ပံ့ပါတယ် ဆိုတဲ့ စွပ်ဆွဲချက်။

(3) အယ်လ်ကေဒါ ကဲ့ သို့ သော အကြမ်းဖက်အဖွဲ့တွေ ။

(4) မူဆလင်ဘာသာဝင် အချို့ရဲ့ စီးပွားရေုးလုပ်ငန်းတွေ အောင်မြင်မှု ကြီးမားနေခြင်း

(5) ဗုဒ္ဓဘာသာဝင်တွေရဲ့ ဘာသာရေး ရေချိန်လျော့ကျမှု

ဒီအချက်တွေကို အဓိက ကျွန်တော် မြင်လာရတယ်။

(1) ကျွန်တော့် အနေနှင့်ကတော့ 786 ဆိုတဲ့ ဂဏန်းဟာ မြန်မာပြည်မှာပဲ သုံးတာကို သိရသလို မူရင်းဟာ အာရဗီ စကားဖြစ်ပီး ကိန်းဂဏန်းအနေနဲ့ စီလိုက်ရင် 786 ဆိုတဲ့ ဂဏန်းတွဲကို ရတယ် ။ (အလ္လာဟုအရှင် ၏ ဂုဏ်တော်ကို တသပြီး အစပြုပါသည်) လို့ သိထားတယ် ( အမျိုးပျောက်မှာ စိုးကြောက်စရာ လို ခိုးထုတ်တဲ့ ဘာသာရေးမှိုင်း စာအုပ်မျိုးတွေမှာတော့ 21 ရာစု မှာ ကမ္ဘာကို လွှမ်းမိုးဖို့ ဆိုပီး ရေးထားတယ်)။သေချာတာကတော့ အစ္စလာမ်ဘာသာရေးအကြီးအကဲတွေလည်း မညွှန်ကြားထားသလို၊ ကိုရမ်ကျမ်းမှာ 786 ဆိုတဲ့ ဂဏန်းနဲ့ ကမ္ဘာကို သိမ်းရမယ်လုိ့ ညွှန်းဆိုချက် ပါမထားပါဘူး။

(2)  ဗုဒ္ဓဘာသာဝင် အမျိုးသမီးတွေကို မူဆလင်တွေ လက်ထပ်ရင် ပိုက်ဆံထောက်ပံ့ပါတယ် ဆိုတဲ့ ဆွဲချက်ဟာလည်း ယနေ့အထိ သက်သေပြလို့ မရပါဘူး ။ ဘာသာပြောင်းတယ်ဆိုတဲ့ ကိစ္စဟာလည်း လူတစ်ဦးတစ်ယောက်နဲ့ပဲ ဆိုင်ပါတယ် ။ တစ်ဖက်ဘာသာကို ပြောင်းသွားတဲ့ အတွက် ကျွန်တော်တို့ အနေနဲ့ သွားပီး ပြဿနာရှာလို့မရသလို ။ ကိုယ့်ဘာသာကို တစ်ဖက်က ပြောင်းလဲရင်လည်း ပြဿနာလာရှာလို့ ရမှာ မဟုတ်တာကို သတိချပ်ရပါမယ် ။

(3) အကြမ်းဖက် အဖွဲ့ဆိုတာ မည်သည့် ဘာသာဝင်မဆို ဖြစ်နိုင်ပါတယ် ။
အယ်လ်ကေးဒါးဟာ အခု ရက်စက်ပါတယ်လို့ နာမည်ကြီးနေတယ် ။
ဒါပေမယ့် နောက်အနာဂါတ်မှာ လက်ရှိ 969 တံဆိပ်ကပ်နေတဲ့ အဖွဲ့တွေကကော ဒီလို ဖြစ်မလာနိုင်ဘူးလား ?
လက်ရှိ လူမျိုးတုန်းသတ်ဖြတ်ဖို့ ကြံနေပုံမျိုးဟာ နောက်အခါမှာ ဒီလိုမျိုး အစွန်းရောက်ဘာသာရေးအဖွဲ့အစည်း တစ်ခု ထပ်မထွက်လာနိုင်ဘူးလား ။ ကျွန်တော်တို့ဟာ အကြမ်းဖက်မှုနဲ့ ဘာသာတရားနဲ့ကို ခွဲမြင်ဖို့ လိုနေပါပြီ ။ လက်ရှိမှာ အစ္စလာမ်မုန်းတီးရေး လုပ်နေတဲ့ ပုဂ္ဂိုလ်တွေ အနေနဲ့ အစ္စလာမ်ဘာသာဝင်မူဆလင် လူတိုင်းကို ဘင်လာဒင်ကို ကြိုက်ပါသလား အယ်လ်ကေဒါးကို ထောက်ခံပါသလားဆိုတာ ကို မေးသင့်ပါတယ် ။
ဂျီဟဒ်ဆိုတာ တစ်ဖက်သားက စော်ကားလာမှ ပြန်လည်တုံ့ပြန်ရတယ် ဒါတောင်မှ ကလေးတွေ ၊ အမျိုးသမီးတွေ ၊ သက်ကြီးရွယ်အိုတွေ မပါဝင်စေရလို့ သိမှတ်ထားပါတယ် ။ အဲ့တော့ အဖြေက ရှင်းပါတယ် ။
ဘာသာရေးအစွန်းရောက် အယ်လ်ကေးဒါးတွေဟာ အစ္စလာမ်ဘာသာကိုလည်း စော်ကားသူတွေဆိုတဲ့ အချက်ကို သိရသလို ၊
ဘာသာရေးအစွန်းရောက်လာသည့် မည်သည့်အဖွဲ့မဆို မူရင်းဘာသာတရားကို သိသိသာသာ စော်ကားတယ်ဆိုတဲ့ အချက်ပါပဲ။

(4) မူဆလင်ဆိုင်တွေမှာ ဈေးမ၀ယ်ဖို့ ၊ မူဆလင်ဘာသာဝင်တွေကို ဘေးဖယ်ထုတ်ဖို့ ဆိုတဲ့ အချက်တွေနဲ့ ဗုဒ္ဓဘာသာမှာတစ်ခါမှ မရှိခဲ့တဲ့ ကိန်းဂဏန်းတွေနဲ့ သီးသန့် အမိန့်ထုတ်ပြန်ချက်ကဲ့သို့ ၊ ဘာသာရေးကနေ လူနေမှုကို သိသာစွာ ၀င်ရောက် စွတ်ဖက်လာတာ ကို တွေ့မြင်ရပါတယ် ။ဒါဟာ စီးပွားရေးဆိုင်ရာ ထိုးနှက်ချက် တစ်ခုသာ ဖြစ်ပြီးတော့ ဘာသာရေးနဲ့ လုံးဝ မသက်ဆိုင်တာကို ကျွန်တော်တို့ သတိထားကို ထားရမယ့် အခြေအနေပါ ။ ဘာသာ သာသနာ ဆိုတာ တစ်ဖက်သားကို တိုက်ခိုက် ထိခိုက် စီးပွားရေး ပိတ်ဆို့ပြီးမှ ကာကွယ်စောင့်ရှောက်ရတယ် လို့ ကျွန်တော်တို့ ဂေါတမဗုဒ္ဓက မဟောပြောခဲ့သလို ။ ဗုဒ္ဓဘာသာ ဆိုင်ရာ ကျမ်းဂန်တွေမှာလည်း တစ်ခါမှ ရေးသားထားခြင်း မရှိပါဘူး။
လက်ရှိအချိန်မှာ အရှေ့အလယ်ပိုင်းနိုင်ငံတွေ ၊ မလေးရှား ၊ အင်ဒိုနီးရှား စတဲ့ နိုင်ငံတွေမှာ အလုပ်သွားရောက် လုပ်ကိုင်နေကြတဲ့ လူတွေဟာလည်း အများအပြားရှိနေပါတယ် ။ ဒီလူတွေဟာ တကယ်တမ်း ဘာသာရေး အဓိကရုဏ်း ကြီးကျယ်လာလို့ အဆိုပါ နိုင်ငံက အစ္စလာမ်ဘာသာဝင်တွေ အနနဲ့ ဒုက္ခပေးမယ်ဆိုရင် ဦးစွာခံရမယ့် လူတွေပါ ။ ဘာသာ သာသနာကို ကာကွယ်ကြ အမျိုးကို ချစ်ကြဆိုတဲ့ ဘုန်းတော်ကြီးတွေအနေနဲ့ ဒါကို တွေးမိပုံမပေါ်ပါဘူး ။

(5) ဗုဒ္ဓဘာသာဝင်တွေရဲ့ ဘာသာရေး ရေချိန်လျော့ကျမှုဟာ ဘယ်လောက်အထိ အရေးပါသလဲ ဆိုရင် ဘာသာရေးနဲ့ အမျိုးသားရေးကို တွဲမြင်လာတဲ့ အထိကို တလွဲဆံပင်ကောင်းနေတာကို မြင်ရပါတယ် ။ ဗုဒ္ဓဘာသာရဲ့ မူရင်းလားရာဟာ လက်ရှိအချိန်မှာ ဟိန္ဒူတွေနဲ့ အစ္စလာမ်ဘာသာဝင် အများစု ရှိနေတဲ့ အိန္ဒိယက လာတာ ဖြစ်ပါတယ် ။ လူမျိုးရေးခွဲခြားမှု တစ်ခု အနေနှင့် လက်ရှိ အစ္စလာမ်ဘာသာဝင် မူဆလင်တွေကို ခွဲခြားလိုရာကနေပြီး ဗုဒ္ဓကပဲ မြန်မာပြည်မှာပဲ ပွင့်ခဲ့သလိုလို ။ လက်ရှိ အစ္စလာမ်ဘာသာဝင် ကုလားတွေ( မူဆလင်တွေပါ လူမျိုးရေးခွဲခြားတဲ့ လူတွေရဲ့ အသုံးကို မြင်သာအောင်ယူသုံးခြင်းဖြစ်ကြောင်း ၀န်ခံပါရစေ) ဟာ အမျိုး နိမ့်ကျသူတွေ စတဲ့ လူမျိုးရေးခွဲခြားမှု ဇာတ်နိမ့်ဇာတ်မြင့် ခွဲခြားမှုကို အစောဆုံး ဆန့်ကျင်ခဲ့တဲ့ ဗုဒ္ဓဘာသာရဲ့ အနှစ်သာရနဲ့ တန်ဖိုးမြင့်မားမှုကို ဗုဒ္ဓဘာသာဝင် အမျိုးကောင်းသားတွေက ဖျက်ဆီးကြတာဟာ အံ့သြစရာပါပဲ။
နောက်ပြီး ဗုဒ္ဓမြတ်စွာ ကိုယ်တော်တိုင် ကျင့်သုံးသလို အမြဲဆုံးမခဲ့တဲ့ အရာရာကို မေတ္တာတရားနဲ့ ရှု့မြင်ပါ ၊ နှလုံးသွင်းပါ ဆိုတဲ့ တရားကိုပါ မလေးမခန့်ပြုကာ အခြားဘာသာတရားကို ဆဲရေးခြင်း ၊ စော်ကားခြင်းတွေ ပြုလုပ်လာတာဟာ မူရင်းဘာသာတရားကို ကိုးကွယ်ယုံကြည်သူတွေက ဖျက်စီးနေတာကို ကိုယ်တိုင် မသိမြင်တာပါပဲ၊
ကျွန်တော် ဗုဒ္ဓဘာသာဝင်မြန်မာလူမျိုးတွေကို သတိပေးလိုတာကတော့ ဗုဒ္ဓဘာသာဆိုတာ ဗမာလူမျိုးတွေအတွက် သက်သက် ပေါ်ထွန်းလာတာ မဟုတ်ပါ ၊
ဗုဒ္ဓဘာသာဆိုတာ ဗုဒ္ဓကိုယ်တော်တိုင် ဟောပြောခဲ့တဲ့ သံသရာမှလွတ်မြောက်ကြောင်းတရားတွေ ဖြစ်ပြီး ဗုဒ္ဓရဲ့ဟောပြောချက်တွေကို လွန်ဆန်သူဟာ ဗုဒ္ဓဘာသာဝင် မဟုတ်ပါဘူး ဆိုတဲ့ အချက်ကိုပါပဲ။

ယခုလို အသွင်ကူးပြောင်းနေတဲ့ နိုင်ငံတစ်နိုင်ငံကို တစ်ကမ္ဘာလုံးက စောင့်ကြည့်နေပါတယ် ။
မိတ္ထီလာမှာ သာမာန် ပဋိပက္ခတစ်ခုကို လူမျိုးရေး ဘာသာရေး အဓိကရုဏ်းအဖြစ် ပြောင်းလဲလိုက်တဲ့
လူတွေရဲ့ အကျည်းတန်လှတဲ့ စိတ်ဓါတ်တွေဟာ အံ့သြစရာ ကောင်းလောက်အောင်ကို ယုတ်ညံ့လှပါတယ်။

အဓိကရုဏ်းတွေမှာ အသက်တွေဆုံးရှုံးရခြင်း ၊ စီးပွားရေးပျက်စီးရခြင်း ၊ စိတ်ပိုင်းဆိုင်ရာ ထိခိုက်မှုတွေကို ကာလရှည်ကြာ ခံစားရခြင်းနဲ့ လူမျိုးရေးမုန်းတီးမှု ဘာသာရေုးမုန်းတီးမှု အပြန်အလှန်ဖြစ်ပေါ်ခြင်းတို့သာ ရရှိမယ်လို့ ကျွန်တော် မြင်မိပါတယ်။

လွတ်လပ်စွာ ကိုးကွယ်ခွင့်ဆိုတာကို အသိအမှတ်ပြုတဲ့ ကျွန်တော်တို့ နိုင်ငံမှာ ဘာသာရေးအဆောက်အအုံတွေ ဆောက်တာကို ဟန့်တားချင်ရင် မည်သည့် ဘာသာမဆိုရဲ့ ဘာသာရေးအဆောက်အအုံဆောက်လုပ်ခွင့်တွေကို ပိတ်ပင်ခြင်းတွေကို ပြုလုပ်ပေးရပါမယ်။ သက်ဆိုင်ရာ အဏာပိုင်တွေက ဟန့်တားမှုကို ပြုလုပ်ရပါမယ် ။ တရားမျှတမှုဆိုတာကို ကျွန်တော်တို့ ကောင်းစွာအကောင်အထည်ဖေါ်သင့်ပါတယ် ။ ငါ့ကျဖြူစေ သူ့ကျ မဲစေ ဆိုသည့် အချက်ဟာ စဉ်းစားဆင်ခြင်ဥာဏ်နည်းသူများ နှင့် အတ္တကြီးသူများကသာ ပြုလုပ်ကြခြင်ြးုဖစ်တာကို မဖြစ်မနေ သတိပြုသင့်တယ်။

ဟစ်တလာဟာ လူမျိုးရေးခွဲခြားမှုတွေ လူမျိုးတုန်းသတ်ဖြတ်မှုတွေကို ကျူးလွန်ခြင်းကနေ အစ္စရေးနိုင်ငံပေါ်ထွန်းခဲ့ပါတယ်။
အားကြီးစွာ ဖိနှိပ်လေ ဖိနှိပ်ခံရသူတွေက ရုန်းကြွလေ ဆိုတဲ့ အချက်ကို လူတော်တော်များများ သတိမမေ့သင့်ပေ။
အစ္စလာမ်ဘာသာဝင်တွေဟာ မြန်မာပြည်မှာ ဟိုး လွတ်လပ်ရေးမရခင်ထဲက ရှိခဲ့သလို လွတ်လပ်ရေးတိုက်ပွဲတွေမှာလည်း အမြဲတမ်းထိပ်ဆုံးက တက်တက်ကြွကြွ ပါဝင်ခဲ့တာကို ကျွန်တော်တို့ သတိမမေ့သင့်။
လူမျိုးရေးမှိုင်း ဘာသာရေးမှိုင်းတွေ ယခုကဲ့သို့ ခေတ်မစားခင်က ကျွန်တော်တို့ဟာ ချစ်ခင်စွာနဲ့ အတူတူ နေထိုင်ခဲ့ကြတာဖြစ်ပါတယ်။

မြန်မာနိုင်ငံသားဆိုတဲ့ အလံတစ်ခုအောက်မှာ နိုင်ငံသားဖြစ်မှုအောက်မှာ ဘာသာတရားတွေဟာ အသုံးမ၀င်တော့သလို လူမျိုးရေးအမြင်ဟာလည်း အသုံးမတည့်တော့ပါဘူး။ အိမ်ရှင်ဆိုတာ မရှိတော့သလို ဧည့်သည်ဆိုတာလည်း မရှိတော့ပါဘူး။

မည်သူမျှ မပိုင်တဲ့ နိုင်ငံကို ငါ့ဟာဆိုပြီး လက်လွတ်စပယ်နဲ့ နိုင့်ထက်စီးနင်း ပြုမှု ဆက်ဆံမယ်ဆိုရင် ကမ္ဘာကလည်း သည်းခံမှာ မဟုတ်သလို ၊ လောကပါလတရားကလည်း သည်းခံမှာ မဟုတ်ပါ။
တကယ်တမ်း ဘသာရေးစစ်ပွဲသာ ဖြစ်လာခဲ့ရင် ကျွန်တော်တို့ နိုင်ငံဟာ လပိုင်းမကြာပဲ ချေမှုန်းခံလိုက်ရလို့ မြေပုံပေါ်ကပါ ပျောက်သွားနိုင်တယ်ဆိုတာကို လူမျိုးရေးမုန်းတီးမှုသမားတွေ ဘာသာရေးမုန်းတီးမှုသမားတွေ သတိချပ်နိုင်ပါစေ။





မောင်မြတ်သူ
( ဓါတ်ပုံတွေကို Eleven Media Group မှ ယူ၍ ဖေါ်ပြပါသည်)

"ဆက်ထုံးဖြူ"

  ကောင်းကင်တစ်ခြမ်းအခိုးခံလိုက်ရသည်။တစ်ခါတစ်ရံဝမ်းနည်းမှု့သည် မျက်ရည်ကျဖို့  မေ့လျှော့စေတတ်သည်။

သံပတ်မပေးဖြစ်သည်မှာကြာပြီ။ငရဲတစ်ခုကို သူမ ဖွက်၍ သယ်ဆောင်လာကြောင်း မသိချင်ယောင်ဆောင်ပေးထားလိုက်သည်။ပျော်ရွှင်ဖို့ ကအဓိကပဲမဟုတ်လား။သူမရယ်သံလေးများအား

ဓါတ်ပုံရိုက်ထားမိလားမပြောတတ်။စိတ်ဝန်းကျင်တစ်ခုလုံး အနက်ရောင်အငွေ့အသက်၊ကြည့်နေရင်း

မှန်ချပ်တို့ အက်ကြောင်းလိုက်လာသည်။



             “ငါဒီစကားကို ဘယ်ကစပြောရမှန်းမသိတော့ဘူး …..ဒါပေမယ့် မပြောလို့ လဲမဖြစ်ဘူး…”



ရင်ဝဆီဦးတည်ပျံသန်းလာသောမြှားတစ်စင်း၏ရနံကိုရလိုက်သည်။တွေးထားသလိုမတွေးပါစေနဲ့…….

တွေးထားသလိုမတွေးပါစေနဲ့…..။အရေးပေါ်ကားများဖြတ်သန်းသွားလာနေကြဆဲ…။အဆိပ်ခွက်အတွက်

အသက် ကို တ၀ရှုသွင်းလိုက်မှု့နှင့်အတူ နာကျင်မှု့များ တစ်ကိုယ်လုံး ပြည့်နှက်သွားသည်။

ကြားဖူးနေကျအသုံးအနှုံးပါပဲ။တွေ့မြင်နေကျအခြေအနေမျိုးပါပဲ။ရိုးစင်းသည်ထက်ကိုပိုမိုရိုးစင်းခဲ့တယ်။



      “ငါတို့ လမ်းခွဲရအောင်….နောက်ထပ်လည်းမတွေ့တော့ဘူးအဲ့ဒီအတွက်ငါ့မှာ

        အကြောင်းပြချက်လည်းမရှိဘူး…..”



စိုက်ပျိူးဖို့ ထက်ခုတ်လှဲဖို့ လွယ်ကူတယ်မဟုတ်လား။ကျောခိုင်းဖို့ အတွက်မျက်နှာချင်းဆိုင်လမ်းလျှောက်ခဲ့တယ်။

ဖျက်စီးဖို့ အတွက်ဖန်တီးခဲ့ခြင်းများ……..။သစ်ရွက်တွေကြားထဲ နွေဦးရာသီပါ ကြွေကျလာတယ်။အိပ်မက်တို့ 

အတန်ကြာသည်အထိ ဆွံ့အနေကြသည်။မျက်ဝန်းတစ်ဖက်မှလှိမ့်ဆင်းလာသော တောင်းပန်တိုးလျှိူးသံတို့ 

ဆို့ နင့်အက်ကွဲ သူမဘယ်တော့မှမကြားနိုင်မယ့် ပုံပြင်တစ်ပုဒ်ဖြစ်တယ်။



 ထိုအချိန်မှစ၍ နာရီတို့ ရပ်တန့် သွားသည်။မိနစ်တို့ ရပ်တန့် သွားသည်။သက္ကရာဇ် တို့ ရပ်တန့် သွားသည်။နောက်ဆုံး

တိုက်လက်စလေတို့ ပင် ရပ်တန့် သွားသည်။တစ်ဖက်သတ်ကြီးအရှုံးပေးနေတော့ကစားရတာပျင်းတာပေါ့။

သူမနှင့်ကျွန်တော်ကစားခဲ့ဖူးသော ဂိမ်းတစ်ခုဖြစ်သည်။ရှုံးတဲ့သူဟာရူးသလို ရူးတဲ့သူဟာလည်းရှုံးတာပဲ။

ပိုင်ဆိုင်ခွင့်အားလုံး နားလည်မှု့ဖြင့်လွှဲပြောင်းပေးလိုက်ပါတယ်။





                                   “မင်းသာမရှိရင်

                                     ငါတို့ ဟာနှစ်နားညီတြိဂံတစ်ခု



                                     ဖြစ်လာမှာမဟုတ်ဘူး

                                     ပြဇာတ်ထဲမှမင်းသား၏

                                     အသံကိုကြားလိုက်ရသည်

                                     ကျွန်ုပ်ကတော့

                                     ဗဟိုမရှိသော

                                     စက်ဝိုင်းတို့ ကိုသာ

                                     အထပ်ထပ်ရေးဆွဲနေမိသည်။”





 အရုပ်ကြိုးပြတ်ညနေခင်းတွေထဲတစ်ယောက်ထဲလျှောတိုက်ရွေ့လျားနေတဲ့အခါ၊

ဆောင်းအိပ်မက်တွေထဲဖုန်းမြည်သံတွေပဲကြားနေရတဲ့အခါ၊တကယ်တော့ပြီးဆုံးသွားတယ်ဆိုတာ

တစ်ခဏလေးပါပဲ။သူမလိုအပ်ချက်တွေထဲ အရံခုံမှာပဲထိုင်နေရတာများတယ်။ပျော်စရာလို့ ခေါ်ကြတဲ့

ရုပ်ငြိမ်ဇာတ်လမ်းတွေ၊pause နှိပ်ထားလိုက်ရတဲ့ အနှိမ်ခံဂီတတွေ၊လွှင့်လက်စရေဒီယိုညပိုင်းအစီအစဉ်တွေ

ပြီးပါပြီ……………….စောင့်တိုင်းလွဲခဲ့တဲ့ခရီးသွားဟန်လွှဲအချိန်တွေ….တွေ့တာနဲ့မျက်နှာလွှဲလိုက်ကြတဲ့

နှုတ်ကတိတွေ…..လှည့်ကြည့်ဖို့ မလိုအပ်တော့ဘူးလို့ တွေးသွားတဲ့ အိမ်ပြန်ချိန်တွေ…ပြတင်းပေါက်အပြင်

ဘက်မှာ ကြေကွဲခြင်းတွေ သည်းသည်းမည်းမည်းရွားနေလေရဲ့၊



      “လိုက်ခဲ့စမ်းပါ ဟာ နင်ကလည်း…….ငါ့မွေးနေ့ မှာ နင်ပါတော့ပျော်စရာကောင်းတယ်

        နို့ မို့ ဆို အားလုံးက ပါးစပ်တွေ ပိတ်နေကြမှာ … တိတ်တိတ်ဆိပ်ဆိပ်ကြီးမနေချင်ဘူး

        မပူပါနဲ့   နင့် ကိုယ်ပိုင်နံပါတ် လည်း မပါပါဘူး…..စိတ်ချ”



သူမနှင့်ပတ်သတ်ပြီး ရင်းနှီးခဲ့ရတဲ့ သူငယ်ချင်းရဲ့မွေးနေ့ ။ သူပါရင်ငါမလာဘူးနော် …ဆိုတဲ့ စကားစုကို

အားလုံးဝိုင်းရီကြတယ်။အဲ့ဒီတစ်ညလုံး သူမ ပါလာစေဖို့  ဆုတောင်းနေခဲ့တာ ဘယ်သူမှမသိလိုက်ဘူး။

တစ်ညလုံးမအိပ်ဘဲ ငါ  အိပ်မက်တွေ ထိုင်မက်နေလေရဲ့………။



ငါ့ရှုံးနိမ့်မှု့ကိုငါပြန်မကြည့်ရဲဘူး…..ဖြူ။ ကျေးဇူးပြုပြီး မျက်လုံးချင်းမဆုံလိုက်ပါနဲ့ ။

 ငါဟာသေပြီးသားလူ၊ပျက်ကျပြီးသားစွန်၊ရွာချပြီးသားမိုးတိမ်တွေပါ။

ပစ္စုပန် မှာထိုင်နေရင်း အရင်နှစ်က မွေးနေ့ပွဲဆီ ငါလိပ်စာမှားပြီးရောက်သွားတယ်။

သူမမွေးနေ့မှာ သူမဘာကြောင့်နောက်ကျနေရတာလဲ…..ကျွန်တော်မှာသူမအတွက်

မေးခွန်း တွေ များမျာားးစားမရှိခဲ့ပါဘူး။



ကိုယ့်မွေးနေ့တောင်ကိုယ်မမှတ်မိတဲ့ ငါ့လိုကောင် အတွက် ပထမဦးဆုံး ဆိုဖူးတဲ့ happy birthday

သီချင်းပါ။ကိတ်မုန့်တွေမျက်နှာကိုယ်စီမှာ ပေပွကုန်တယ်။



          “ကိတ်မုန့် ကြီးကအကြီးကြီးပဲ…….အများကြီးကျန်သေးတယ်….ဘယ်လိုလုပ်မလဲ..”



တစ်ယောက်တစ်ပေါက်ဆူညံသံတွေကြားထဲ သူမက ကျွန်တော့ကို မျက်စိတစ်ဖက် မှိတ်ပြပြီး

ဦးဆောင်တယ်။



          “ဘာမှမပြောကြနဲ့…..ငါ့မွေးနေ့ ဆိုတော့ ဒါငါ့ကိတ်မုန့် ပဲ…ဟုတ်တယ်နော် တယ်ရီ…..

            ငါပဲကုန်အောင်စားမယ်…..”





 ညနေခင်းတစ်ခုလုံး ပန်းနုရောင်တွေ ဖွေးနေခဲ့တာပဲ..။ ဘာကံကြမ္မာလဲ ……..

ချစ်သူရဲ့လက်တစ်ဖက်ကိုဆုတ်ကိုင်ထားရင် အားလုံးကို ငါအလဲထိုးနိုင်တယ်…..။



          “ငါပြောသားပဲ…..ခုတော့ရင်တွေကြပ်နေပြီမဟုတ်လား….ဒီလောက်အများကြီးကျန်တဲ့

            ကိတ်မုန့် တွေကို တစ်ယောက်တည်းစားပစ်ရတယ်လို့ ….။”



ဂရုဏာဒေါသတစ်ဖက် ၊ကြည်နူးမှု့တစ်ဖက်နှင့် နှုတ်ခမ်းတို့  ကွေးညွတ်သွားစေသည်။

ပစ္စုပန်မှာ ၀ိုင်းကြည့်နေကြတဲ့ သူငယ်ချင်းတွေ။

              

          “တယ်ရီတော့လွတ်သွားပြီထင်တယ်……ဟေ့ ….. ဟေ့ …ငါတို့ ပြောနေတဲ့အကြောင်းမှာ

ပြုံးစရာတစ်ခုမှ မပါဘူး…။



ကံဆိုးစွာပင် သူမ မျက်ဝန်းနှင့် ကျွန်တော့် တိုက်ရိုက်ဝင်တိုက်မိသွားသည်။လွှဲလိုက်တမျက်လုံးမှာ

အားငယ်မှု့တွေ ပါတယ်ဆိုတယ်ဆိုတာ နင်သိလား ဖြူ……..။ငါဟာနင့်ရှေ့မှောက်မှာ

အမြဲတမ်းရိုကျိုးနေခဲ့သူပါ။သတိလက်လွတ် အပြုံးကို သူမတော့ရိပ်မိကောင်းပါရဲ့။



ပြီးဆုံးသွားတဲ့ မွေးနေ့ပွဲရဲ့ လေးလံထိုင်မှိုင်းမှု့တွေကို အယ်ကိုဟော နဲ့ဖြိုချဖို့ အတွက်

ကျွန်တော်တစ်ယောက်တည်း ထွက်လာခဲ့တယ်…..လမ်းမီးတွေကျွန်တော့ ကိုယ်ပေါ်မှာ

လောင်ကျွမ်းနေတယ်။တွေ့ဆုံနေရပြီး လွမ်းရတာက ပိုခံရခက်တယ်….ဖြူ….။

ဘရိတ်ပေါက်သွားတဲ့ လက်ချောင်းတွေ ကီးပတ်ပေါ် ပြေးလွှားသွားတယ်….။



       “…………………………………..

        ဟယ်လို………………………………….”



ထူးသံမကြားဘဲဆိုင်းငံ့နေတဲ့ လက်ခံမှု့ကို မ၀ံမရဲ ဆက်သွယ်လိုက်တယ်။



       “နင်ဒီနေ့ပျော်ရဲ့လား………ဖြူ….”



တိတ်ဆိတ်မှု့ဟာ စက္ကန့်တွေကို ပိုမိုချောက်ခြားစေတယ်။တုံပြန်မှု့ မရှိသေးတဲ့အသံလေးကို

စောင့်မျှော်နေမိ…။သေမိန့် ကျအကျဉ်းသားကအချိန်တွေကိုစောင့်နေရသလို၊ရင်ဘတ်မှာကပ်ချည်ထားတဲ့

ချိန်ကိုက်ဗုံးတွေရဲ့ကိန်းဂဏန်းတွေကိုစောင့်နေသလို၊နေရောင်ခြည်တွေကိုစောင့်နေသလို၊ပန်းပွင့်တွေ

ပွင့်အာလာမယ့်ရက်စွဲကိုစောင့်မျှော်နေသလို၊ဒွိဟတွေရင်ထဲပတ်ပြေးနေတယ်။



       “ငါတစ်ဝက်ပဲပျော်နိုင်ခဲ့တယ်……….နင်ကော……”



တုံပြန်မှု့မှာဓါး၊လှံတွေမပါတာတော့သေချာသွားပြီ။ဒါပေမယ့်တိမ်တွေလည်း မ “ဆဲ” သေးဘူး။



        “အတူတူပါပဲ ….. ငါလည်းတစ်ဝက်တည်းပျော်နိုင်ခဲ့တယ်………

          ဒါပေမယ့် ငါတို့ နှစ်ယောက် ပြန်ခေါ်ခဲ့ရင် ပျော်ရွှင်မှု့ဟာ

           တစ်ခုဖြစ်မလာနိုင်ဘူးလား…………….”



သူမရဲ့ တိုးလျလျရယ်သံလေးမှာ စိတ်လက်တွေပေါ့ပါးသွားတယ်။ဒီရက်စွဲကို ငါ ဒိုင်ယာရီထဲ

ထည့်မှတ်ထားရလိမ့်မယ်……။



           “တယ်ရီ……အမေလာနေပြီ…..ငါဖုန်းချလိုက်တော့မယ်…..”



            “ခဏလေး……..ခဏလေး…….ဒါဆိုငါမနက်ဖြန်ဖုန်းဆက်လို့ ရမလား…..”



           “အင်း………နင် ဆက်ချင်စိတ်ရှိရင်ပေါ့…………..”



မီးလာပြီဟုဝမ်းသာအားရအော်ဟစ်ဖူးပါသလား။မုန်တိုင်းကင်းစင်သွားပြီဖြစ်ကြောင်း

မိုးလေ၀သအစီအစဉ်မှကြေငြာလိုက်သည်။(တစ်ဖက်သတ်)သူမနှင့်ကျွန်တော်

ယခုဘာတွေလဲ…..ဘယ်လိုလဲ……ဘာတွေဖြစ်လာမှာလဲ…….ဘယ်ကိုသွားမှာလဲ….။

ဘာကိုမှ ကိုယ့်ကိုယ်ကို ပြန်မမေးချင်တော့ပါ။ချစ်တယ်….ဆိုတာ တစ်ယောက်တည်းလည်း

ဖြစ်တဲ့အလုပ်ပဲမဟုတ်လား….။မနက်ဖြန်များစွာကို ကျောခိုင်းထားလိုက်တော့သည်။

မီးပျက်ချိန်ကိုမေ့လျော့ချင်ယောင်ဆောင်ထားသောကျွန်တော့ကို လူမိုက်ဟုပင်ခေါ်ဆိုစေချင်သည်။

အနာဂတ်တို့ ဆက်ရန်ရှိသေးသည်ကိုသတိမပေးပါနှင့်…..။





(အက်ဆေးရေးဖွဲ့ဟန် နှင့် ၀ထ္ထုတိုရေးဖွဲ့ဟန် ကိုပေါင်းစပ်ထားသော စမ်းသပ်မှု့ဖြစ်သည်ဟု ကျွန်တော့

ကိုယ်ကျွန်တော်ယူဆသည်။ရောက်သည် မရောက်သည်၊ဖြစ်သည် မဖြစ်သည်ကို ဝေဖန်ပေးစေလိုပါသည်။)





*တယ်ရီ

14.3.2013

113pm

ဖန်တီးချိန်-၁၉နာရီ

'အပြောင်းအလဲ'

အပြောင်းအလဲတွေကြောင့်လား မသိဘူး
အခုတလော နှာစေးချောင်းဆိုး ဖြစ်တာ များနေတယ်
ရာသီဥတုအပြောင်းအလဲလား - နိုင်ငံရေးအပြောင်းအလဲလား - အတွေးအခေါ်အပြောင်းအလဲလား
စိတ်ဓါတ်အပြောင်းအလဲ ဆိုလည်း ခင်ဗျား သဘောပေါ့
ကျွန်တော်တို့ဟာ ပြောင်းလဲမှု ဆိုတဲ့ အရာကို ဖင်ခုထိုင်နေကြ
(ဖင်ဟာ အငြိမ်နေလို့ မရတဲ့ အပြောင်းအလဲပေါ့)
လူနေတိုက်ကြား စိတ်နေဆိုက်ကားပေါ် လို့ ဆိုရမလို
အပြောင် အလည် သွားနေတုန်းမှာ
အပြောင်းအလဲဟာ ဖြစ်ပေါ်လာပြန်တယ်
ဒီမိုကရေစီ ချည်နီနီလေးတွေ ပတ်ထားတဲ့
သင့်ရဲ့ မန်းကြိုးလေး ဘုန်းကံမနိမ့်ရေးအတွက်
ဟိုတန်း ဒီတန်း ရှောင်ပြီး ထိန်းသိမ်းတဲ့ ကျေးတောသူလေးလို
ရိုးသားပြနေကြ ၊ ချီးကျူးပြနေကြ ၊ ကဲ့ရဲ့ပြနေကြ
ချီးမွမ်း ခုနှစ်ရက် (ပြီးတော့) ကဲ့ရဲ့ ခုနှစ်ရက်
မသာဆိုတာ ခုနှစ်ရက်ပြီးရင် ပြီးပီ မဟုတ်လား
အဲဒီတော့ သေတဲ့သူတွေကို ချက်ချင်းမေ့ကုန်ကြ။
ဟိုး အရင် အဘိုးတို့ အဖေတို့ ခေတ်တုန်းကတော့
လက်ညှိုးထိုးမလွဲတဲ့
သစ်တောကြီးတွေ ၊ တောင်တန်းကြီးတွေ ၊ ရေနံတွင်းကြီးတွေ
ဟိုး လို့ အော်တားနေရတဲ့ ငါတို့ အိပ်မက်ထဲမှာတော့
သွားကြားထိုးတံတွေ ၊ ချိုင့်ဝှမ်းတွေ ၊ ဖယောင်းတိုင်လေးတွေ
အပြောင် အလည်တွေ စွတ်သွားနေတုန်းမှာ
အပြောင်းအလဲ ကို ကိုင်ကြည့်ကြတာပေါ့
ခိုးလိုး-ခုလု ကြီး တဆန့်ဆန့်ဖြစ်ကျန်ခဲ့ရအောင်
စာတတ်သူ-မတတ်သူ-လုပ်သင့်-မလုပ်သင့်-ပုဒ်ထီး-ပုဒ်မ
လိုင်းတွေဟာ မျက်ခုံးပင့်လောက်အောင်  ရှုတ်ရှက်ခက်ကုန်။
ဒီလိုနဲ့
အပြောင်းအလဲဟာ တိတ်တိတ်လေး မျက်စပစ်ပြတယ်
ဒီအရွေ့ဟာ ဘာညာ မဲဆွယ်ပွဲတုန်းကကြားလိုက်ရတယ်
နောက်ပြန်မလှည့်နဲ့တဲ့ အရက်သမားကပြောတယ်
ဘကြီးတော်မင်းတရားလက်ထက်မှာ ဘာညာပြောနေသံဟာ ရေဒီယိုကထွက်လာ
ဒီနိုင်ငံတော်ကြီးဟာ တစုတစည်းထဲ တိုက်ယူခဲ့ရတာပါတဲ့
ဒီအသံ ကြားတုန်း တီဗီပိတ်လိုက်သလို
မီးလည်း ပျက်သွားတယ်
ဘယ်ခွေးမှ လူမထင်ဘူးဆိုတဲ့ အရက်သမား လမ်းထဲ ၀င်လာတုန်း
ခွေးကို လူမထင်ပဲ ငါအိပ်လိုက်ပါပေါ့။


မောင်မြတ်သူ

@ သို့... ပစ္စုပန် မှ... အနာဂတ် @

ဘာကြီးလဲ
မနက်အိပ်ယာထ မျက်နှာသစ် ညအိပ်ယာဝင်ခြေထောက်ဆေး နဲ့
ဟိုနေရာမှာ စစ်ဖြစ်နေတယ် ဟိုနေရာမှာ စေ့စပ်ညှိနှိုင်းနေတယ်..
ဆိုသူကဆို ငိုသူကငို ပျော်သူကပျော် အော်သူကအော်
ငါတို့ နေနေကြတာ နေမပူဘူးလား ၊
ကိုယ့်အရိပ်ကိုဆုပ်ဖြဲပစ်ပါ ။

မင်းလဲလူပဲ သားကြီးရာ လက်ဘက်ရည်ဖိုးပိုက်ဆံတတ်နိုင်ရင်
လ ကမ္ဘာကို အချိန်ပိုင်းတက်သိမ်းလို့ရတယ်...တစ်ခုခုဆို ဆုတောင်းလိုက်ပေါ့ ။

ငါတို့ဟာ ငါတို့ ကဗျာတွေလိုပဲ ဘယ်တံဆိပ် ရိုက်နှိပ်ရမှန်းမှမသိတာ
နှာခေါင်းကထွက်တဲ့ နှပ်ချေးဖတ်နဲ့ အိုဇုန်းလွှာလဲတက်မဖာနိုင် ။

သွေးပြန်ကြော  တချို့ အေးခဲကုန်ပြီ သူငယ်ချင်း ။

မင်းမသိလိုက်ဖူးမဟုတ်လား
ဟိုတစ်နေ့က မိုးလေ၀သ သတင်းထဲမှာ ဇတ်လမ်းဆုံးသွားတဲ့အမှတ်အသားတစ်ခုအကြောင်း
အတိုချုံးပြောရရင် ငါ့အသက် ၂၉ နှစ် ပြည့်တော့မယ်သူငယ်ချင်း မင်းလဲသေးသေးလေးမှ
မဟုတ်တော့တာ ပြက္ခဒိန်ကိုင်ပြီး တက်စရာရှိတက် ဆင်းစရာရှိဆင်းကြယုံပေါ့ ။

နောက်ကကျော်တက်သွားတာက မင်းမသိသေးတဲ့ မနက်ဖြန်တွေပဲဖြစ်ပါလိမ့်မယ်
ဘာစိတ်ပူနေစရာလိုလဲ သူငယ်ချင်းရယ် ငိုစရာတွေ့ ငို ပျော်စရာတွေ့ပျော်
၀၀ လင်လင်အိပ်မက်မက်ကြတာပေါ့ ။

အနည်းဆုံးတော့ တံခါးပိတ်တတ်မှာပါ...
ခင်ဗျားအတွက်အဆင်သင့်ဖြစ်နေပါပြီ ဘာညာပေါ့ ။

ပြီးတော့လဲ လူပျောက်ကြော်ငြာထဲကလူလို ရောက်ရာအရပ်ကပြန်လာ
တကယ်တော့အစကတည်းက မလိုတမာ စကားပြောမဲ့အစား အသက်ကို
အပ်ချည်ကြိုးနဲ့ဆွဲချုပ်လိုက်ရမှာ။

လူပြောသူပြောများတဲ့ တချို့ ကိစ္စတွေကဘာမှမဟုတ်ဘူးသူငယ်ချင်း ။

အရင်လိုပဲအချိန်တွေက အပြောင်းအလဲမြန်တုန်းပဲ... ခုဆိုငါတို့ကမ္ဘာကြီးက
အရင်ထက်ပိုပူလာပြီ ...မင်းမေ့နေလို့ဖြစ်မှာပါ သေသွားတဲ့ ငါတို့သူငယ်ချင်းလဲ
ရေကူးတတ်တယ်ဆိုတာ ။

လူတိုင်းလူတိုင်း တစ်ယောက်ပါးစပ်ပေါက်ထဲတစ်ယောက်ဝင်ရောက်ပျောက်ကွယ်သွားပုံ
မြွေလည်းမကြောက် ကင်းလည်းမကြောက် ကိုယ့်ပေါင်ကိုလှန်ထောင်းပြီး
အသက်ကိုလုရှင်ကြရတယ်...ဘာကြီးလဲ မနက်အိပ်ယာထ မျက်နှာသစ်
ညအိပ်ယာဝင်ခြေထောက်ဆေးနဲ့ ... ။    ။

                                                                  ဒီလူ(တောင်တွင်းကြီး)

လတ်ဆတ်သစ်သီးများ (မောင်ဖီလာ)

ငါ့မျက်လုံးထဲကြယ်တွေ အရင်လို အကူးအခတ်မလုပ်တော့
ငါ့အကြေးခွံကလဲ အရင်လို အရောင်တဖျတ်ဖျတ် မလက်တော့
အသက်အရွယ်အရ ငါဟာ လူငယ်
အတွေ့အကြုံအရ ငါဟာ အိုမင်းရင့်ရော်လာသူ
ငါ့အသံဟာ အရင်လို
ကျောက်ဆောင်ကို ထစ်ချုန်းဆောင့်ခွဲနိုင်ဦးမလား
ဟိုးတုန်းက ငါတို့ရဲ့ လွတ်လပ်ပေါ့ပါးသော ပျော်ရွှင်မှု
စက္ကူလေတံခွန်လေးလို အခုပြန်ပြီး ရစ်ယူချင်မိတယ်
ငါဟာ ဂျင်းဘောင်းဘီနဲ့
နားကွင်းတစ်ဖက်နဲ့
ဖိလစ်ပိုင်မကလေးလက်ကိုဆွဲလို့
မိုးရွာထဲ လမ်းမတွေပေါ် လျှောက်ပြေးခဲ့ကြတာ သတိရမိတယ်
အဲဒီတုန်းက သက်တံဟာ ငါတို့အရောင်နဲ့
အကြောက်အလန့်မရှိတာ ကြောက်စရာကောင်းမှန်း ငါတို့မသိခဲ့
ငါတို့ရိုးသားခဲ့ကြတာ ငါတို့မသိခဲ့
ငါတို့အတွေ့အကြုံဟာ ငါတို့ဥစ္စာဓနမှန်း ငါတို့မသိခဲ့
ငါတို့ဘွတ်ဖိနပ်တွေဟာ ပေါက်ပြဲလို့
ဒါပေမယ့် ပင်လယ်တစ်ခုလုံးရဲ့ အလှပဆုံးအစိတ်အပိုင်းဟာ
ကမ်းခြေလို့ ငါတို့သိခဲ့တယ်
ငါတို့ရယ်သံဟာ စကြ၀ဠာနံရံကိုသွားမှန်ပြီး
နွားနို့ပူပူတွေအဖြစ် စီးဆင်းလာကြတယ်
ညနေ(၆)နာရီ
ငါတို့ဟာ ဘတ်စ်မှတ်တိုင်မှာရပ်လို့
ဆည်းဆာဟာ ငါတို့ရဲ့အရွယ်ကိုငေးမောလို့  ။     ။

(Beauty Magazine – ၂၀၀၄)

(ကျီးကန်းနဲ့ ဘိုဟီးမီးယန်းများ – မောင်ဖီလာ၊ ကျော်မွှေးစာပေ၊ ၂၀၀၉။)

ငြိမ်းချမ်းရေး ဆိုသည်အရာ တွေ့လို့ ကလစ်ကြည့်လိုက် မိတယ်

•          ငြိမ်းချမ်းရေး ဆိုသည်အရာ တွေ့လို့ ကလစ်ကြည့်လိုက် မိတယ်

INTERNATIONAL PEACE DAY (Sept 21)   --    Click ... Click (နှစ်ချက် တိတိ ကလစ်)

1st Click---= စစ်ပွဲ+ဆာလောင်မှု+ရမ္မက်+ဒေါသ+အာဏာ+ကုန်ဈေးနှုန်း+
                     ဘာသာတရား(အစွန်းရောက်မှု)+အထွေထွေလူမှုဘ၀+..........။



2nd Click---=စာပေရေးရာ+ ပုံစံပြောင်းအုပ်ချုပ်ရေးစနစ် +  ပထ၀ီဝင်အနေအထား+
                    စိုးရိမ်စဖွယ်မြို့ကြီးများ-(မန္တလေး/မူဆယ်) + မြေသိမ်းတိုက်ပွဲ+
                    အဖွဲ့အစည်းမှတ်ပုံတင်ရေးဥပဒေ +လူကုန်ကူးမှု ဥပဒေ + အိမ်နီးချင်းဧ။် မယားလောင်းလေးများ +
                    ပြည်ပရောက်များ ပြန်လာခြင်း +
                    ရုပ်ရှင်ကားတစ်ကားကြောင့် ဖြစ်ပေါ်လာသော လူသတ်မှတ်တမ်း +
                    ဘင်လာဒင် အမှတ်တရများစွာ +......။


ရပ်လိုက်တယ်။
မရပ်မနား ကျ လာတဲ့            
                                 အသွေးအသားတွေ ၊ လူမှု ဘ၀တွေ ၊ ကလေးသူငယ်တွေ ၊ ပညာရေးစနစ်တွေ
အော်သံတွေ ဆူလျက်။

                             ပြည်တွင်းအစီအစဉ်ကော ပြည်ပအစီအစဉ်ပါ လှလျက်ပလျက် ပန်းပန်လျက်။

• မောင်မြတ်သူ

မှတ်တိုင်

• မှတ်တိုင်

တက်စီးဖို့ ရည်ရွယ်ချက်တွေနဲ့ အကြမ်းဖက် ခံနေရတဲ့ မှတ်တိုင်
မှာ
လူအများ ရပ်စောင့်နေကြတယ်
မှတ်တိုင် ဆိုတာ တစ်ယောက်ဆင်း တစ်ယောက်တတ်သတဲ့
မှတ်တိုင်ဆိုတာ တန်းတွေ စီထားရဲ့
မှတ်တိုင် ကို တက်စီးဖို့ ရည်ရွယ်ချက်တွေနဲ့ လူများကို မှတ်တိုင်က

ကွမ်းတံတွေး တပျစ်ပျစ်နဲ့ ကျော်တယ် ခွတယ် ဆိုတာက မှတ်တိုင်
ခွက်ကျော်နှိုက် လက်ကုန် ရိုက်တာကလည်း မှတ်တိုင်
ခါးတွေ ရှိသတဲ့ ၊ဓါးတွေ ရှိသတဲ့၊ကလေးတွေ ရှိသတဲ့ ၊ သတင်းတွေ ရှိသတဲ့
ရေပူရင် သောက်ဖို့ ရေခဲရေ ရှိသတဲ့
လူတစ်ယောက်ချင်းဆီရဲ့ မြေနီကုန်း-မဟာမြိုင်မှစ လှည်းတန်း-ဘူတာရုံမှသည် သမိုင်း (မှတ်တိုင်)
ဒီလိုနဲ့ မှတ်တိုင်ဟာ မောင်းပြေးသတဲ့၊ မှတ်တိုင်ဟာ လူပိုတွေ တင်သတဲ့ ၊
မှတ်တိုင်ဟာ စည်းကမ်းချိုးဖေါက်သတဲ့
မှတ်တိုင် ဆိုတာ တစ်ယောက်ဆင်း တစ်ယောက်တတ်သတဲ့
မှတ်တိုင်တွေက နောက်ပြန်သွားနေကြ
မှတ်တိုင်တွေက တည့်တည့်တိုးနေကြ
မှတ်တိုင်တွေဟာ သူတလူ ငါတမင်းနဲ့
မှတ်တိုင်တွေက စီးနင်းနေတဲ့ မိဘ ပြည်သူ တွေကို သားသမီးတွေလို သဘောထားသတဲ့ (ရယ်စရာမှတ်တိုင်)
တချို့သော မှတ်တိုင်တွေဟာ ပြောင်းလဲ ကုန်တယ်
တချို့သော မှတ်တိုင်တွေကတော့ ဒုံရင်းက ဒုံရင်း
အပြောင်းအလဲဟာ အနည်းငယ် မျက်စီစပ်စရာ
ပြေးသာလိုက် တဲ့
ဒါလည်း မှတ်တိုင်
သေသွားတော့လည်း နာမည်ရေး
ကျန်ချင်တာ ကျန်ခဲ့တာက မှတ်တိုင်။

• မောင်မြတ်သူ

နားကိုက်ရောဂါထဲက ရင်ဘတ်နာဝေဒနာ

နောက်ကွယ်ကအတင်းအဖျင်းတွေက
ထော်လော်ကန့်လန့်ကြီးကျွန်တော့်နားထဲကို
ခုန်ခုန်ဝင်လာတာ မမိုက်ဘူးဗျာ..။

စိတ်ကြီး ခုခုသွားတယ်.. ။

ကျွန်တော့်ခံစားချက်ကို ကျွန်တော်
ပြန်ကောက်ကောက် .. ကိုင်ပေါက်ပေါက်ပေါ့
ကျွန်တော့် မှာလဲ ပုတုဇဉ် ဗို့အားအပြည့်ရှိတာပဲ ။

ကျွန်တော့် စိတ်ဓါတ်ထဲ ခင်ဗျားသေချာပျော်ဝင်ကြည့်ပါ ..
ကျွန်တော့် ကဗျာဟာ ကျွန်တော်ပဲ..။
ကျွန်တော့်နေထိုင်မူဟာ ကဗျာ ပဲ ။

ခင်ဗျားလဲသိမှာပါ " ၀ " မရှိတဲ့ " ၀ိ "တွေကို...၊

သဒ္ဒါအဟောင်းအနွမ်းတွေနဲ့ ကျွန်တော့် ခေါင်းကို
ပစ်ပစ်ပေါက်တာတော့....မမိုက်ဘူးဗျာ..။
ကျွန်တော်အခါခါ ပြောဖူးသလိုပေါ့
" ကဗျာဆိုတာ စာတတ်တိုင်းဖတ်လို့မရဘူး" ဆိုတာ

စာလုံးပေါင်းတတ်ပြီး ကဗျာမဖတ်တတ်တဲ့ ခင်ဗျားက "ပညာတတ်ကြီး"ပေါ့
တစ်ချို့က ကျွန်တော့် ၀ါကျတွေစားပြီးပြန်အန်ထုတ်တယ်...
ခုများတော့ ဆရာကြီးအထာတွေနဲ့..။

လောလောဆယ် ကျွန်တော့် အရေပြားတွေ အယားမပြေသေးသရွှေ့
တရားမရချင်သေးဘူး..။
ပုတုဇဉ်ပီသချင်သေးတယ်..။
စကားလုံးတွေနဲ့ လေတိုက်ချင်သေးတယ်..။
ဘယ်သူကြိုက်ကြိုက် မကြိုက်ကြိုက် ..။     ။

                                              ဒီလူ(တောင်တွင်းကြီး)

"သူမဟာငါ့ရှုံးနိမ့်မှု့ရဲ့ပထမဦးဆုံးသင်္ကေတဖြစ်တယ်"

တိတ်ဆိပ်မှု့အမှတ်(၁)အားနားကြပ်တပ်လိုက်သည်။

သွေးလွန်ထားသောလူမမာတစ်ဦးဖြစ်ကြောင်းမေ့လျော့နေခဲ့သည်။

တံခါးတစ်ခုရှေ့တွင်ရပ်နေမိသည်။သံမဏိနှင့်ပြုလုပ်ထားသောတံခါးတစ်ချပ်ဖြစ်သည်။

သစ်သားဖြင့်ပြုလုပ်ထားသောတံခါးတစ်ချပ်ဖြစ်သည်။မီးတောက်တစ်ခက်ဖြစ်သလို

နှင်းပန်းတစ်ပွင့်လည်းဖြစ်သည်။တံခါးသည်အပူချိန်မည်မျှထိခံနိုင်ရည်ရှိသနည်း။

တံခါးအားမည်သည့်အတွက်ကြောင့်တပ်ဆင်ထားသနည်း။

တံခါး၏အခြားတစ်ဖက်တွင်မည်သည့်အရာများရှိနေနိုင်သနည်း။

တံခါးတွင်ပြတင်းတစ်ခုရှိနိုင်သလား။တံခါးသည်ကျွန်တော့အားရီနေမည်လားမသိ။

တံခါးအားဖွင့်ဖို့ မကြိုးစားမိသည့်ကျွန်တော့်ကိုယ်ကျွန်တော်နားမလည်နိုင်သေးပေ။

လေတိုက်၍ကုန်သွားတော့မည့်ဆေးလိပ်ကိုထိုးချေလိုက်မိသည်။

ညနေခင်းလေးအားအိပ်မက်ထဲထည့်ကာသိမ်းဆည်းထားချင်မိသည်အထိ

စွဲလမ်းမိနေပြီ။



 “အနာဂတ်ကိုမှတ်စုထဲကူးထားဖို့ 

   မမှီလိုက်ဘူး…………………..

   ဒီလိုနဲ့နောက်တစ်ရက်

   ခေါင်းအုံးအောက်ကကြယ်တစ်လုံးကောက်ရခဲ့တယ်။”



ကမ္ဘာဦးကူးစက်ရောဂါဟုပင်ခေါ်ဆိုပါ။ကြိုးတန်းမှချော်ကျလာသောနံနက်ခင်းတွင်

တိမ်တိုက်တို့ မနိုးသေးပေ။သစ်ရွက်တို့ လှုပ်ခပ်သွားရုံလေတိုက်နှုန်းဖြစ်သည်။

ဧည့်သည်မရှိသောဧည့်ခံပွဲတစ်ခုဖြစ်သည်။သမရိုးကျပေါ့ဆိမ့်တစ်ခွက်သာဖြစ်သည်။

ကွန်ယက်အတွင်းမှမျက်ဝန်းလေးသည်ကျွန်တော့ရှုးသွပ်မှု့၏သွေးခုန်နှုန်းပြ

ဇယားကွက်တစ်ခုဖြစ်သည်မှာသေချာသွားပြီ။သို့ သော်သူမအတွက်တော့

ကျွန်တော်သည်သာမန်လူတန်းစားမျှသာဖြစ်သည်။ရေတစ်ခွက်လောက်တိုက်ပါ…

မျက်ဝန်း…။မင်းဟာငါလိုအကြမ်းဖက်သမားတစ်ဦးအတွက်ပထမဦးဆုံးအနုပညာ

ဖြစ်တယ်။ပြီးတော့ မင်းမသိတဲ့ မင်းရဲ့ပရိသတ်တစ်ဦးလည်းဖြစ်တယ်။

တကူးတကမဟုတ်ဘူးဆိုရင်ငါ့ရင်ဘတ်ကိုနှလုံးခုံစက်နဲ့ဖိထားပေးပါ။

ငါ့ပုခုံးပေါ်မှာမှီထားမယ့်မင်းဆံပင်လေးတွေကိုမြတ်နိုးမှု့အကြောင်းကို

သီဆိုပြချင်လို့ ပါ။

                    

  “မပြောဖူးသေးတဲ့လိပ်ပြာ

   မကြားဖူးသေးတဲ့ဂီတ

   မကြည့်ဖူးသေးတဲ့ညနေနဲ့

   မထိုင်ဖူးသေးတဲ့ကြယ်တွေ

   သံစဉ်တွေကအစရစ်မူးဖွယ်ရာကောင်းလွန်း”



မင်းဟာပန်းပွင့်တွေကိုနှစ်သက်မယ့်သူလား……………………………….

မင်းဟာပန်းပွင့်တွေကိုနှိပ်စက်မယ့်သူလား…………ငါမသိဘူး။

ငါ့ကိုဟင်းလင်းပြင်တစ်ခုလိုသာပြုံးပြပါ။ငါ့ကိုယ်ငါလက်ဆောင်အဖြစ်

ပို့ ပေးလိုက်မယ်။ငါ့ဆီ လာလည်ပါ။မယုံကြည်ဘူးဆိုရင်တောင်မှ

ငါ့ဆီလာလည်ပါ။မသင်္ကာတဲ့မျက်လုံးတွေနဲ့ဖြစ်ဖြစ်ငါ့ဆီလာလည်ပါ။

တစ်စုံတစ်ယောက်ရဲ့ဒဏ်ရာဟာတစ်စုံတစ်ယောက်မှာရီစရာ

ဖြစ်နေမယ်လို့ ယုံကြည်ရင်လည်းအကောင်းစားဟာသတစ်ပုဒ်လို့ 

တွေးပြီး ငါ့ဆီ………………………………………လာလည်ပါ။

မိုးတွေရွာနေတဲ့ပန်းချီကားတစ်ချပ်ကိုတော့မင်းမျက်ဝန်းထဲ

မဆွဲရက်ခဲ့သူမို့ …..မပြောပါရစေနဲ့……….ငါ့ကိုယုံပါ။

တကယ်တော့မင်းဟာငါ့ရဲ့ရက်စွဲမတပ်ရသေးတဲ့သေမိန့်တစ်ခုသာဖြစ်တယ်။

                    

 “ဘယ်တော့မှအဖြေမရှိတဲ့

   မေးခွန်းမျိုးနဲ့

   ငါ့ကိုယ်ငါပြန်ပြီးလုပ်ကြံမယ်

   ကြေကွဲခြင်းကိုပျိုးဖို့ 

   ဘယ်လိုသတ္တိမျိုးလိုအပ်သလဲ”။





*တယ်ရီ

15.1.2013

0200am

"သူ့အကြောင်းကိုကမ္ဘာတောင်ဘာမှမသိလိုက်ဘူး"

သူ့ငယ်ရွယ်စဉ်ဟာသတင်းစာမရောင်းခဲ့ရဘူး

ဖိနပ်အကောင်းစား၊အင်္ကျီအကောင်းစား၊ဘ၀အကောင်းစား             

ထပ်ခိုးပေါ်ကတစ်ခါပြုတ်ကျဖူးတယ်

ဒီအဖြစ်အပျက်တွေအားလုံးဟာအိပ်မက်ကနေစတာ

ဒီလိုနဲ့မနက်မိုးလင်းသွားတယ်ဆိုပါတော့

သူမရှိတော့ဘူး…………….သူမရှိတော့ဘူးလို့ 

အိမ်နီးနားချင်းတွေပြောပြချက်အရ

မနေ့ညကကြယ်တွေတော်တော်ကြွေတယ်

ပြီးလည်းပြီးရောဥက္ကာခဲတစ်လုံးပြုတ်ကျလာတာပဲ

ခုချိန်ထိစကားမေးမရသေးဘူး

“သူ့ကိုမွေးပြီးပြီးချင်းအသက်၂၀ပြည့်တယ်”

“ပန်းချီကားတွေဟာသူနဲ့တစ်ညလုံးစကားထိုင်ပြောလေ့ရှိတယ်”

“သူဟာအနုစိတ်ရူးသွပ်နေတဲ့မှတ်စုတစ်အုပ်ပဲ”

သူဟာသူ့ကိုယ်သူပင့်ကူအိမ်တစ်ခုလို့ခံယူထားတယ်

သူဟာသူ့ကိုယ်သူငိုကြွေးလို့ မရတဲ့လူရွှင်တော်

သူဟာသူ့ကိုယ်သူရေတွက်လို့ မရတဲ့အကြွေစေ့

သူ့ရယ်သံတွေဟာကျိန်စာပဲ

မြင်ကွင်းဟာခုံးသွားလိုက်ခွက်လာလိုက်

လမ်းဆိုတာကိုယ်လျှောက်ခဲ့တဲ့အတိုင်းပဲကျန်ခဲ့မှာ

သူရွတ်ပြနေကျကဗျာ

ခုတလောသူချောင်းဆိုးတာစိတ်လာတယ်

သူ့ရင်ဘတ်ကိုဖြတ်လိုက်ရတော့မယ်တဲ့

အဲ့ဒီနောက်ပြန်ပွင့်လာတဲ့နေဟာအေးစက်နေသလို

အဲ့ဒီနောက်ဘယ်တောအုပ်မှာမှငှက်သံမကြားရတော့သလို

အဲ့ဒီနောက်ပြန်သေသွားတဲ့ပင်လယ်ဟာငြိမ်သက်လို့ ။



*တယ်ရီ

1.2.2013

1052pm

"အိပ်မွေ့မိနေတဲ့ထောင်ချောက်"

နံပါတ်ပြားကိုဘယ်သူမှတ်မိလိုက်သလဲ
ငှက်အုပ်ထဲနံနက်ခင်းပြုတ်ကျလာတယ်
ဓါတ်ကြိုးမှာတွဲလောင်းကျနေတဲ့အနံ့အသက်
အနံ့အသက်ဟာဇီဝဖြစ်တည်မှု့
အနံ့အသက်ဟာကွင်းဆက်လူသတ်သမား
အနံ့အသက်ဟာဗီဇမြှင့်တင်ထားတဲ့အင်းဆက်
အနံ့အသက်ဟာရွှေကုတင်ပေါ်ကတွေးခေါ်သူရုပ်တု
moon တည့်ချိန် နိုးလာမယ့် မြို့တွေရှိတယ်
ဖန်ခွက်ထဲဆံပင်အကြေတွေဖောက်ထည့်
အဖျားဘယ်နှဒီဂရီလောက်ရောက်ခဲ့ဖူးလဲ
နောက်ကျခဲ့တာကိုကကံကောင်းခြင်းပဲဆိုတာမျိုး
နည်းပညာအသစ်        လူနေမှု့အသစ်
ကြောက်ရွံ့မှု့အသစ်      မလုံခြုံမှု့အသစ်
ရေမွှေးနံ့နောက်ရေတံခွန်တွေတရွတ်တိုက်ပါလာတယ်
အသားထဲမြုပ်နေတဲ့ဝါယာကြိုးအစအနတွေ
ဆက်ရွေ့ဖို့ ဗို့အားဘယ်လောက်လိုမလဲ
လူတစ်ယောက်ကိုနားလည်ပါတယ်လို့ ဘယ်တော့မှမပြောနဲ့
ပြတ်ထွက်လာတဲ့ဂြိုလ်စဟာသူဆီကိုမှရွေးပြီးလာတဲ့အကြောင်း
ရှေ့တည့်တည့်ကနံရံကိုရုပ်ရှင်ပိတ်ကားတစ်ခုလိုဈာန်ဝင်စားရင်း
ကျွန်တော်မရှိတော့ဘူး၊ခင်ဗျားမရှိတော့ဘူး ပြီးတော့ သူတို့ လည်းမရှိတော့ဘူး။
*တယ်ရီ
၁၄.၂.၂၀၁၃
100 pm

"ငါကြည့်နေတုံး မြိ့က ပိုပိုအို"

• ငါကြည့်နေတုံး မြိ့က ပိုပိုအို

အမှတ်မှားစရာ ကွဲပြားမှုတွေနဲ့ ကြီးပြင်းလာရင်း
မြို့ပြရဲ့ အသံတိတ် ပျက်စီးမှုမှာ အသားကျပေါ့
ငါကြည့်နေတဲ့ လမ်းမ ယိုယွင်းမှုတွေအတိ
အဲဒီ လမ်းမပေါ်ကို စီးနင်းလိုက်ပါနေတဲ့
လူတွေ လမ်းတွေ လမ်းတွေပေါ်ကလူတွေ
ဂွမ်ဒေါင်းတွေ ဆိုက်ကားတွေ မော်တော်ကားတွေ
အသက်မဲ့နေတဲ့ ဆက်သွယ်မှုတွေနဲ့ အတူ
အသက်ရှိနေတဲ့ အမုန်းတရားတွေ
ဝိ၀ါဒတွေ အဘိဓမ္မာတွေ
အရောင်စိုးခံထားရတဲ့ ကော်ဖီခွက် အပါအ၀င်
လတ်တလော
နွေဦးရဲ့ အညီအဟောက် ကင်းစင်နေတဲ့
လိင်မှုရေးရာ အရှုပ်တော်ပုံ အကြောင်းကော
21 ရက်ကို ကျော်လွန်လာတဲ့
ဒီဇင်ဘာ သားသတ်ခန်း အကြောင်းကော
ဖတ်လိုက်ရတဲ့ သတင်းစာရဲ့
ဂြိုဟ်သားတွေနဲ့ ဆက်သွယ်မှု အကြောင်းကော
မြိှု့ပြရဲ့ အသံတိတ်ပျက်စီးမှုကို
မေ့လျော့စေနေတယ်။
ငါကြည့်နေတုန်းပဲ သမိုင်းတွေ သစ်လာတယ်
ကဗျာတွေ သစ်လာတယ်
ရေပေါ်က လှေတွေ သစ်လာတယ်
ငှက်တွေ သစ်လာတယ်
လူတွေ သစ်လာတယ်
နှင်းတွေကို သစ်ပင်တွေက ကိုက်လာတယ်
ဆင်ခြင်တုံတရားကို ယဉ်ကျေးမှုက ကိုက်လာတယ်
တယ်လီဖုန်းကို ဈေးကွက်စီးပွားရေးစနစ်က ကိုက်လာတယ်
ပြိုပျက်ကျလာတဲ့ မြို့ပြရဲ့
သတိမထားမိတဲ့ တစ်စိတ်တစ်ပိုင်းမှာ
ချဲထိုးနေတဲ့ အဒေါ်ကြီးရဲ့ ကဗျာတွေ
ဟောင်းနွမ်းလှတဲ့ အရေးအသားပေါ်
မျှော်လင့်ရင်း
ငါဟာလည်း မြို့ပြရဲ့ ပျက်စီးမှုကို
စီးကရက် တစ်လိပ်နဲ့
အသာငမ်းငမ်း အရသာခံနေပေါ့
ထားဝယ်က ရေနက်နေတဲ့ ဆိပ်ကမ်းပေါ်
ရေခပ်နေတဲ့ လုံမတွေ
အပြေးအလွှားပစ်ခတ်နေတဲ့
ဒီမိုကရေစီ ကျည်ဆန်တွေ
ငါမေ့လျော့နေတဲ့
သူမရဲ့ ပင်တီ နီနီလေး
မြို့ပြရဲ့ ခွဲစိတ်ခန်းထဲမှာ
မြို့ပြကို ခွဲစိတ်ခဲ့တဲ့ ည
အဲဒီ ပေါ့စိမ့်တွေ အဲဒီ ၀ီစကီတွေ
အဲဒီ လမ်းဘေးထမင်းကြော်တွေ
အဲဒီ ညဥ့်ငှက်မလေးတွေ
နောက်ပြီးတော့ သူမ
ပြီးတော့ငါ
ငါတို့ စီးနင်းခဲ့တဲ့
ကာဘွန်ဒိုင်အောက်ဆိုဒ်မှာ
ပြိုပျက်ခါစ မြို့ပြ
တစ်ယောက်နဲ့ တစ်ယောက် အပြစ်ဖို့တဲ့
လူသားတွေ အဖြစ်နဲ့ငါတို့


ငါတို့ ရောက်နေတာက
လူနည်းစု အခွင့်အရေးနဲ့
လူမျိုးရေးပေါ် အခြေခံတဲ့
လူမှု လိင်မှု ငွေငွေ့
ဘ၀တွေအတွက် ချနင်းခံ ဘ၀တွေရဲ့
နယ်ပယ်သစ်
လွတ်လပ်စွာ ကြီးပြင်းခဲ့ရတဲ့ အတိုင်းအတာမှာ
ခုတ်မောင်းခံခဲ့ရတဲ့
ကာလအပိုင်းအခြားအလိုက်
ငါတို့ဟာ လွတ်လပ်နေတဲ့
သဘာဝ ပါဝန်းကျင် ထိန်းသိမ်းရေး ကျွန်တစ်စု
ဘိုးဘေးတွေရဲ့ အမွေတွေ
ပြီးတော့ ပြည်သူတွေရဲ့ အသက်အိုးအိမ်စည်းစိမ်
ကောက်ချက်ချ ကျွမ်းတဲ့
တစ်ဖက်ရပ် အင်တာနက်ခေတ်ကြီးမှာ
ဘ၀မဲ့ ယဉ်ကျေးမှုကို လွမ်းနေတဲ့
နည်းပညာ ကျောင်းသားလေး
သူ့ရဲ့ ပေါက်တီးပေါက်ရှာ တစ်ပတ်ရစ် ကွန်ပျူတာလေးနဲ့
တစ်ပတ်ရင် မိုဘိုင်းဖုန်းလေးနဲ့
တစ်ပတ်ရစ် ပိုက်ဆံအိတ်လေးဟာ
မြို့ပြကို တစ်ပတ်ရစ် အသုံးခံမှာလား
နည်းပညာနဲ့ အနုပညာဟာ မြို့ပြကို ပျိုမြစ်ခြင်းရှိစေလား?
ထိုင်နေရင်း ငါတို့ ရောက်နေတာက
အလုပ်အကိုင် ရှားပါးလာတဲ့ခေတ်
မိဘကို လုပ်ကျွေးဖို့
မိဘအိမ်မှာ မီးပွားရှာနေရ
အဲဒီအချိန်မှာဘဲ
ပင်လယ်ကွေ့မှာ ရေနံတွေ ဖိတ်ကုန်ကြတယ်
ရေနံတွေဟာ စစ်မက်ဖြစ်ပွားနေတယ်
ဒီတိုင်းပဲ
ကျောက်မျက်တွေရော မီးသဘောင်္တွေရော
ကျွန်းသစ်တွေရော လူ့အရင်းအမြစ်တွေရော
တိုးတက်လာတဲ့ ငါတို့ရဲ့ ခေတ်မှာ
စာနာစိတ်ဟာ အပြိုင်းအရိုင်း ဆုတ်ယုတ်လာ
ဒါဟာ


တရားတဲ့လား
စစ်တဲ့လား မေတ္တာတဲ့လား
ငါတို့ စိုက်နေတဲ့ သစ်ပင်ရဲ့
အကာအကွယ်မဲ့နေတဲ့
အိပ်မက်ကို ဖာထေး
နည်းပညာ အကူအညီနဲ့ ကဗျာရေးလိုက်
နည်းပညာ အကူအညီနဲ့ လူသတ်လိုက်
နည်းပညာ အကူအညီနဲ့ နည်းပညာထွင်လိုက်
နည်းပညာ အကူအညီနဲ့ ဆက်သွယ်ရေးနှုန်းမြှင့်တင်
နည်းပညာ အကူအညီနဲ့ တရားစွဲ
နည်းပညာ အကူအညီနဲ့ စီတန်းလှည့်လည်
နည်းပညာ အကူအညီနဲ့ လူထုခေါင်းဆောင်လုပ်ချင်
နည်းပညာ အကူအညီနဲ့ လူထုတရားခံ ဖြစ်
နည်းပညာ အကူအညီနဲ့ နေ
ပြီးတော့ သေ
ရှင်သန်မှု တလျှောက် တရားမျှတမှုအစား
နေပျော်မှုကို ရှာဖွေရ
လူသားပီပီ စာနာစိတ်ဟာ
ဝမ်းရေးကို တိုက်ခိုက်သတဲ့
ငါရှင်းလင်းနေတုန်း
မြို့ပြဟာ ပြိုပျက်လာပြန်
မြို့ပြရဲ့ ပန်းဦးကို ဘယ်သူခြွေသလဲ
မြို့ပြဟာ ကိုယ်ဝန်ဆောင်ပီး
မြို့ပြဟာပဲ သားဖျက်တော့တယ်
ဒီကမ္ဘာကြီးအပေါ် ချို့ယွင်းလာတဲ့ စေတနာ။

• မောင်မြတ်သူ

"နှင်းတွေထဲမှာ တစ်ယောက်ထဲ အေးနေသလား ငယ်"

• နှင်းတွေထဲမှာ တစ်ယောက်ထဲ အေးနေသလား ငယ်

မန္တလေးက လာတဲ့ နှင်းက မြောင်းမြမှာ တန့်သွားတယ်
ဒီနွေဦးပေါ့ အရူးလေးတစ်ယောက်နဲ့ အရူးမလေးတစ်ယောက်
မိုင်ပေါင်းခြောက်ရာကျော်မှာ ရူးနေကြတာ

တစ်ယောက်အကြောင်း တစ်ယောက်
လိုတာထက် ပိုမသိကြ
တစ်ယောက်လိုအပ်မှု တစ်ယောက်
လိုတာထက် ပိုမသိကြ
ဒီလိုနဲ့ မန္တလေးက နှင်း က မြောင်းမြအထိ ရိုက်ခက်
မီးလင်းဖို တစ်ခုထက် ယုံကြည်မှု တစ်ခုကို ရှာဖွေနေကြတယ်

မင်းအနားမှာ ငါမရှိသလို ငါအနားမှာလည်း မင်းမရှိဘူးပေါ့
မင်းအနားမှာ အေးစက်နေတဲ့ ဂြိုဟ်ဆိုးတွေရှိနေခဲ့တာ
ငါလည်း လိုတာထက်ပို မသိခဲ့ပေါ့
ဒီလိုနဲ့ ပြီးခဲ့တဲ့ ဆောင်းတွင်းက မင်းလိုတာထက်ပို အေးစက်နေသလား
မြောင်းမြက မီးဖိုလေး တစ်ခုက မန္တလေးကို မိုင်ချီကျော်ကာ နွေးစေခဲ့ရဲ့လား

အံသြစရာပေါ့
အဲဒီ သန်းပေါင်းများစွာသော ဖြစ်တန်စွမ်းတွေထဲမှာမှ
ငါတို့က အညွှန်းကိန်းလေး တစ်ခု
ငါ နဲ့ မင်းနဲ့ ဆက်သွယ်နေခဲ့တာမှာ
တံဆိပ်ခေါင်းလည်း မလိုသလို စာတိုက်လည်း မရှိခဲ့
တို့ နှစ်ယောက် မတော်တဆ ခလုတ်တိုက်ခဲ့တာဟာ
ဖုန်းလိုင်းတွေပေါ်မှာ ချက်ဘောက်တွေမှတဆင့် မြူထက်ပါးတဲ့ အလင်းရဲ့ အမြန်မျိုးနဲ့ပေါ့

မန္တလေးက လာတဲ့ နှင်းက မြောင်းမြမှာ တန့်သွားတယ်
ကဗျာမှ တဆင့် ၊ ရိုးရှင်းမှုတစ်ခုက မိုင်တွေကို ရိုက်ချိုးခဲ့တာမှ တဆင့် ၊ ဒေသန္တရာအပြောင်းအလဲမှ တဆင့်

မန္တလေးက လာတဲ့ နှင်းက မြောင်းမြမှာ တန့်သွားတယ်
မျက်မှန်ကိုင်းလေးမှ တဆင့် ၊ အသံဝဲ၀ဲလေးမှ တဆင့် ၊ သူမှ တဆင့်

မန္တလေးက လာတဲ့ နှင်းက မြောင်းမြမှာ တန့်သွားတယ်
ကြိုးစားနေတဲ့ ဖြူစင်မှုမှ တဆင့်

မန္တလေးက လာတဲ့ နှင်းက မြောင်းမြမှာ တန့်သွားတယ်
စိုးရိမ်ပူပန်မှုတွေမှ တဆင့်၊ စားနေကျ သားရဲတွေ ရန်မှ ကာကွယ်လိုခြင်းမှ တဆင့်

မန္တလေးက လာတဲ့ နှင်းက မြောင်းမြမှာ တန့်သွားတယ်
ဒီလိုနဲ့ နှစ်တွေ လတွေ ရက်တွေ ကြာနေအုံးမှာလား

မန္တလေးက လာတဲ့ နှင်းက မြောင်းမြမှာ တန့်သွားတယ်

ငါဟာ စက္ကန့်သံတွေကို စေခိုင်းနိုင်တဲ့ သမာဓိ မျိုးနဲ့
ဒီ ကဗျာ ကိုရေးမိပေါ့
နှစ်လိုခြင်း အပြည့်နဲ့ ဖတ်လိုက်ရင်
အရင်အချိန်တွေဟာ  မအေးစက်တော့ဘူးထင်ရဲ့
မိုင်ခြောက်ရာကျော်ဆိုတာ စေစားနိုင်ရင် ခဏပဲ
မန္တလေးက လာတဲ့ နှင်းဟာ မြောင်းမြမှာ တန့်သွားတယ် ။

• မောင်မြတ်သူ

"တန်ရာ ကို တန်ကြေး နဲ့အချေ"

• တန်ရာ ကို တန်ကြေးနဲ့ အချေ

ကမ်း က မမြင်တဲ့အခါ လမ်း က မမြင်တော့ဘူး

မ ချစ်ရင် ဥ ပါချစ် ဆိုတော့

မ ပစ်ရင် ဥ ပါပစ်

စိတ်ကြီးလွှတ်ချအပေး

ခွေးမသားလို့အဆဲ

အမေ ပြောတဲ့ခွေးက ပြေးခဲတာပဲ။

မင်းခိုင်မြဲ

"ကမ္ဘာကြီးထဲမှာ ၂၃ ၁/၂ ရပ်ရင်း ငါက သွားကြားထိုး"

• ကမ္ဘာကြီးထဲမှာ ၂၃ ၁/၂ ရပ်ရင်း ငါက သွားကြားထိုး

"လက်ရှောင်.. ပေါက်ကောင်ဖွင့်မယ်" ပြောရင်း ငါက သွားကြားထိုး

မိတ္တူဖိုးတွေ ပိုပိုတင်မိရင်း ငါက သွားကြားထိုး

စာရွက်စာတမ်းကြေးတွေ တစ်ပုံကြီး ငါက သွားကြားထိုး

ကော်လာကတုံးကြီး ၀တ်လျက် ငါက သွားကြားထိုး

ကြွေးတွေဆပ်ရအုံးမယ် တွေးရင်း ငါက သွားကြားထိုး

ဒီတစ်ခွက် ပြီးရင်တော်ပြီကွာ ပြောရင်း ငါက သွားကြားထိုး

နွမ်းကြေနေ အအ၀တ်အစားနဲ့ ကောင်မလေးကပြော "သမီးဗိုက်ဆာလို့ပါ ဦး" ငါက သွားကြားထိုး

ကူညီပါ အဘရယ်တဲ့ စာအိတ်ကလေးနဲ့လာပြီးပေး ငါက သွားကြားထိုး

ဝင်ငွေရယ် ထွက်ငွေရယ် အကြိမ်ကြိမ်စစ် ဒီလအတွက် အသုံးစရိတ်တွက် ငါက သွားကြားထိုး

ကြည့်နေရင်းထွက်လာ ဂျေလိုရဲ့အာမခံတန်ဖိုး မျက်လုံးထဲဝင်းဝင်း "တောက်" ငါက သွားကြားထိုး

လူဆိုတာ ကိုယ့်အကြောင်းကိုယ်ပဲ သိတယ် ဆိုပဲ *ဂျေမီ ငါက သွားကြားထိုး

သွားကြားမှာ ကပ်နေတဲ့ အစာဟောင်းတွေ သန့်စင်ဖို့ ငါက သွားကြားထိုး

စိမ်းညှို့နေတဲ့ သစ်တောအုပ်ကြီးတွေလေ အဲဒါတွေ အားလုံးအတွက်လို့ သူကပြော ငါက သွားကြားထိုး

တောက်လျှောက်ပဲ တောက်လျှောက် မရမမချင်း တစ်ချက်လေးတောင် မနားပဲသူလုပ် ငါက သွားကြားထိုး

ကိုရီးယားကားများအတွက် ရုပ်သံကိုကျေးဇူးတင်ကာ ငါက သွားကြားထိုး

"ဟဲလို.. ကိုလားဟင် .. ဆုံကြမယ်လေ "တဲ့  ငါက သွားကြားထိုး

" သမီး အိမ်ဖေါ်ပဲ လုပ်ချင်တယ် " အဲဒီ  ကောင်မလေး ပြောရင်းငို ငါက သွားကြားထိုး

သိတဲ့ အတိုင်းပဲ ကုန်ဈေးနှုန်းက ကြီးတော့ မနည်းမှီအောင် လိုက်နေရတယ် သူကပြော  ငါက သွားကြားထိုး

သွားကြားဘာလို့ထိုးလဲ ? ထိုးလို့ရလို့ထိုးတယ် . အဟက် ငါက သွားကြားထိုး

နို့ နေစမ်းပါဦး ငါ ငါ နဲ့ ပြောနေတာ ငါဆိုတာ ခင်ဗျား ငါက သွားကြားထိုး။

• မောင်မြတ်သူ

"စိတ်အခြေအနေပြဇယား/သူ့အကြောင်း"

အခန်းထဲမြည်သံပေးပြီး ထွက်လာတဲ့အရာက
မင်းအားကုန်ပြေးကန်လိုက်တဲ့ ဘောလုံးလို
သူ့အကြောင်းဟာ မှန်ပြတင်းကို ၀င်မှန်ပြီး
သူ့လျှာပေါ်ကျကွဲသွားတယ်။
အခုသူ့အကြောင်း အခန်းတံခါးကိုစောင့်ဖွင့်ပြီး
ဝရံတာက ထိုးပျံသွားတယ်
အခုသူ့အကြောင်း ကွာလာလန်ပူမြို့က
KLCC TOWER ပေါ်တက်နေပြီ
အခုသူဟာ မင်းရှေ့မှာလှလှကြီး လွှင့်မြောနေတယ်မို့လား
ညနက်နက်ထဲ မင်းရှေ့မှာတင် ပျော်ဝင်သွားပြီမို့လား
အခုသူ့အကြောင်း
မင်းမကောင်းဘူးဆိုတာ သတင်းလို အတင်းလို့
အတင်းလွှင့် သတင်းလွှင့်နေတယ်။
ဆယ်တန်းဂုဏ်ထူးသုံးဘာသာနဲ့ အောင်တယ်လို့ ညာတဲ့သူ့အကြောင်း
ရွာထိပ်က သောက်ရေကန်လို လူ့အကျိုးပြုတော့မယ်ဆိုတဲ့ သူ့အကြောင်း
သစ်သစ်လွင်လွင် သစ်ပင်ထပေါက်နိုင်တဲ့ သူ့အကြောင်း
အရမ်းပိန်သွားတယ် ညအိပ်မပျော်ရင် VITAHOMEသောက်ဆိုတဲ့
မင်းအမှာတော်ပါးသံကို သူမေ့နေတယ်
မင်းဆွယ်တာကောင်းကောင်း ထိုးတတ်တဲ့အကြောင်းကို သူမစဉ်းစားမိတော့ဘူးတဲ့
ရုပ်ရှင်ကြည့်တာနှစ်သက်ပြီး ယနေ့အထိ ရုပ်ရှင်ရုံမရောက်ဖူးတဲ့မင်းကိုလှောင်ပြောင်နေတယ်။
အခုသူ ကီလီမန်ဂျာရိုကတဲ့ ဇာတ်သဘင်ပွဲကို ပိုက်ဆံမပေးရတဲ့ရုံပေါက်က
မင်းကို စောင့်ကန်သွင်းသွားတယ်
သူဟာ စားပွဲခုံမှာ မင်းကိုထိုင်ခိုင်းပြီး ထထွက်သွားရင် အတော့် အတော်ကြာမှ
ပြန်ရောက်လာတယ်မို့လား
အခုသူ "လှလှကြီး" ကဗျာစာအုပ်ကို ဖတ်နေတယ်
အခု သူ အနှစ်သက်ဆုံးကလွင့်နေခြင်းပဲ
အခု သူ စက်ဘီးလေးစီးပြီး ထွက်သွားလိုက်တာ
မြောင်းမြသားသောက်ရူးတစ်ကောင်နဲ့သောက်ဖောင်းသွားထုတာဖြစ်မယ်
အခုသူ့အကြောင်းကို သူလစ်တာနဲ့ သူမကောင်းဘူးဆိုတာ
မင်းကောင်မလေးကိုပြောပြလိုက် လုပ်မယ်ဆိုရင် လုပ်ရမှဆိုတဲ့ သူ့အကြောင်း
သူကောင်းကောင်းသိတယ်
လွယ်အိတ်ကို ပခုံးမှာသိုင်းလွယ် ဘွဲ့ရပြီးသားစတိုင်နဲ့သူ့အကြောင်းကို
ယစ်ပလ္လင်ပေါ်ခေါင်းထိုးတင်ပြီး ဓါးနဲ့ခုတ်လဲ
ပုလ္လင်နဲ့ဓါးမှာ သူ့မနက်ဖြန်ဟာ ရမ္မက်ထန်ပြီး စွဲကျန်တယ်။           ။


PS-ဆရာမောင်ဖီလာရဲ့ "ငါ့အကြောင်း"ကဗျာကို  ဖောက်စား ပါတယ်။

"ကော်လံမပါတဲ့ဦးခေါင်းပေါ်ကလက်ဖျံ"

ကျွန်တော် မထွက်လို့မဖြစ်တော့ဘူး ကျွန်တော်မထွက်လို့တကယ်ကိုမဖြစ်တော့ဘူး
လမင်းကိုပုရွက်ဆိတ်ကိုက်တဲ့နေ့က ထွားထွားကြိုင်းကြိုင်းကြီးကို ပိန်လို့လှလို့ဝလို့
ဘယ်သူလဲ ဘယ်သူလဲ လန့်နိုးခဲ့တဲ့အိပ်မက်တွေထဲ ရေပ်ါလမ်းလျှောက်တာလား
လေပေါ်ဝမ်းမှောက်တာလား သင်ခဲ့တဲ့သင်ခန်းစာထဲမှာ Punkသီချင်းတစ်ပုဒ်ထိုင်ငို
ဆေးရုံခုတင်ပေါ်က ဆရာဝန်ကိုဗေဒင်မေးရအုန်းမယ်

ကောင်းသောညပါ

လာရောက်ထိနမ်းစုပ်မြိုမှုကိုခံလိုက်ရတဲ့
ခေါင်းလောင်းသံတွေသူ့ရင်မှာ    ပဲ့တင်ထပ်နေခဲ့တယ်
အလည်အပတ်ရောက်လာတဲ့အိမ်ရှင်တွေအတွက်
လက်သီးလှလှတစ်ခွက်ဖျော်တိုက်လိုက်ပါ....

သူ့စတိုင်ဖမ်းထားတဲ့ဟိုကောင့်မျက်ခွက်ကြီးကို
ရှောက်သီးသုတ်နဲ့
လက်သုတ်ပုဝါနဲ့
ခရိုနီ နဲ့
မိုနိုပိုလီနဲ့(အမဲသားပဲကျွေးလိုက်ပါ)
အစတုန်း(တုံး/ဒုန်း)ကတော့ဟိုအရင်ကတော့
ရှိသည် ဖြစ်သည် ဖြစ်ကြသည်
ဖြစ်ခဲ့ကြသည် ထို့ကြောင့် ထိုသို့လုပ်လိုက်သည်ဆိုတာ ခွေးစကားပြော
တဲ့
တောက်တဲ့ ပဲ...
ကိန်းဂဏန်းတွေပွရောင်းရောင်း
 လေရဲ့ အထီးကျန်မှုနဲ့ ဖုန်မှုန့်တွေစွန်းပေကပ်ငြိနေတဲ့
စရိုက် ငမိုက်ဟောင်းများကို သဲသောင်ပြင်ပေါ်ပြန်ချထားခဲ့....
မြင်နေ ထိတွေ့နေသမျှအရာအားလုံး
ပိုမိုနက်ရှိုင်းစွာ ကျွန်တော့် ၀မ်းဗိုက်ထဲတိုးဝင်လို့
သေးငယ်ပြီး ဖမ်းယူလို့မရနိုင် ...

စာရွက်လွတ်ပေါ်မှာတော့ အရှိန်သေအောင်သတ်ထားတဲ့ မုန်တိုင်းတစ်ခု ။  ။

                                                   ဒီလူ(တောင်တွင်းကြီး)

"ထွက်ပေါက်၊၀င်္ကပါ၊မှန်ထဲကခွဲစိတ်ခန်း"

လွပ်လပ်စွာရောင်းဝယ်ဖောက်ကားဒါအဖြေပဲ

ဘာဘီကျူးတစ်ချောင်းလိုကြည့်နေရုံနဲ့

ရှင့်နှုတ်ခမ်း၊ကျွံစရာသဒ္ဒါမရှိ၊ညှီတိုင်းလိုက်ပြီး

တချိန်ကချစ်ခဲ့ကြဖူးသည်ပေါ့။

အဲ့နေရာကိုပြန်သွားပြီးအဲ့ပေါ်ကခုန်ချချင်တယ်

လူကြီးမင်းမအားလို့နေခဲ့၊ဒါမှမဟုတ်အကြောင်းအကျိုး

ဗျောက်သံတွေကလည်းဗျောက်သောက်

ရောက်ခဲ့ဖူးပြီလို့ ဘယ်လိုပြန်ပြောမှာလဲ။

သွေးသည်အရောင်အနံအရသာရှိသည်

သေတ္တာတစ်လုံးထဲမှာရှင်ဘယ်လောက်ကြာကြာနေဖူးလို့လဲ

အေဘယ်ကကိန်းကိုမုန်းတာအကြောင်းရှိတယ်

တဖျတ်ဖျတ်၊တလွင့်လွင့်၊တနေကုန်။

အတ္တဟာအတ္တအကြောင်းပဲပြောချင်မကုန်

ကျမခေါင်းညိမ့်တာအသံတိတ်ညင်းဆန်မှု့

ဘတ်စ်ကားမှာအနက်ရောင်တောင်တွေရှိတယ်

ပြီးတော့တံတားပေါ်ကနေရေတံခွန်လိုထိုးဆင်းသွားတာပဲ။

သူလိုကိုယ်မဟုတ်တဲ့အချိန်တွေကို

နာနာကျင်ကျင်အော်ညည်းနေရတဲ့ငရဲခန်းထဲ

ရေဆိုးမြောင်းနဲ့ကြွက်တွေလက်ချင်းချိတ်ကကြ

ကျေးဇူးပြုပြီး မကိုက်ပါနဲ့ရှင်………….။

ပင့်ကူမျှင်တွေပါးစပ်ထဲမှာထွေးထွေးလုံးလုံးထွေးထွေး

ကြာပွတ်သံတွေမပြီးမချင်း

ဆိုနေတဲ့သီချင်း။



*တယ်ရီ

20.1.2013

0100pm

"ကောက်ကြောင်း"

မနက်ဖြန်ရဲ့ အာရုံဦးကိုဖွာရှိုက်မိတိုင်း

စကားလုံးကြမ်းကြမ်းတွေက ဘော့လ်ပင်နဲ့စာရွက်နဲ့

သေချာခဲ့ပါတယ်..

သုံမှုန်နေတဲ့ မြစ်တစ်စင်းဟာ နှုတ်ခမ်းတင်းတင်းစေ့လို့

ရပ်နေကြမှတ်တိုင်မှာ ဆင်းတယ် ။

ဟော...

သောက်လက်စဆေးပြင်းလိပ်က နှုတ်ခမ်းကခုန်ထွက်သွားပြီ

ကဗျာတစ်အုပ်စာအလွမ်းက ခြေချိတ်မထိုင်ပဲ ငွေ့အသက်အချို့ကို အစားမှားတယ်

အလွတ်ကြီးကျလာတဲ့ နံရံဟာ ကိုယ်ခေါင်းတိုက်မိလို့ရယ်သံပေးတယ် "ထင်ပါ့"

ကန်ချက်ပြင်းပြင်းနဲ့ထိုးကလော်လိုက်တဲ့ ကိုင်းဖျားမှာ

ကိုယ်ဟာအလေအလွင့်သိပ်များတဲ့ လေယူလေသိမ်းကိုမှ ငါးမျှားချင်တဲ့ကောင်

အားမနားပါးမနာနဲ့ "အားနာလိုက်တာတဲ့ "

ချိန်သားကိုက်မထားတဲ့ အလင်းဖျော့ကြိုးက

ဒေါင်လိုက် ထောက်ခနဲပျက်ကျသွားတယ်

အင်းစိန်လမ်းမကြီးကတော့ ထင်းနေအောင်လင်းနေတာပဲ။

မတော်တရော် အလေးချိန်ကိုထမ်းလို့ ရှုမိတဲ့လေပါ

မတော်မတရားပင်ပန်းသွားတယ်

ပြစ်တင်သွားတဲ့ ပုဒ်မဟာ မတူညီနိုင်တဲ့သဘော

အရမ်းကရောလွင့်လာတဲ့ ဓါးအကျိုးတစ်ချောင်း

တင်းနေရာကပြတ်ထွက်လာတဲ့ သံကြိုးတစ်စ

ရင်ဘတ်ထဲဆောင့်ကြောင့်ဝင်ပေါက်ကွဲတဲ့ မီးတောင်တစ်လုံး

သူလိုကိုယ်လို မဟုတ်တဲ့ စိတ္တဇဟာ  နေလိုလလိုထွန်းလင်းတယ်။                  ။

                                                                                             မင်းခိုင်မြဲ

"မွေးနေ့"

• မွေးနေ့

အမေ မွေးရုံနဲ့ လူဖြစ်မလာဘူး  လူဖြစ်ချင်ရုံ သက်သက်နဲ့လည်း လူဖြစ်မလာဘူး
သွေးသားတွေ ပြည့်စုံရုံနဲ့ အကောင်ကြီးပြီး မဲထည့်ခွင့်ရရုံနဲ့ လူဖြစ်မလာဘူး
Facebook သုံးပြီး ရဲရဲတောက် အော်နေရုံနဲ့ တင်လူဖြစ်မလာသလို
အရပ်ထဲမှာ ဆေးမှင်ကြောင်တကားကားနဲ့ ရမ်းကားရုံနဲ့လည်း လူဖြစ်မလာဘူး
အကာအကွယ်သုံးရင် လူဖြစ်မလာသလို အရာရာအကွယ်ခံနေရရင် လူဖြစ်မလာဘူး
ယုံကြည်ရုံသက်သက်နဲ့ လူဖြစ်မလာသလို ပုံစံခွက်ထဲမှာ ဖိလောင်းခံရရင်လည်း လူဖြစ်မလာဘူး
အကျီင်္ဖြူ ကြီးဝတ် ပင်နီကြီးဝတ် ဆေးပြင်းလိပ်သောက် ဒီမိုကရေစီအော်နေရုံသက်သက်နဲ့ လူဖြစ်မလာသလို
ခူးပီးသား ခပ်ပီးသား မစားရလို့ သွားရေကျနေရင်လည်း လူဖြစ်မလာဘူး
မနေ့က လူဖြစ်လာတဲ့ကောင်က ဒီနေ့ လူမဟုတ်တော့သလို
လူတလုံး သူတလုံး လူလူသူသူ ဆက်ဆံနေရရုံသက်သက်ကလည်း လူဖြစ်မလာဘူး
မင်္ဂလာပါ ဘဘ ဘာညာ အော်နေရသဖြင့် လူဖြစ်မလာခဲ့သလို
ဟယ်လို ကို အကျယ်ကြီးအော်နေရသ၍ လူမဖြစ်သေးဘူး
မီတာ ပုံမှန်ဆောင်နေရုံသက်သက်နဲ့ လူမဖြစ်သလို ဘာကြောင့်ပျက်သလဲလို့
့မေးရင် လာမှာပေါ့ကွာဆိုတာကြောင့် လူမဖြစ်သေးဘူး
ဆန္ဒဖေါ်ထုတ်ခွင့်ဆိုတာ အိပ်ရာထဲမှာ အိမ်သာထဲမှာ ရှိနေရုံနဲ့ လူမဖြစ်သေးသလို
အခွင့်ထူးမခံဆိုလည်း လူမဖြစ်သေးဘူး အခွင့်ထူးခံနေရရင်လည်း လူမဖြစ်သေးဘူး
မီးနီမှာ မီးနီတာထက်ဆိုးတဲ့သူတွေ ဖျက်စီးနေသ၍ အထူးတန်းဆိုတာကလည်း လူမဖြစ်သေးတဲ့သဘော
မျှော်လင့်ချက် လေးထားပါ ဆိုတာနဲ့ လူဖြစ်မလာသလို အကောင်းမြင်နေတတ်ရုံနဲ့ လူမဖြစ်သေးဘူး
ငါနဲ့မတူ ငါ့ရန်သူ ဆိုတာက လူမဖြစ်သေးတာကို ပြသလို ငါ့ရန်သူရဲ့ ရန်သူက ငါ့မိတ်ဆွေ ဆိုတာနဲ့ လူမဖြစ်သေးဘူး
ငါက မြင့်မြတ်တယ်လို့ ဆိုနေတာနဲ့ လူမဖြစ်သလို ငါပြုတ်ရုံသက်သက်ကလည်း လူမဖြစ်သေးဘူး
လူမဖြစ်သေးတာကို ဒေါသထွက်လို့မရသလို လူမဖြစ်သေးတာကို ကျေနပ်ရုံသက်သက်က အဆင်မပြေသေးဘူး
လူဆိုတာ ဘာလဲ ဆိုတဲ့ မေးခွန်းကို လူဆိုတဲ့ လူတွေ မဖြေနိုင်ကြသေးဘူး
မိဘတွေ များနေသ၍ လူမဖြစ်လာသလို မိဘလို့ သဘောထားနေတဲ့ မီးပွားတွေ များနေသ၍ လူမဖြစ်သေးဘူး
အမျိုး ၊ ဘာသာ ၊ သာသနာကို စောင့်ရှောက်နေရုံနဲ့ လူမဖြစ်လာသလို
အမျိုး ၊ ဘာသာ ၊ သာသနာကို မစောင့်ရှောက်ပဲနေရင်လည်း လူမဖြစ်ပြန်ဘူး
မဆိုင်ပါဘူးကွာ ဒိုးဒိုး အဲဒါ လူဖြစ်မလာသလို ၊ အဟဲဟဲ ဝေလေလေက လည်း လူမဖြစ်သေးဘူး
ညီမလေးကိုပဲ ချစ်နေရုံနဲ့ လူမဖြစ်လာသလို ညီမလေးက ချစ်နေရုံနဲ့လည်း လူမဖြစ်သေးဘူး
လူဆိုတာက သားဖွားခန်းက စသလား အရပ်လက်သည်က စသလား
အချင်းကြိုးကိုက်ဖြတ်တာက စသလား အာဒံ-ဧ၀က စသလား
ဗြဟ္မာကြီး လေးယောက်က စသလား မျောက်ကနေ ပြောင်းလာသလား
လူဆိုရင် အမေးအမြန်းထူသတဲ့ လူတွေက ပြောနေကြ
လူဆိုတာနဲ့ လူဖြစ်ပီလား လူမဖြစ်သေးဘူး ဆိုပါစို့
လူနာမည်တပ်ခံရပီး လူလို မဆက်ဆံခံရသ၍ လူဖြစ်မလာဘူး
မွေးနေ့ ဆိုတာက လူဖြစ်တဲ့ အထိန်းအမှတ်တဲ့လား
အမေ ချွေးတလိမ်းလိမ်းကျပီး အော်ဟစ် ညှစ်ထုတ်နေရတုန်းက Happy Birthday မအော်လိုက်ရ
အဲဒီတော့ လူမဖြစ်သေးဘူး

• မောင်မြတ်သူ

"မှန်ထဲကတိမ်ကို စားသုံးခြင်း"

တောင်ကိုထမ်းပြီး ဓါးသွားပေါ်လမ်းလျှောက်ဖို့

စိတ်တစ်ခုပဲ လိုတယ်

လျှာပေါ်တင်မိလိုက်တဲ့ ရနံ့က

ဘာလို့ဒီလောက် အရသာရှိသွားတာလဲ တွေးလို့ကိုမရဘူး

သမိုင်းထဲဖျော်ထည့်မိလိုက်တဲ့ လက်ကျန်ဟာ

အရှိန်လွန်မောင်းမိတဲ့ လိုင်းကား

ရေချိန်အမှန်ကိုကျော်လွန်သွားတဲ့ ယစ်ထုပ်တစ်ယောက်

မော်ဒန်ပန်းချီကားနဲ့ တိမ်လိုလူပဲ။

ရောင်းရမ်းနေတဲ့ မေတ္တာတရားမှာ

ပြိုကျလာတဲ့မိုးက လက်ခုပ်ထဲမှာအိုင်လို့

အဲ့ဒီနေ့စွဲထဲ အလွမ်းကိုသရော်ပြီး

မီးမြိုက်ထည့်လိုက်တယ်

ရေစီးကြောင်းထဲမျောသွားတဲ့ တိမ်မှာထင်ရာကိုတံဆိပ်ကပ်ပြီး

လက်ခုပ်သံဟာ  လန့်ဖျန့်ပြီးထပျံတယ်

ချောင်းထဲရေကူးနေတဲ့ငှက်ကို မိုးပေါ်ပျံနေတဲ့ငါးကထိုးသုတ်တဲ့အချိန်

ဝေါဟာရတစ်ခုနဲ့လင်လိုမယားလိုရန်ဖြစ်ပြီပဲ။

                                                        မင်းခိုင်မြဲ
                                                                 

အေ(ရ / ယ)ာ င်

လတ်တလောBreaking News က *ခေတ်* မှောက်နေတဲ့သူ့ အကြောင်း၊ထိုင်ခုံကိုနောက်မဆုတ်ပဲ
စားပွဲ*ကိုရှေ့ရောက်အောင်* ဆောင့်*တွန်းထုတ်လိုက်တယ်*/မဟုတ်ဘူးခင်ဗျ….မဟုတ်ဘူးခင်ဗျ
*ဂူနံရံက*ဆေးကြမ်းကခင်ဗျားgraffitiလောက်မလန်းဘူးပြောတာမဟုတ်ဘူးခင်ဗျ…/စိတ်ဆိုးမာန်ဆိုးနဲ့
*နေ*မင်းကို *touch* နဲ့ဆွဲပြီးလွှင့်ပလိုက်/ကျောက်ဖိနပ်စီးထားသည်ကြောင့်ပဲ*ဖန်သား*လွင်*ပြင်တွေ*
ကအကြောက်အကန်/*အထိ*အတွေ့ထဲ*ယဉ်ကျေးမှု့ဟာ*ခေါင်းကိုဖြေးညှင်းစွာခါရမ်းလိုက်သည်/
သူမရနံကြားရတာနဲ့ကျစ်လစ်မှု့ဟာ*အစိမ်းသေ*သေတော့တာပဲ/တစ်စက္ကန့်သုံးဖွာခွဲနှုန်းနဲ့*စိတ်လွတ်ကိုလွတ်သာ*
တည်ငြိမ်ကြည့်စမ်း/မမိုက်ချင်လည်း*နေပေါ့*ဒါကြောင့်နင့်ပုံပြင်ကိုဘယ်သူမှမ၀ယ်တာ(မိန်းကလေးသံ)
*suicideလုပ်*နည်းကျမ်းကငှား*သွားတဲ့*သူတွေဘယ်တော့မှပြန်လာမအပ်ဘူးဟာသ/*နမိတ်*တွေ*ပုံ*ထားတဲ့
ဗလာစာရွက်*တွေ ယိုရွဲ/ဆွေးယိ/စုတ်ပြဲလို့ /**အနာအဖျားစိတ်*ဟာနောက်တစ်ပတ်စာတိတိကျန်သေးတယ်/
ကျွန်တော်*လာရင်*အပြင်သွားတယ်ပြောခိုင်းထားလည်းပြန်ရုံပေါ့/ဒါထုံးစံ ဘောပင်ခဏငှားပါ/*ရှုဆေး*ခဏငှားပါ/
ကော်ဖီခဏငှားပါ/ပိုက်ဆံခဏငှားပါ/မနက်ဖြန်ခဏငှားပါ/ဒါ*နဲ့တင်*အသံက*သွေးမတိတ်တော့ဘူး*/
အဖွားဆုံးဖူးတယ်/အသည်းကွဲဘူးတယ်/*စိတ်နဲ့ပဲဝယ်လို့ ရတဲ့အရာ*ကိုပိုက်ဆံနဲ့ရောင်းရတော့မှအခုထိငိုတာ
မတိတ်သေးဘူး/ရေဒါထဲမှာတက်နင်းမိတဲ့ကြွက်တွေ*ဓါတ်ဖန်လုံးထဲ*၀င်သွားတယ်/မပူပါနဲ့…*နောက်နေ့တွေ*
အကြောင်းမနက်ဖြန်ရောက်ရင်ပြောပြမယ်/2010 မှာအကြောက်ခဲ့ဆုံးစကားကသူမ*ပါမလာခဲ့ရင်*/
အသစ်အဆန်းတွေသိပ်မသုံးနဲ့ဝေါဟာရတွေမျိုးသုဉ်းသွားရင်*ဘယ်လိုလုပ်မလဲ*
*အနက်ရောင်*၏ချောင်းမြောင်းခြင်းကိုခံရသူမှာသူဖြစ်သည်/ကြေမွသွားသော/အနှေးပြကွက်/အဖြူအမဲ/
*ဖန်ချောင်း*/သူမ/မီးတောက်ထဲပုန်းအောင်းနေတဲ့*အမှောင်ကို*ပွတ်သတ်မိတာပါ/ကျွန်တော်လား….
*သဲသဲကွဲကွဲ*ဘယ်မြင်ရမလဲ….ခင်ဗျားမျက်ကြည်လွှာပေါ်မှာရပ်နေတယ်။



                                                                                                                         တယ်ရီ
                                                                                                                     13.10.2012
                                                                                                                          စနေ
                                                                                                                        1230pm

"စောင့်။နေပါလေ အေးဆေးပေါ့"

• စောင့်။နေပါလေ အေးဆေးပေါ့

Write a Note ကို ကလစ်လိုက်တာ သုံးဆယ့် ငါးမိနစ် တိတိ
စောင့်
နေပါလေ အေးဆေးပေါ့
ကိုယ်တွေဆီမှာက မီးပျက်လည်း ပျော် လာလည်း ပျော်
ဆင်းရဲ မွဲတေမှု ပပျောက်ရေး
စောင့်
ကြည့်ပါလေ အေးဆေးပေါ့
တဖြည်းဖြည်း ဖြစ်လာမှာပါတဲ့
ကိုယ်တွေဆီက လေလည် လည်းပျော် နေလည်းပျော် သေလည်းပျော်
အပျော် အပါး မက်တာက မက်တာပေါ့
ပျော်ပွဲရွှင်ပွဲ ကြားထဲမှာ ပျော်ဆဲ ရွှင်ဆဲ
နေပါလေ အေးဆေးပေါ့
ကိစ္စကို ထိပ် ၀ ကနေ စ
Loading ... Loading .. သုံးဆယ့် ငါးမိနစ် တိတိ
အနိစ္စ ဒုက္ခ အနတ္တ တရားသုံးပါးဟာ
အင်တာနက် စဖွင့်တည်းက ပေါ်တယ်
လိုင်းကောင်းခြင်း အမြဲ မရှိ
ဒေါင်းလော့ လုပ်ရင် ဆင်းရဲခြင်း
ဘယ်အချိန် ဟက် မလဲ အစိုးမရခြင်း
မခံ နိုင်လဲ မှိန်းနေ ရုံပေါ့
ဘာများ တတ်နိုင်မလဲ
စောင့်။

နေပါလေ အေးဆေးပေါ့
အေးအေးဆေးဆေးနဲ့ မိုးအေးအေး ကျစိမ့် တစ်ခွက် သောက်ဖို့
စောင့်
ရပါတယ်ဗျာ အကြာကြီးပဲ
ဘာပဲ စောင့်စောင့် အကြာကြီးပဲ။
လမ်းတွေ အသစ် ဖြစ်ဖို့ ခုတင် ၂၀၀ ဆန့် ဆေးရုံကြီး ဖြစ်ဖို့ စသည်ဖြင့်တွေ
ဘာပဲ စောင့်စောင့် အကြာကြီးပဲ။
ဘာများ တတ်နိုင်မလဲ
စောင့်
ကြည့်ပါလေ အေးဆေးပေါ့
သူတို့လည်း လက်ဆယ်ချောင်း ခြေဆယ်ချောင်း ခေါင်းနှစ်လုံးနဲ့
မွေးရာပါ ထူးချွန်သူ (ငထူး)တွေမှ မဟုတ်တာ
သူလို ကိုယ်လို လူတွေပဲ
နှာစေး ခေါင်းကိုက်ဖြစ်မယ်
နာချင်နာမယ် ဖျားချင်ဖျားမယ်
အားချင် အားမယ် မအားချင် မအားဘူး
စောင့် နေပါလေ အေးဆေးပေါ့။
စိတ်ရှည် သီးခံ လမ်းကြောင်းမှန် ကျင့်ရန် ပြည်သူ့ဝတ်
ဆိုသလိုမျိုး
စောင့်
ကြပါလေ အေဆေးပေါ့။
အင်တာနက်connection တွေ ကောင်းလာဖို့
အမြန် လမ်းမကြီး တွေ များများ ပေါ်ထွက်လာဖို့
ပွင့်လင်း လာဖို့
မြင်သာ* လာဖို့
ပွင့်လင်း မြင်သာ ဖို့
ဆင်းရဲ မွဲတေမှု ပပျောက်ဖို့
ကလေး လုပ်သားတွေ ပပျောက်ဖို့
တောတွေ ရှိပြီး တောင်တွေ မပျက်ဖို့
လူထုနဲ့ကဗျာနဲ့ လူထု ဗျာ ဖို့
စောင့် နေပါလေ အေးဆေးပေါ့
စိတ်ရှည် သီးခံ လမ်းကြောင်းမှန် ကျင့်ရန် ပြည်သူ့ဝတ်
ဆိုတာ ရှိတယ်လေ အေးဆေးပေါ့။

မဟာ ရန်ကုန် ရွှေမြို့တော် နိုင်ငံ နိုင်ငံတော် နိုင်ငံသား
ကလေး လူကြီး လိင်တူဆက်ဆံသူ ဆရာ ဒေါက်တာ
လိင်အလုပ်သမ လိင်လုပ်သား ဈေးရောင်း ပြည်သူ့ဝန်ထမ်း
နိုင်ငံ ၀န်ထမ်း ပြည်ပရောက် ပြည်တွင်းနေ အကြမ်းဖက်သမား
နိုင်ငံရေးသမား သမားတော် လူနာ  ကျောင်းသား
ကျောင်းသား လက်နက်ကိုင် တပ်မတော်
တိုင်းရင်းသားများ ကိုယ်ပိုင်အုပ်ချုပ်ခွင့်ရဒေသများ
ရိုဟင်ဂျာ ဘင်္ဂါလီ  ဂန်ဘား မဟာ
နေပြည်တော် ပုသိမ် ကျောင်းကုန်း ဒါးက
ဘလာ ဘလာ ဘလာ ဘလာ
တိုက်တေနီယမ် သတ္တူကိုင်းတွေနဲ့ အသစ်ပြုလုပ်ထားသော
သတင်းနှင့်နည်းပညာသုံး အထူးသတင်းဌာန ရဲ့ ကျင့်ဝတ်ကျင့်ထုံး
နှင့်အညီ ထုတ်ပြန်ကြေညာသော ရဲရဲတောက် သွေးရဲရဲသတင်းဖြစ်စဉ်
အစုံအလင် သေချာ
သိရဖို့
စောင့်
နေပါလေ အေးဆေးပေါ့
ဖြည်းဖြည်းမှ ပြောင်းလို့ရမယ်
အခုသတ် အခုတတ်
ရော် ခက်တာပါပဲ။

• မောင်မြတ်သူ

* မြင်သာ= ကချင်ပြည်နယ် ဆင်ဘိုမြို့နယ်အပိုင် မြင်သာကျေးရွာ